អាជ្ញាធរជ្ញាធរឃុំកំពង់ស្វាយ ពង្រឹងការផ្តល់សេវាសាធារណៈ ដើម្បីឆ្លើយតបតម្រូវការជូនប្រជាពលរដ្ឋ ឱ្យកាន់តែលឿន រហ័ស និងមានតម្លាភាព
(កំពង់ធំ)៖អាជ្ញាធរឃុំកំពង់ស្វាយ ពង្រឹងការផ្តល់សេវាសាធារណៈ ដើម្បីឆ្លើយតបតម្រូវការជូនប្រជាពលរដ្ឋ ឱ្យកាន់តែលឿន រហ័ស និងមានតម្លាភាព
លោក ជឹម ជឿង មេឃុំកំពង់ស្វាយបានឲ្យដឹងថាឃុំកំពង់ស្វាយមានភូមិចំនួនន ១២ ភូមិ ផ្ទៃដី ៨២៦០.៦៨ ហិកតា និងមានប្រជាពលរដ្ឋ ៦២៩៤នាក់ស្រី៨០៤៦ នាក់ ។
លោកបញ្ជាក់ថាសេវាសាធារណៈសំខាន់ៗដែលរដ្ឋបាលឃុំកំពង់ស្វាយផ្តល់ជូនមាន
សេវាអត្រានុកូលដ្ឋាន: ការចេញសំបុត្រកំណើត សំបុត្រអាពាហ៍ពិពាហ៍ និងសំបុត្រមរណភាព។
សេវារដ្ឋបាល និងបញ្ជាក់ឯកសារ: ការបញ្ជាក់លើលិខិតផ្ទេរសិទ្ធិ លិខិតបញ្ជាក់ទីលំនៅ លិខិតបញ្ជាក់កាយសម្បទា និងការកែប្រែទិន្នន័យផ្សេងៗ ។
ការសម្រុះសម្រួលវិវាទមូលដ្ឋាន: ការដោះស្រាយទំនាស់រដ្ឋប្បវេណីតូចតាច ឬទំនាស់ព្រំដីនៅក្នុងសហគមន៍ ដើម្បីរក្សាសាមគ្គីភាព និងភាពសុខសាន្ត។
លោកបន្តថាជាមួយនឹងការបម្រើសេវាឃុំបានធ្វើការអភិវឌ្ឍន៍នៅហេដ្ឋារចនាសម្ព័ន្ធជាច្រើនដែលបានបម្រើផលប្រយោជន៍ជូនប្រជាពលរដ្ឋនៅក្នុងមូលដ្ឋាន ។
ប្រជាពលរដ្ឋដែលបានមកទទួលសេវាបានលើកឡើងថាការមកទទួលសេវាមន្ត្រីឃុំមានការយកចិត្តទុកដាក់ជាខ្លាំងមិនប្រើពាក្យសំដីគម្រោះគំរើយនិងទារកម្រៃយកប្រាក់នោះទេ ហើយបងប្អូនសំណូមពរទៅដល់មន្ត្រីឃុំទាំងអស់សូមបន្តធ្វើអំពើល្អបន្ថែមទៀតជាពិសេសការបម្រើសេវាជូនប្រជាពលរដ្ឋ។
