ឯកឧត្តម ហេង សួរ តំណាងដ៏ខ្ពង់ខ្ពស់ សម្តេចបវរធិបតី នាយករដ្ឋមន្ត្រីចុះសួសុខទុកការិនី សឿន សំណាង  ដែលបានទទួលគ្រោះថ្នាក់បាក់កែងជើងម្ខាងដោយសារការរញ្ជួយដីក្នុងប្រទេសថៃ
………..

រសៀលថ្ងៃទី០១ ខែមេសា ឆ្នាំ២០២៥ នេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ តំណាងដ៏ខ្ពង់ខ្ពស់ សម្តេចបវរធិបតី នាយករដ្ឋមន្ត្រី និងលោកជំទាវបណ្ឌិត អមតំណើរដោយឯកឧត្តមញឹក បានខេង អភិបាលរងខេត្តកំពង់ធំ និងសហការី បានអញ្ជើញចុះសួរទុក្ខ លោកស្រីការិនី សឿន សំណាង ដែលជួបគ្រោះថ្នាក់បាក់កែងជើងម្ខាងដោយសារគ្រោះរញ្ជួយដីនៅប្រទេសថៃកាលពីថ្ងៃទី ២៨ ខែ មីនា ឆ្នាំ២០២៥ នៅមន្ទីរពេទ្យខេត្តកំពង់ធំ ។

ក្នុងឱកាសចុះសួរសុខទុក្ខ ឯកឧត្តម ហេង សួគ៌បានពាំនាំនូវការសាកសួរសុខទុក្ខពីសំណាក់សម្ដេចមហាបវរធិបតី ហ៊ុន ម៉ាណែតនិងលោកជំទាវ ដែលសម្តេចនិងលោកជំទាវតែងតែគិតគូពីសុខទុកប្រជាពលរដ្ខនៅគ្រប់ទីកន្លែងពិសេស ដល់លោកស្រីសឿន ដែលគ្រោះថ្នាក់បាក់កែងជើង ដោយសារការរញ្ជួយដីក្នុងប្រទេសថៃនៅពេលថ្មីៗនេះ។

លោកស្រីសឿន សំណាង រស់នៅឃុំក្រយាសាគ្រាម ស្រុកប្រាសាទបល្ល័ង្ក ខេត្តកំពង់ធំ បានរងគ្រោះថ្នាក់បាក់កែងជើង ដោយសារការរញ្ជួយដីក្នុងប្រទេសថៃ កាលពីថ្ងៃទី២៨ ខែមីនា ឆ្នាំ២០២៥  ខណៈកំពុងស្នាក់នៅ និងធ្វើការនៅប្រទេសថៃ ។
នៅក្នុងឱកាសនោះដែរ ឯកឧត្តមរដ្ឋមន្ត្រី ក៏បាននាំយកនូវអំណោយជាថវិការបស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ចំនួន ១០លានរៀល . អំំណោយឯកឧតត្តរដ្ឋមន្ត្រី ហេង សួរ   ថវិកាចំនួន ៤លានរៀល – ម៉ូតូ ០១ គ្រឿង និងកង់ ០១ គ្រឿង គិតជាទឹកប្រាក់ ១៥០០ ដុល្លារអំណោយ ឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំ ចំនួន ២ លានរៀល. ក្រុមការងាររៀបចំអង្គការចាត់តាំងយុវជនគណ:បក្សប្រជាជនកម្ពុជា នៅអាស៊ីខាងកើត និង អាគ្នេយ៍ ចំនួន ២ លានរៀល . សមាគមន៍ទីភ្នាក់ងារជ្រើសរើសពលករ កម្ពុជា ចំនួន ២ លានរៀល ផងដែរ។

ក្រោយពីបានចុះសួសុខទុក ឯកឧត្តមរដ្ឋមន្ត្រី បានបញ្ជូន លោកស្រីសឿន សំណាង ទៅព្យាបាលនៅរាជធានីបន្តទៀតដោយសម្តេចមហាបវរធិតីហ៊ុន ម៉ាណែតនិងលោកជំទាវ រាប់រងសោហ៊ុយក្នុងការព្យាបាល។អត្ថបទនិងរូបភាពដោយអ៊ុមញឹប។