លោកឧត្តមសេនីយ៍ត្រី មាស ដឹកនាំកិច្ចប្រជុំបូកសរុបសភាពការណ៍ការអនុវត្តតួនាទី/ភារកិច្ចដល់កងរាជអាវុធហត្ថប្រចាំខែកញ្ញា លើកទិសដៅបន្តខែតុលា និងរយៈពេល៩ខែ លើកទិសដៅបន្តត្រីមាស៤ ឆ្នាំ២០២៥
(កំពង់ធំ)៖ លោកឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ អញ្ជើញជាអធិបតីភាពបានដឹកនាំកិច្ចប្រជុំបូកសរុបសភាពការណ៍ ការអនុវត្តតួនាទី ភារកិច្ចដល់កងរាជអាវុធហត្ថប្រចាំខែកញ្ញា លើកទិសដៅបន្តខែតុលា ឆ្នាំ២០២៥ និងបូកសរុបសភាពការណ៍ ការអនុវត្តតួនាទី/ភារកិច្ចកងរាជអាវុធហត្ថ រយៈពេល៩ខែ លើកទិសដៅបន្តត្រីមាស៤ ឆ្នាំ២០២៥ នៅព្រឹកថ្ងៃទី១៥ ខែកញ្ញា ឆ្នាំ២០២៥ នៅសាលប្រជុំកងរាជអាវុធហត្ថខេត្តកំពង់ធំ។
កិច្ចប្រជុំនោះមានការអញ្ជើញចូលរួមពី លោក លោកស្រី មេបញ្ជាការរងខេត្ត នាយសេនាធិការរង ប្រធាន-អនុប្រធានមន្ទីរ នាយការិយាល័យ ប្រធានអង្គភាព មេបញ្ជាការ មូលដ្ឋានកងរាជអាវុធហត្ថ ក្រុង /ស្រុកទាំង៩ និងមេបញ្ជាការកងអនុសេនាធំចល័តផងដែរ។
ក្នុងឱកាសនោះលោកឧត្តមសេនីយ៍ត្រីមេបញ្ជាការ ណៃនាំនិងដាក់បទបញ្ជាដល់តាមបណ្ដាមន្ទីរ/អង្គភាព មេបញ្ជាការមូលដ្ឋានក្រុង/ស្រុក ចំណុះបញ្ជាការដ្ឋានកងរាជអាវុធហត្ថកំពង់ធំ ត្រូវយកចិត្តទុក្ខដាក់ក្នុងការងារ ជាពិសេសត្រូវត្រួតពិនិត្យមើលសម្ភារៈសម្រាប់ជួយសង្គ្រោះដល់បងប្អូនប្រជាពលរដ្ឋក្នុងរដូវវស្សានេះ ក្រែងមានគ្រោះមហន្តរាយកើតឡើងជាយថាហេតុដូចជា (គ្រោះទឹកជំនន់, ខ្យល់ព្យុះ )ជាដើម។
លោកឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ បានឱ្យកម្លាំងទាំងអស់ត្រូវតែត្រៀមកម្លាំង មធ្យោបាយ គ្រឿងបរិក្ខាបំពាក់ សម្ភារៈផ្សេងៗ ដើម្បីជួយសង្គ្រោះបងប្អូនប្រជាពលរដ្ឋឱ្យបានរហ័ស និងទាន់ពេលវេលា ចៀសវាងកុំឱ្យមានគ្រោះថ្នាក់ដល់អាយុជីវិតបងប្អូនប្រជាពលរដ្ឋនៅក្នុងមូលដ្ឋាន។ អត្ថបទកងរាជអាវុធហត្ថខេត្តកំពង់ធំ-ពិនិត្យដោយអ៊ុមញឹប។
