កិច្ចប្រជុំត្រួតពិនិត្យ និងកែសម្រួលលើរបាយការណ៍ របស់រដ្ឋបាលខេត្តប្រចាំខែមករា

(ខេត្តកំពង់ធំ)៖ ថ្ងៃទី៣ ខែកុម្ភៈ ឆ្នាំ២០២៦ ឯកឧត្តម លី វេត  អភិបាលរងខេត្ត ដឹកនាំកិច្ចប្រជុំត្រួតពិនិត្យ និងកែសម្រួលលើរបាយការណ៍ របស់រដ្ឋបាលខេត្តប្រចាំខែមករា ដោយមានការចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត នាយក-នាយករងរដ្ឋបាល លោក លោកស្រីប្រធានមន្ទីរ ប្រធាន-អនុប្រធានការិយាល័យចំណុះសាលាខេត្ត និងមន្ត្រីពាក់ព័ន្ធ ដែរប្រព្រឹទ្ធទៅនៅសាលប្រជុំប្រាសាទតោ នៃរដ្ឋបាលខេត្តកំពង់ធំ។

កិច្ចប្រជុំនេះមានគោលបំណងដើម្បីកាត់បន្ថយពេលវេលា និងស្របតាមគោលបំណងក្នុងកិច្ចប្រជុំរបស់ក្រុមប្រឹក្សាខេត្ត ដោយតម្រូវឱ្យក្រុមការងារសរុបរបាយការណ៍ប្រចាំខែនីមួយៗ ពិនិត្យ កែសម្រួលអត្ថន័យប្រយោគឃ្លា និងអក្ខរាវិរុទ្ធឱ្យបានត្រឹមត្រូវដើម្បីយកពេលវេលាពិភាក្សា ផ្ដល់យោបល់ ឬដោះស្រាយបញ្ហាផ្សេងៗ។

ចុងបញ្ចប់ ឯកឧត្តម បានណែនាំ និងសំណូមពរ ដល់អង្គក្រុមការងារត្រូវបន្តខិតខំអនុវត្តការងារប្រកបដោយការ ទទួលខុសត្រូវខ្ពស់ និងមានប្រសិទ្ធភាព។
អត្ថបទ&រូបភាពដោយ៖ រិទ្ធី-ពិនិត្យដោយអ៊ុមញឹប។