លោក អ៊ុន បុត្ត អញ្ជើញក្នុងពិធី ២០ ឧសភា (ជាទិវាជាតិនៃការចងចាំ) នៅស្រុកសណ្ដាន់

(កំពង់ធំ)÷ នៅព្រឹកថ្ងៃទី២០ ខែឧសភា ឆ្នាំ២០២៥
លោក អ៊ុន បុត្ត អភិបាលរងខេត្តកំពង់ធំ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំមានរិទ្ធ បានអញ្ជើញជាធិបតីភាពក្នុងពិធី ២០ ឧសភា (ជាទិវាជាតិនៃការចងចាំ) នៅវត្តគន្ធជលសារ(ហៅវត្តបឹងក្រូច) ស្ថិតនៅភូមិបឹង ឃុំមានរិទ្ធ ស្រុកសណ្ដាន់ ខេត្តកំពង់ធំ សមាសភាពអ្នកចូលរួមសរុប២១៧ នាក់ស្រី៨១នាក់ ក្នុងនោះមាន
ក្រុមការងាររាជរដ្ឋាភិបាលចុះមូលដ្ឋានឃុំមានរិទ្ធ១១នាក់
លោកគ្រូ-អ្នកគ្រូ១៨នាក់ សិស្សានុសិស្ស១០៤នាក់ និងប្រជាពលរដ្ឋ៨៤នាក់។

ថ្លែងនៅក្នុងកម្មវិធីនេះលោក អ៊ុន បុត្ត លើកឡើងថាថ្ងៃទី២០ ខែឧសភានេះជា(ទិវាជាតិនៃការចងចាំ) និងជាទិវាបុណ្យជាតិផ្លូវការដែលត្រូវបានកំណត់ដោយ រាជរដ្ឋាភិបាលកម្ពុជា សម្រាប់ជាការរំឭក ដល់ជនរងគ្រោះ និងការឈឺចាប់ពីឧក្រិដ្ឋកម្ម ដែលកើតមានក្នុងរបបកម្ពុជាប្រជាធិបតេយ្យ ចន្លោះពីថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី០៦ ខែមករា ឆ្នាំ១៩៧៩។ 

លោក អ៊ុន បុត្ត អភិបាលរងខេត្តកំពង់ធំ បានបន្ថែមទៀតថាទិវាជាតិនៃការចងចាំ២០ ឧសភា បង្កើតឡើងក្នុងគោលបំណងលើកតម្កើងការគោរពវិញ្ញាណក្ខន្ធ និងការធ្វើបុណ្យឧទ្ទិសដល់ជនរងគ្រោះបានស្លាប់ក្នុងរបបកម្ពុជាប្រជាធិបតេយ្យ លើកតម្កើងការរំឭក ដល់ជនរងគ្រោះ ការស្តារកិត្តិយស និងសេចក្តីថ្លៃថ្នូររបស់ជនរងគ្រោះ ទោះជានៅរស់រានមានជីវិតឬបានបាត់បង់ជីវិតក៏ដោយ ការឈឺចាប់ខាងផ្លូវចិត្ត ផ្នែកសង្គមរបស់ជនរងគ្រោះ និងក្រុមគ្រួសារ ចូលរួមចំណែកដល់ការផ្សះផ្សាជាតិ ជំរុញឱ្យមានសុខដុមនីយកម្មក្នុងសង្គមកម្ពុជា លើកកម្ពស់ការផ្សព្វផ្សាយ ការយល់ដឹង អំពីអំពើឃោរឃៅដែលកើតមានក្នុងរបបកម្ពុជាប្រជាធិបតេយ្យកុំឱ្យកើតមានឡើងសាជាថ្មី។ អត្ថបទរដ្ឋបាលស្រុកសណ្ដាន់-ពិនិត្យដោយអ៊ុមញឹប