ពិធីសំណេះសំណាល និងប្រគល់ទទួលបង្គោល និងអំពូលសូឡាបំភ្លឺផ្លូវចំនួន ៥០០ដើម ពីបណ្ដាក្រុមហ៊ុនវិនិយោគចំការកៅស៊ូ ជូនមករដ្ឋបាលខេត្តកំពង់ធំ

(កំពង់ធំ)÷ នារសៀល ថ្ងៃទី២៥ ខែមេសា ឆ្នាំ២០២៥ ឯកឧត្តម នួន ផារ័ត្ន អភិបាល នៃគណៈអភិបាលខេត្តកំពង់ធំ បានជួបពិភាក្សាការងារជាមួយ ឯកឧត្តម ង្វៀង មិញវូ ឯកអគ្គរដ្ឋទូតវៀតណាម ប្រចាំនៅព្រះរាជាណាចក្រកម្ពុជា និងប្រគល់-ទទួល បង្គោល និងអំពូលភ្លើងសូឡាចំនួន ៥០០ បង្គោល ជូនមករដ្ឋបាលខេត្តកំពង់ធំ ដើម្បីចូលរួមចំណែកជាមួយរដ្ឋបាលខេត្ត នៅក្នុងយុទ្ធនាការបំពាក់អំពូលភ្លើងសូឡានៅតាមដងផ្លូវជាតិលេខ ៦។

កម្មវិធីនេះក៏មានការអញ្ជើញចូលរួមពី ឯកឧត្តមអភិបាលរងខេត្ត កងកម្លាំងទាំងបី មន្ត្រីសាលាខេត្ត ប្រធានមន្ទីរជុំវិញខេត្ត និងអភិបាលក្រុង/ស្រុកទាំង៩ និងបណ្តាក្រុមហ៊ុនវិនិយោគចំការកៅស៊ូក្នុងខេត្តកំពង់ធំ។

ឯកឧត្តម នួន ផារ័ត្ន អភិបាលខេត្តកំពង់ធំ បានថ្លែងអំណរគុណដល់បណ្តាអ្នកវិនិយោគចំការកៅស៊ូដែលបានចូលរួមចំណែកជាមួយរដ្ឋបាលខេត្ត នៅក្នុងយុទ្ធនាការបំពាក់អំពូលភ្លើងសូឡានៅតាមដងផ្លូវជាតិលេខ ៦ ដែលចូលរួមចំណែកយ៉ាងសំខាន់ក្នុងការកាត់បន្ថយគ្រោះថ្នាក់ចរាចរណ៍ សន្តិសុខ និងសណ្តាប់ធ្នាប់ ជូនដល់បងប្អូនប្រជាពលរដ្ឋ។

ជាមួយគ្នានេះ ឯកឧត្តមអភិបាលខេត្តបានលើកទឹកចិត្តដល់អ្នកវិនិយោគក្នុងការវិនិយោគលើការកែច្នៃឈើកៅស៊ូ ដំឡូងមី ស្វាយចន្ទី និងជីកសិកម្ម ក៏ដូចជាថ្នាំសម្លាប់សត្វល្អិត ដើម្បីឱ្យសេដ្ឋកិច្ចខេត្តកំពង់ធំមានការរីកចម្រើនលូតលាស់បន្ថែមទៀត។ អត្ថបទលោកធូកែវមុន្នី-ពិនិត្យដោយអ៊ុមញឹប។