កម្មសិក្សាការីថ្នាក់សីល នៃសាលាភូមិន្ទរដ្ឋបាលបានចុះលើកផ្លាកផ្ទះនឹងផ្លាកផ្លូវ នៅ ក្រុងច្បារមន ខេត្តកំពង់ស្ពឺ
(កំពង់ស្ពឺ)៖កម្មសិក្សាការីថ្នាក់សីលនៃសាលាភូមិន្ទរដ្ឋបាលបានចុះលើកផ្លាកផ្ទះនឹងផ្លាកផ្លូវនៅភូមិរលាំងសង្កែសង្កាត់ សំព័រទេព ក្រុងច្បារមន ខេត្តកំពង់ស្ពឺថ្ងៃទី២៤ ខែតុលា ឆ្នាំ ២០២៥។
លោកស្រី ហួត ឃីម តំណាងថ្នាក់សីលបានបញ្ជាក់ថាកម្មសិក្សាការីថ្នាក់សីលមានចំនួន ៦១ អង្គ.នាក់ ក្រោមសម្របសម្រួលពីគ្រូបន្ទុកថ្នាក់និងគ្រូជំនួយនៃសាលាភូមិន្ទរដ្ឋបាលបានរៀបចំឱ្យសិក្ខាកម្មសិក្សាការីគ្រប់ថ្នាក់ទាំងអស់បានចុះធ្វើការសិក្សានិងរៀបចំដាក់ផ្លាកលេខផ្ទះនិងផ្លាកផ្លូវ ដែលសាលាដែលបានកំណត់តាមភូមិនីមួយៗ។
លោកស្រីបញ្ជាក់ថាចំពោះថ្នាក់សីលត្រូវបានសាលាភូមិន្ទរដ្ឋបាលរៀបចំឲ្យកម្មសិក្សាការីចុះទៅមូលដ្ឋានភូមិរលាំងសង្កែ សង្កាត់សំព័រទេព ក្រុងច្បារមន ខេត្តកំពង់ស្ពឺ។
លោកស្រី ហួត ឃីម បញ្ជាក់ទៀតថាការចុះរៀបចំលើកផ្លាកផ្ទះនិងផ្លាកផ្លូវរបស់កម្មសិក្សាការី សាលាភូមិន្ទរដ្ឋបាលនេះគឺជាការចូលរួមចំណែកមួយក្នុងការងារសង្គមក៏ដូចជាការចូលរួមសាមគ្គីភាពគ្នាដើម្បីសម្រេចនូវសមិទ្ធិផលរបស់ខ្លួនដែលបានសិក្សារយៈពេល ៩ ខែ ក្នុងឆ្នាំ២០២៥ ដើម្បីចូលរួមចំណែកការអភិវឌ្ឍន៍ជាមួយនឹងថ្នាក់ដឹកនាំខេត្តនិងរាជរដ្ឋាភិបាល ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី។
គួរបញ្ជាក់ថាការរៀបចំផ្លាកផ្ទះមានចំនួន ៣១៧ ផ្លាក និងផ្លាកផ្លូវចំនួន ១០ ផ្លាក
ដែលជាថវិការបស់កម្មសិក្សាការីថ្នាក់សីលនៃសាលាភូមិន្ទរដ្ឋបាល។ (អត្ថបទ និងរូបភាព ឆេង អាន )
