កម្លាំងជំនាញចម្រុះ នៅតែបន្តចុះបង្ក្រាបបទល្មើសនេសាទបឹងទន្លេសាបក្នុងភូមិសាស្ត្រស្រុកស្ទោង និងបំផ្លាញចោលស្បៃមុងខុសច្បាប់នៅនឹងកន្លែង ព្រមទាំងលែងកូនត្រីចម្រុះចូលទន្លេវិញ

(កំពង់ធំ)÷ នៅរសៀលថ្ងៃទី៣០ ខែសីហា ឆ្នាំ២០២៥
លោក ហួន ផល នាយសង្កាត់រដ្ឋបាលជលផលពាមបាង ដឹកនាំមន្រ្តីចូលរួមជាមួយលោកអនុសេនីយ៍ឯក ឈួន គឹមណាន នាយទាហានថ្នាក់ដឹកនាំតំបន់ប្រតិបត្តិការសឹករងកំពង់ធំ (យោធភូមិភាគទី៤) និង កម្លាំងចម្រុះ ទីបញ្ជាការស្រាលប្រចាំការឃុំពាមបាង ស្រុកស្ទោង បានចេញប្រតិបត្តិការត្រួតពិនិត្យ និងបង្ក្រាបបទល្មើសនេសាទ នៅចំណុច អាងចំបក់ខ្ពស់ ឃុំចំណាក្រោម និងចំណុចបាទាល់ ឃុំពាមបាង ស្រុកស្ទោង ខេត្តកំពង់ធំ។ ជាលទ្ធផលអនុវត្តបាន០១ករណីបានរុះរើ កាប់បំផ្លាញចោលឧបករណ៍នេសាទខុសច្បាប់ របាំងស្បៃមុង នៅនឹងកន្លែងរួមមាន÷
របាំងស្បៃមុងចំនួន០៦របាំង ប្រវែង៣៤០ម៉ែត្រ ឡុកស្បៃមុងចំនួន៦គ្រឿង លូ/លបស្បៃមុងចំនួន៦មាត់ បង្គោលកូនឈើ ចំនួន២៣០ដើម និងលែងកូនត្រីចំរុះទំងន់៥គីឡូក្រាមចូលទន្លេវិញ។

នៅថ្ងៃដដែលលោក គន ចាន់សីហា នាយសង្កាត់រដ្ឋបាលជលផលស្ទោង ដឹកនាំមន្រ្តីកិច្ចសន្យា សហគមន៍នេសាទ និងប្រជាការពារភូមិ ចុះទប់ស្កាត់និងបង្រ្កាបបទល្មើសជលផលនៅចំណុចអូរបាក់ស្ន ឃុំប្រឡាយ ស្រុកស្ទោង ខេត្តកំពង់ធំ។ ជាលទ្ធផលអនុវត្តបាន០១ករណីបានរុះរើនឹងបំផ្លាញចោលឧបករណ៍នេសាទខុសច្បាប់នៅនឹងកន្លែងរួមមាន÷ របាំងស្បៃមុងចំនួន០៧របាំង ប្រវែង៤២០ម៉ែត្រ ឡុកចំនួន០៧គ្រឿង លូ/លបចំនួន០៧មាត់ បង្គោលចំនួន៥០ដើម ចាក់ព្រលែងត្រីទំងន់១០គីឡូក្រាមចូលទន្លេវិញ៊

សូមបញ្ជាក់ផងដែរថា សម្រាប់សង្កាត់រដ្ឋបាលជលផលឃុំពាមបាងមធ្យោ.បាយកាណូតចំនួន៣គ្រឿង បានប្រើប្រាស់ប្រេងសាំងអស់ចំនួន៦០លីត្រផងដែរ។ អត្ថបទខណ្ឌរដ្ឋបាលជលផលកំពង់ធំ-ពិនិត្យដោយអ៊ុមញឹប។