អភិបាលរងខេត្តកំពង់ធំ អញ្ជេីញចូលរួមពិធីបេីកកិច្ចសន្ទនាថ្នាក់ខេត្តស្តីពី “ការលេីកកម្ពស់តម្លាភាពនិងគណនេយ្យភាព នៃការគ្រប់គ្រងថវិកាថ្នាក់ជាតិ”
(កំពង់ធំ)៖ថ្ងៃទី ២៨ ខែមីនា ឆ្នាំ២០២៤ ឯកឧត្តម អ៊ុន បុត្ត អភិបាលរងខេត្តកំពង់ធំ បានចូលរួមបេីកពិធីបេីកកិច្ចសន្ទនាថ្នាក់ខេត្តស្តីពី “ការលេីកកម្ពស់តម្លាភាពនិងគណនេយ្យភាព នៃការគ្រប់គ្រងថវិកាថ្នាក់ជាតិ” ដែលធ្វេីឡេីងនៅសាលប្រជុំសាលាខេត្តកំពង់ធំ និងមានការចូលពីលោកជំទាវ ក្រុមប្រឹក្សាខេត្ត លោកប្ធានសមាគមក្រុមព្រឹក្សាថ្នាក់មួលដ្ឋាន និងលោក លោកស្រីតំណាងអង្គការដៃគូ ព្រមទាំងលោក លោកស្រី មេឃុំ ក្រុមប្រឹក្សាឃុំ ក៏បានចូលរួមក្នុងពិធីនេះផងដែរ។
ឯកឧត្តម អ៊ុន បុត្ត បានថ្លែងថា ការពង្រឹងសមត្ថភាពមន្រ្តីនៅរដ្ឋបាលថ្នាក់ក្រោមជាតិទាក់ទងនិងការគ្រប់គ្រងហិរញ្ញវត្ថុ និងការកសាង និងអនុវត្តកម្មវិធីវិនិយោគបីឆ្នាំរបស់ខ្លួន គឺដេីម្បីលេីកកម្ពស់តម្លាភាព និងគណនេយ្យភាពក្នុងការគ្រប់គ្រងថវិកានៅថ្នាក់ក្រោមជាតិ។
ឯកឧត្តម បានបន្តទៀតថាសម្រាប់កិច្ចសន្ទនាថ្នាក់ខេត្តថ្ងៃនេះដែរ គឺបានសង្កត់ធ្ងន់ទៅលើសមត្ថភាពរបស់រដ្ឋបាលថ្នាក់ ក្រោមជាតិក្នុងការគ្រប់គ្រងថវិការបស់ខ្លួនដើម្បីឆ្លើយតបនឹងតម្រូវការជាអាទិភាពរបស់ប្រជាពលរដ្ឋ និងការអភិវឌ្ឍមូលដ្ឋាន ជាពិសេសការកសាងភាពជាដៃគូរវាងរដ្ឋបាលថ្នាក់ក្រោមជាតិ ដៃគូអភិវឌ្ឍន៍ សហគមន៍មូលដ្ឋាន និងអ្នកពាក់ព័ន្ធ ដើម្បីចូលរួមចំណែកក្នុងការធ្វើឲ្យមានភាពប្រសើរឡើងនូវការ គ្រប់គ្រងថវិកាថ្នាក់ក្រោមជាតិ ស្របនឹងទស្សនទាននៃអភិបាលកិច្ចល្អដែលបានលើកទឹកចិត្តឲ្យតួអង្គ ពាក់ព័ន្ធទាំងអស់ត្រូវចេះធ្វើការងារជាមួយគ្នាដើម្បីផលប្រយោជន៍សាធារណៈ ហើយក្នុងនោះក្រុម ប្រជាពលរដ្ឋទូទៅ គឺជាក្រុមអ្នកទទួលផល ឬក្រុមម្ចាស់សិទ្ធិ ។
នៅក្នុងឱកាសនោះឯកឧត្តម អ៊ុន បុត្ត អភិបាលរងខេត្តកំពង់ធំ បានសំណូមពរដល់អង្គការពាក់ព័ន្ធទាំងអស់ចូលរួមបន្តសហការគ្នា ដេីម្បីអោយការងារនៅថ្នាក់ក្រោមជាតិកាន់តែមានភាពរីកចម្រេីនបន្ថែមទៀត។
អត្ថបទនិងរូបភាពដោយ យីម ប៊ុន ហ័រ-ពិនិត្យដោយអ៊ុមញឹប។
