មេបញ្ជាការ កងរាជអាវុធហត្ថខេត្តកំពង់ធំ បានដឹកនាំសហការីអញ្ជើញចុះសួរសុខទុក្ខ និងនាំយកស្បៀងអាហារឧបត្ថម្ភជូនដល់វីរៈកងទ័ព និងជនភៀសសឹក២០គ្រួសារ ដែលមកស្នាក់នៅក្នុងឃុំស្រើង
(កំពង់ធំ)៖ ឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្តកំពង់ធំ បានដឹកនាំសហការីអញ្ជើញចុះសួរសុខទុក្ខ និងនាំយកស្បៀងអាហារឧបត្ថម្ភជូនដល់វីរៈកងទ័ព និងជនភៀសសឹកដែលមកស្នាក់នៅក្នុងឃុំស្រើង ស្រុកប្រាសាទសំបូរ ខេត្តកំពង់ធំ នារសៀលថ្ងៃទី២៤ ខែធ្នូ ឆ្នាំ២០២៥។
ក្នុងពិធីនោះឧត្តមសេនីយ៍ត្រី មាស យ៉ត បានថ្លែងថាបងប្អូនជនភៀសសឹកដែលស្នាក់នៅក្នុងខេត្តកំពង់ធំ សូមកុំបារម្ភ និងការគំរាមកំហែងឱ្យសោះ ពីព្រោះដោយមានការយកចិត្តទុកដាក់ពីសំណាក់ ថ្នាក់ដឹកនាំគ្រប់លំដាប់ថ្នាក់យកចិត្តទុកដាក់ចំពោះបងប្អូនជនភៀសសឹក ដែលភៀសខ្លួនចាកចេញពីផ្ទះ ស្វែងរកទីកន្លែងមានសុវត្ថិភាពស្នាក់នៅបណ្ដោះអាសន្នតាមបណ្ដាខេត្តនានាដើម្បីគេចចេញពីភ្លើងសង្គ្រាមដែលបង្កដោយការឈ្លានពានរបស់ចោសៀម។
សូមបញ្ជាក់ផងដែរថាក្នុងពិធីនោះ ឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ បានឧបត្ថម្ភស្បៀងសម្ភារៈគ្រឿងឧបភោគបរិភោគ ជូនដល់គ្រួសារយោធិន និងបងប្អូនភៀសសឹកចំនួន២០គ្រួសាររួមមាន÷ វីរៈកងទ័ពដែលត្រូវរបួស និងផ្សែងពុលចំនួន ០៣នាក់ ក្នុង១នាក់ទទួលបាននូវ÷ អង្ករ២០គីឡូក្រាមទឹកត្រី១យួរ ទឹកសុីអុីវ១យួរ ពងទា១សាង ទឹកសុទ្ធ១កេស មីជាតិ១កេស និងថវិកា៤០០.០០០រៀលសរុប១,២០០.០០០រៀល។ គ្រួសារជនភៀសសឹក ១៧គ្រួសារ ក្នុង១គ្រួសារទទួលបាននូវ÷ អង្ករ២០គីឡូក្រាម ទឹកត្រី១យួរ ទឹកសុីអុីវ១យួរ ពងទា១សាង មីជាតិ១កេស ទឹកសុទ្ធ១កេស ថវិកា ៥០.០០០រៀល នឹងថវិកាបន្ថែមលើកទឹកចិត្តគ្រួសារកងទ័ព១គ្រួសារចំនួន ៨០,០០០រៀល សរុបថវិកា ៩៣០,០០០រៀល ។ សរុបថវិកា២,១៣០,០០០រៀល ។ ព្រមទាំងប្រគល់សម្ភាររួមមាន÷ អង្ករ១២០គីឡូក្រាម ទឹកត្រី៦យួរ ទឹកស៊ីអ៊ីវ ៦យួរ មីជាតិ ៦កេស ពងទា៦សាង ទឹកសុទ្ធ៦កេស ថវិកា៦៥០,០០០រៀល ទុកសម្រាប់ជូនដល់ជនភៀសសឹកជំលៀសបន្តទៀត។ សរុបថវិកាទាំងអស់២,៧៨០,០០០រៀល។ អត្ថបទកងរាជអាវុធហត្ថខេត្តកំពង់ធំ -ពិនិត្យដោយអ៊ុមញឹប។
