Create Sticky Header/Footer on a Web Page using HTML CSS and JavaScript
ទទកធ-KNTV គេហទំព័រ https://kampongthominfo.com នៃមន្ទីរព័ត៌មាន ខេត្តកំពង់ធំ (សូមអរគុណសន្តិភាព! មានសន្តិភាព ទើបមានថ្ងៃនេះ!) បញ្ឈប់ការប្រើប្រាស់គ្រឿងញៀន ជាជម្រើសដ៏ឆ្លាតវៃ គ្រឿងញៀនមិនមែនជាឱសថលើកកម្លាំងនោះឡើយ។ សូមប្រាប់មនុស្សជាទីស្រឡាញ់ ពីគ្រោះថ្នាក់នៃគ្រឿងញៀន ប្រើគ្រឿងញៀនគឺបំផ្លាញខ្លួនឯង ក្រុមគ្រួសារ និងសង្គមជាតិ។ កុំយកអនាគតដ៏ស្រស់ថ្លារបស់អ្នក ទៅជាប់ជំពាក់នឹងគ្រឿងញៀន ស្វែងរកវិជ្ជា កិត្តិយសមាន សេពគ្រឿងញៀន នាំមហន្តរាយ។ គោរពច្បាប់ចរាចរណ៍បើកបរដោយការយោគយល់ គោរពច្បាប់ចរាចរណ៍បើកបរសូមពាក់មួកសុវត្ថិភាពជានិច្ច។

រដ្ឋបាលស្រុកប្រាសាទបល្ល័ង្កជំរុញឱ្យអាជ្ញាធរឃុំ សហគមន៍ ផ្សព្វផ្សាយពីសេវាច្រកចេញចូលតែមួយដល់បងប្អូនប្រជាពលរដ្ឋទៅដល់មូលដ្ឋានដើម្បីបម្រើសេវាឲ្យកាន់តែមានប្រសិទ្ធិភាព

រដ្ឋបាលស្រុកប្រាសាទបល្ល័ង្កជំរុញឱ្យអាជ្ញាធរឃុំ សហគមន៍ ផ្សព្វផ្សាយពីសេវាច្រកចេញចូលតែមួយដល់បងប្អូនប្រជាពលរដ្ឋទៅដល់មូលដ្ឋានដើម្បីបម្រើសេវាឲ្យកាន់តែមានប្រសិទ្ធិភាព

(កំពង់ធំ)៖លោក ឈួន រ៉ា ប្រធានក្រុមប្រឹក្សាស្រុកប្រាសាទបល្ល័ង្កជំរុញឱ្យអាជ្ញាធរឃុំ សហគមន៍ ផ្សព្វផ្សាយពីសេវាច្រកចេញចូលតែមួយដល់បងប្អូនប្រជាពលរដ្ឋទៅដល់មូលដ្ឋានដើម្បីបម្រើសេវាឲ្យកាន់តែមានប្រសិទ្ធិភាព។

លោក ឈួន រ៉ា បានថ្លែងក្នុងវេទិកាសាធារណៈស្ដីពីការបើកចំហរព័ត៌មាន
តម្លាភាពថវិកា និង លទ្ធកម្មថ្នាក់ស្រុក ថ្ងៃពុធ ៦ កើត ខែមិគសិរ ឆ្នាំ ម្សាញ់ សប្តស័ក ព.ស២៥៦៩ ត្រូវទីថ្ងៃ ២៦ ខែ វិច្ឆិកា ឆ្នាំ ២០២៥ នៅភូមិគគីរ ឃុំសាលាវិស័យ ស្រុកប្រាសាទបល្ល័ង្កខេត្តកំពង់ធំ  ដែលរៀបចំដោយអង្គការវិទ្យាស្ថានតស៊ូមតិ និងគោលនយោបាយ(API)និងរដ្ឋបាលស្រុកប្រាសាទបល្ល័ង្ក គាំទ្រសហគមន៍អឺរ៉ុប Bread for the world និង DCA ដោយមានការអញ្ជើញចូលរួមពីប្រជាពលរដ្ឋ ៣ ភូមិ ប្រមាណជិត ១០០ នាក់។

លោកស្រី សូ សោភា តំណាងអង្គការវិទ្យាស្ថានតស៊ូមតិនិងគោលនយោបាយ (API)បានបញ្ជាក់ថាសកម្មភាពដែលអង្គការកំពុងអនុវត្តក្នុងឆ្នាំ២០២៥នេះមាននៅក្នុង២គម្រោង ៣ម្ចាស់ជំនួយ គម្រោងទី១. គម្រោង “សំឡេង និង សកម្មភាពរបស់ប្រជាពលរដ្ឋសម្រាប់ការអភិវឌ្ឍប្រកបដោយនិរន្តរភាពនៅកម្ពុជា ដំណាក់កាលទី២” ផ្តល់មូលនិធិពីអង្គ ការ Bread for the World (BfdW) ជំនួយព្រះវិហារដាណឺម៉ាក (DCA) និងគម្រោង “ពង្រឹងការចូលរួមរបស់ពលរដ្ឋក្នុង ការគ្រប់គ្រងហិរញ្ញវត្ថុសាធារណៈ “ផ្តល់មូលនិធិពីសហភាពអឺរ៉ុប (EU)

លោកស្រីបន្តថាវេទិកាសាធារណ:នេះមានគោលបំណងពង្រឹងការចូលរួមរបស់ប្រជា ពលរដ្ឋ ជាពិសេសស្ត្រី យុវជន ជនជាតិដើមភាគតិច និងជនមានពិការភាព នៅក្នុងការពង្រឹងការគ្រប់គ្រងហិរញ្ញវត្ថុ សាធារណៈ និងអភិបាលកិច្ចមូលដ្ឋាន ដើម្បីលើកកម្ពស់តម្លាភាព ការទទួលបានព័ត៌ ការទទួលបានព័ត៌មាន ស្តីពី សេវាការិយាល័យ ច្រកចេញចូលតែមួយ ព័ត៌មានថវិកាប្រចាំឆ្នាំ និងលទ្ធកម្មគម្រោងមូលនិធិស្រុក ជូនប្រជាពលរដ្ឋក្នុងសហគមន៍។

ការលើកឡើងពីប្រជាពលរដ្ឋសំណូមពរឲ្យអាជ្ញាធរ ឃុំ ស្រុក ជួយពន្លឿនការបម្រើសេវាឲ្យបានឆាប់រហ័សលើបញ្ហាខុសភេទ ខុសអាយុ ថ្ងៃខែឆ្នាំកំណើត ទីកន្លែងកំណើត ក៏ដូចជាឈ្មោះ ខុសអក្ខរាវិរុទ្ធ សុំឱ្យមានការកែតម្រូវនៅត្រឹមថ្នាក់ស្រុកដែលអាចកែបាន និងសំណូមពរផ្តល់ថវិការបស់ស្រុកជួយដល់សហគមន៍ព្រៃឈើនិងសហគមន៍នេសាទ ផង ជួយជួសជុលផ្លូវទៅភូមិគគីរឃុំសាលាវិស័យ។

លោក ឈួន រ៉ា បានកោតសរសើរ និងវាយតម្លៃ ខ្ពស់ចំពោះអង្គការវិទ្យាស្ថានតស៊ូមតិ និងគោលយោបាយ (API) ដែលបានខិតខំប្រឹងប្រែងផ្តល់យោបល់ បទពិសោធន៍ ដើម្បីដោះស្រាយពីកង្វល់ និងបញ្ហាក្នុងសហគមន៍ និងស្វែងរកដំណោះស្រាយជូនប្រជាពលរដ្ឋ។

លោកបន្តថាអ្នកចូលរួមទាំងអស់បានលើកឡើងនូវទុក្ខកង្វល់ បញ្ហាប្រឈម និងសំណូមពរនានាឱ្យបានច្រើនពីព្រោះប្រជាពលរដ្ឋគ្រប់រូបមានសិទ្ធិស្មើៗគ្នាក្នុងការបញ្ចេញមតិយោបល់ដើម្បី មកធ្វើការពិភាក្សាស្រាយបំភ្លឺឱ្យបានច្បាស់លាស់ ប្រកបដោយតម្លាភាព និងឈានទៅរកការដោះស្រាយជូនបានចំគោលដៅ មានប្រសិទ្ធិភាព និងទាន់ពេលវេលា។

លោកសំណូមពរដល់អាជ្ញាធរភូមិឃុំ និងសហគមន៍ ឲ្យបន្តសហការជាមួយគ្នាបន្ថែមទៀត ដើម្បីចូលរួមការពារផលប្រយោជគរបស់សហគមន៍ ដែលមានស្រាប់នៅក្នុងមូលដ្ឋានរបស់ខ្លួន ព្រមទាំងបានធ្វើការគាំទ្រ និងចូលរួមសហការជាមួយសហគមន៍ទាំងអស់នៅក្នុងមូលដ្ឋានរបស់ខ្លួន ក្នុងការអនុវត្តរាល់ការលំបាក និងបញ្ហាប្រឈមនានាដែលកើតមានឡើងក្នុងការរួមគ្នាដោះស្រាយ និងជំរុញឱ្យអាជ្ញាធរឃុំ សហគមន៍ ផ្សព្វផ្សាយពីសេវាច្រកចេញចូលតែមួយដល់បងប្អូនប្រជាពលរដ្ឋនៅដល់មូលដ្ឋានដើម្បីទទួលបាននូវសេវាមួយល្អ ស្របច្បាប់ចៀសវាងការចាញ់បោកពីជនបោកប្រាស់ ។

លោក ឈួន រ៉ា បានបញ្ជាក់ថារដ្ឋបាលស្រុកប្រាសាទបល្ល័ង្កមានផែនការថវិកាប្រចាំឆ្នាំ២០២៥ មានចំនួន ៦៥៧,០៨៦.៨៥$ ដោយបានចំណាយលើថវិកាអភិវឌ្ឍន៍ ថវិការដ្ឋបាលនិងថវិកាចំណាយមិនបានគ្រោងទុក ។ អត្ថបទដោយ សូរហ៊ាន សំអាង-ពិនិត្យដោយអ៊ុមញឹប។

Loading

Subscribe ទទកធ-KNTV

Leave a Reply

Your email address will not be published. Required fields are marked *

© 2025 ទទកធ-KNTV - WordPress Video Theme by WPEnjoy
Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains
KNTV