Create Sticky Header/Footer on a Web Page using HTML CSS and JavaScript
ទទកធ-KNTV គេហទំព័រ https://kampongthominfo.com នៃមន្ទីរព័ត៌មាន ខេត្តកំពង់ធំ (សូមអរគុណសន្តិភាព! មានសន្តិភាព ទើបមានថ្ងៃនេះ!) បញ្ឈប់ការប្រើប្រាស់គ្រឿងញៀន ជាជម្រើសដ៏ឆ្លាតវៃ គ្រឿងញៀនមិនមែនជាឱសថលើកកម្លាំងនោះឡើយ។ សូមប្រាប់មនុស្សជាទីស្រឡាញ់ ពីគ្រោះថ្នាក់នៃគ្រឿងញៀន ប្រើគ្រឿងញៀនគឺបំផ្លាញខ្លួនឯង ក្រុមគ្រួសារ និងសង្គមជាតិ។ កុំយកអនាគតដ៏ស្រស់ថ្លារបស់អ្នក ទៅជាប់ជំពាក់នឹងគ្រឿងញៀន ស្វែងរកវិជ្ជា កិត្តិយសមាន សេពគ្រឿងញៀន នាំមហន្តរាយ។ គោរពច្បាប់ចរាចរណ៍បើកបរដោយការយោគយល់ គោរពច្បាប់ចរាចរណ៍បើកបរសូមពាក់មួកសុវត្ថិភាពជានិច្ច។

លោកឧត្តមសេនីយ៍ទោ ហេង សុផល ដឹកនាំកម្លាំងនគរបាលប្រមាណ ៥០ នាក់ ចូលរួមអនាម័យបរិស្ថាន នៅក្រុងស្ទឹងសែន

លោកឧត្តមសេនីយ៍ទោ ហេង សុផល ដឹកនាំកម្លាំងនគរបាលប្រមាណ ៥០ នាក់ ចូលរួមអនាម័យបរិស្ថាន នៅក្រុងស្ទឹងសែន

ព្រឹកថ្ងៃទី ២៤ ខែ វិច្ឆិកា ឆ្នាំ២០២៥ លោកឧត្តមសេនីយ៍ទោ ហេង សុផល ស្នងការនគរបាលខេត្ត ដឹកនាំកងកម្លាំងចូលរួមអបអរសាទរទិវាអនាម័យបរិស្ថានជាតិ ២៣ វិច្ឆិកា ឆ្នាំ២០២៥ ក្រោមប្រធានបទ <<ទម្លាប់ស្អាត គ្រួសារ សុខភាពល្អ>>នៅសួនច្បារមាត់ស្ទឹងសែន ។

ពិធីនេះដែរក្រោមវត្តមាន ឯកឧត្តម ជា វ៉ាន់ចាន់ អភិបាលរងខេត្ត និងអស់លោក លោកស្រី ប្រធាន អនុប្រធានមន្ទីរ ពាក់ព័ន្ធ កងកម្លាំងប្រដាប់អាវុធទាំង ៣ អង្គភាព កម្លាំងអាជ្ញាធរឃុំ-សង្កាត់ សិស្សានុសិស្សចូលរួមយ៉ាងច្រើនកុះករដើម្បី
ធ្វើការអនាម័យបរិស្ថាន ស្ថិតក្នុងភូមិសាស្ត្រក្រុងស្ទឹងសែន ។

លោកឧត្តមសេនីយ៍ទោ ហេង សុផល ស្នងការនគរបាលខេត្ត បានថ្លែងថា មនុស្សជាអ្នកបង្កើតសំរាម សំរាមកើតឡើងដោយសារមនុស្សសំរាមកើតមានឡើងជារៀងរាល់ថ្ងៃ តាមក្រុមគ្រួសារ ក្រុមហ៊ុន រោងចក្រ សហគ្រាស នីមួយៗ ដូច្នេះ សូមបងប្អូនមេត្តាយកចិត្តទុកដាក់ក្នុងការវេចខ្ចប់សំរាម ឬកាកសំណល់ (រឹង រាវ ឧស្ម័ន) ឱ្យបានត្រឹមត្រូវ ការណែនាំ របស់មន្ត្រីជំនាញ ដែលពាក់ព័ន្ធ ជៀសវាងការទុកដាក់ខុសលក្ខណៈបច្ចេកទេស ដែលបណ្តាលឱ្យមានបញ្ហា ការរំខានដោយប្រការណាមួយ ។

លោកឧត្តមសេនីយ៍ទោ ស្នងការ បានបញ្ជាក់ថាទិវាអនាម័យបរិស្ថាន ២៣ វិច្ឆិកា ត្រូវបានបង្កើតឡើង ដោយអនុក្រឹត្យលេខ ៤៧អនក្រ.បក ចុះថ្ងៃទី ២១ ខែ មិថុនា ឆ្នាំ១៩៩៥ ដែលត្រូវបានប្រារព្ធជារៀងរាល់ឆ្នាំ និងត្រូវបានកំណត់ប្រធានបទផ្សេងៗគ្នាទៅតាមឆ្នាំនីមួយៗ ។ ឆ្នាំនេះ ទិវាអនាម័យបរិស្ថាន ត្រូវបានប្រារព្ធធ្វើឡើងក្រោមប្រធានបទ<<ទម្លាប់ស្អាត គ្រួសារ សុខភាពល្អ>> គឺជាការរំឭក និងបំផុសគំនិត ស្មារតី ដល់ប្រជាពលរដ្ឋ កម្ពុជា ដោយឡែកប្រជាពលរដ្ឋខេត្តកំពង់ធំ ឱ្យចូលរួមថែរក្សាអនាម័យ រក្សា ការពារ អភិរក្សធម្មជាតិ និងបរិស្ថានឱ្យមាននិរន្តរភាពប្រកបដោយភាពស្អាត ស្រស់បំព្រង ។

សូមរំឭកដែរថា ក្នុងកិច្ចប្រជុំបូកសរុបលទ្ធផលការងារខែ នាពេលកន្លងទៅថ្មីៗនេះ លោកឧត្តមសេនីយ៍ទោ ហេង សុផល ស្នងការនគរបាលខេត្ត បានក្រើនរំឭក ដល់មន្ត្រីក្រោមឱវាទ ត្រូវយកទុកដាក់ លើការងារ :
១- ការថែទាំ សុខភាព តាមរយៈការធ្វើអនាម័យ សុខភាព បរិភោគម្ហូបអាហារ ចម្អិនឱ្យបានឆ្អិនល្អ ចាំបរិភោគ ធ្វើការបោសសំអាត សំរាម ក្នុង-ក្រៅ បរិវេណអង្គភាព ប្រមូលទុកដាក់ កាយកប់វត្ថុដែលអាចដក់ទឹកបានបង្ករឱ្យមានសត្វម៉ូស ចម្លងជំងឺកាចសាហាវ ។

២- បង្ករបង្កើនផល ដំណាំ បន្លែ ផ្លែឈើ ចិញ្ចឹមសត្វ ដើម្បីផ្គត់ផ្គង់ជួយសម្រាលការចំណាយ ដល់កម្លាំងប្រចាំការ តាមអង្គភាពនីមួយៗឱ្យកាន់តែប្រសើរឡើង ដូចជាចូលរួមលើកកម្ពស់បរិស្ថាន ផងដែរ ។

៣-សហការ ជាមួយអាជ្ញាធរដែនដី មេឃុំ-ចៅសង្កាត់ ផ្សព្វផ្សាយគោលនយោបាយនានា របស់រាជរដ្ឋាភិបាល នៃព្រះរាជាណាចក្រកម្ពុជា ដល់ប្រជាពលរដ្ឋ បញ្ជ្រាបការយល់ដឹង និងចូលរួមអនុវត្តឱ្យបានគ្រប់ៗគ្នាជាពិសេសក្នុងការលើកកម្ពស់សុខុមាលភាពរបស់ប្រជាពលរដ្ឋ ៕អត្ថបទស្នងការដ្ឋាននគរបាលខេត្តកំពង់ធំ-ពិនិត្យដោយអ៊ុមញឹប។

Loading

Subscribe ទទកធ-KNTV

Leave a Reply

Your email address will not be published. Required fields are marked *

© 2025 ទទកធ-KNTV - WordPress Video Theme by WPEnjoy
Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains
KNTV