លោកជំទាវ ឃួន ឃុនឌី និងលោកជំទាវ ចឹក ហេង  លោកជំទាវ យស ថានារី អញ្ជើញគោរពវិញ្ញាណក្ខន្ធសពលោក ថូ ថាំង មេឃុំក្តីដូង ស្រុកកំពង់ស្វាយ ខេត្តកំពង់ធំ

(កំពង់ធំ)៖លោកជំទាវ លោកស្រី ឃួន ឃុនឌី សមាជិកព្រឹទ្ធសភានិងជាប្រធានក្រុមការងារចុះមូលដ្ឋានស្រុកកំពង់ស្វាយ លោកជំទាវ ចឹក ហេង  សមាជិកព្រឹទ្ធសភា និងលោកជំទាវ យស ថានារី សមាជិករដ្ឋសភានិងក្រុមការងារ អញ្ជើញចូលរួមគោរពវិញ្ញាណក្ខន្ធលោក ថូ ថាំង មេឃុំក្តីដូង ថ្ងៃទី០២ ខែកញ្ញា ឆ្នាំ២០២៥ នៅផ្ទះសពភូមិអូរសំបួ ឃុំក្តីដូង ស្រុកកំពង់ស្វាយ ខេត្តកំពង់ធំ។

ក្នុងពិធីដ៏ក្រៀមក្រំនេះលោកជំទាវបានពាំនាំនូវការរំលែកទុក្ខពីថ្នាក់ដឹកនាំព្រឹទ្ធសភា រដ្ឋសភា រាជរដ្ឋាភិបាល បណ្ឌិត នាង ផាត ប្រធានក្រុមសមាជិកព្រឹទ្ធសភាប្រចាំភូមិភាគ៨ ដោយក្តីក្រៀមក្រំ និងសោកស្តាយជាទីបំផុតចំពោះការបាត់ បង់នូវបង្គោលដ៏រឹងមាំរបស់គ្រួសារនិងជាធនធានដ៏សំខាន់សំរាប់ឃុំទាំងមូល។

លោកជំទាវបានសម្តែងនូវការសោកស្តាយចំពោះការបាត់បង់និង នឹងចូលរួមរំលែកនូវមរណទុក្ខនេះ និងជូនពរឲ្យវិញ្ញាណក្ខន្ធលោក ទៅកាន់សុគតិភពកុំបីឃ្លៀងឃ្លាតឡើយ។

លោកជំទាវបន្តទៀតថា ក្រោមការដឹកនាំរបស់លោក ថូ ថាំង លោកជាមេឃុំ១រូប ដែលបងប្អូនប្រជាពលរដ្ឋគោរពស្រឡាញ់ នឹងបោះឆ្នោតគាំទ្រលោកគ្រប់អាណត្តិ។

សូមបញ្ជាក់ថា លោក ថូ ថាំង បានទទួលមរណ:ភាព កាលពីថ្ងៃទី៣១
ខែសីហា ឆ្នាំ២០២៥ វេលាម៉ោង ២: ៣០នាទី រសៀល ក្នុងជន្មាយុ៧១ឆ្នាំ ដោយរោគាពាធ។ អត្ថបទដោយ សូរហ៊ាន សំអាង-ពិនិត្យដោយអ៊ុមញឹប។