ក្រុមការងារ និងនិស្សិតអាហារូបករណ៍ អ.ម.ត ខេត្តកំពង់ធំ បានចូលរួមសិក្ខាសាលាស្ដីពី ”កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP)”

កំពង់ធំ, នាព្រឹកថ្ងៃទី២៩ ខែមីនា ឆ្នាំ២០២៥ ក្រុមការងារគ្រប់គ្រងនិស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) ខេត្តកំពង់ធំ បានសហការជាមួយក្រុមការងារក្រសួងពាណិជ្ជកម្ម និងវិទ្យាស្ថានក្រុងអង្គរខេត្តកំពង់ធំរៀបចំសិក្ខាសាលាស្ដីពី ”កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP)”ក្រោមអធិបតីភាពឯកឧត្ដម ហូ សុីវយ៉ុង ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកសេវាពាណិជ្ជកម្ម និងជាប្រធានក្រុមការងារគ្រប់គ្រងនិស្សិតអាហារូបករណ៍ អ.ម.ត ខេត្តកំពង់ធំ។

សិក្ខាសាលាខាងលើនេះប្រព្រឹត្តទៅនៅវិទ្យាស្ថានក្រុងអង្គរ ខេត្តកំពង់ធំ ហេីយបានផ្សព្វផ្សាយអំពីខ្លឹមសារ និងចំណេះដឹងសំខាន់ៗនៃកិច្ចព្រមព្រៀង RCEP ព្រមទាំងមានការចូលរួមពីនិស្សិត អ.ម.ត ខេត្តកំពង់ធំ និងនិស្សិតនៃវិទ្យាស្ថានក្រុងអង្គរ ខេត្តកំពង់ធំ សរុបប្រមាណ ៣៦០ នាក់។