គណៈកម្មាធិការទទួលបន្ទុកកិច្ចការនារី និងកុមារសង្កាត់អាចារ្យលាក់ រៀបចំកិច្ចប្រជុំ ប្រចាំខែធ្នូ ឆ្នាំ២០២៥

(កំពង់ធំ)÷ព្រឹក,ថ្ងៃទី២៦ ខែធ្នូ ឆ្នាំ២០២៥ គណៈកម្មាធិការទទួលបន្ទុកកិច្ចការនារី និងកុមារសង្កាត់អាចារ្យលាក់ បានរៀបចំកិច្ចប្រជុំ ប្រចាំខែធ្នូ ឆ្នាំ២០២៥ ក្រោមអធិបតីភាពលោក យាន ស៊ុនហឿង ប្រធានគណៈកម្មាធិការទទួលបន្ទុកកិច្ចការនារី ដែលមានអ្នកចូលរួមសរុបចំនួន៖ ២២នាក់។

បន្ទាប់ពីរអង្គប្រជុំបាន- ពិនិត្យលើកំណត់ហេតុប្រជុំប្រចាំខែវិច្ឆិកា ឆ្នាំ២០២៥- ពិនិត្យលើរបាយការណ៍ប្រចាំខែធ្នូ ឆ្នាំ២០២៥ -រាយការណ៏ និង ពិភាក្សាអំពីស្ថានភាពនៃស្ត្រីនិងកុមារដែលងាយរងគ្រោះបំផុត-  ពិភាក្សាអំពីសេវាកម្មសុខភាពនិងអាហារូបត្ថម្ភ-ពិភាក្សាអំពីផ្នែកអប់រំ-  ពិភាក្សាអំពីការចុះបញ្ជីអត្រានុកូលដ្ឋាន-ពិភាក្សាអំពីសន្តិសុខសណ្តាប់ធ្នាប់ រួចមក

មានប្រសាសន៍បិទអង្គប្រជុំនាឱកាសនោះលោកយាន ស៊ុនហឿងបានលើកឡើងថា តាមរយៈរបាយការណ៍ និងមតិយោបល់ដែលបានលើកឡើងក្នុងកិច្ចប្រជុំ យើងឃើញថា គណៈកម្មាធិការបានខិតខំប្រឹងប្រែងអនុវត្តភារកិច្ចរបស់ខ្លួនដោយមានការទទួលខុសត្រូវខ្ពស់ ក្នុងការលើកកម្ពស់សុខុមាលភាពនារី និងកុមារ ការការពារកុមារពីអំពើហិង្សា ការគាំទ្រនារី និងគ្រួសារក្រីក្រ ព្រមទាំងការចូលរួមដោះស្រាយបញ្ហាសង្គមនៅក្នុងមូលដ្ឋាន។

លោកយាន ស៊ុនហឿង បានតម្លៃខ្ពស់ និងកោតសរសើរចំពោះការចូលរួមយ៉ាងសកម្ម រួមសហការល្អ និងការផ្តល់មតិយោបល់ស្ថាបនារបស់សមាជិកគណៈកម្មាធិការទាំងអស់ ដែលបានរួមចំណែកយ៉ាងសំខាន់ក្នុងការអភិវឌ្ឍសង្កាត់អាចារ្យលាក់ឱ្យកាន់តែមានសុវត្ថិភាព សុខដុមរមនា និងមានការយកចិត្តទុកដាក់ចំពោះនារី និងកុមារកាន់តែប្រសើរ។

លោកបន្តថា ក្នុងនាមអាជ្ញាធរសង្កាត់ សូមជំរុញឱ្យគណៈកម្មាធិការបន្តខិតខំអនុវត្តផែនការ និងសកម្មភាពដែលបានដាក់ចេញ សហការជិតស្និទ្ធជាមួយអាជ្ញាធរមូលដ្ឋាន អង្គភាពពាក់ព័ន្ធ និងប្រជាពលរដ្ឋ ដើម្បីឆ្លើយតបទៅនឹងបញ្ហាប្រឈមថ្មីៗ និងលើកកម្ពស់គុណភាពជីវិតរបស់ប្រជាពលរដ្ឋក្នុងសង្កាត់យើងឱ្យកាន់តែប្រសើរ។អត្ថបទក្រុមប្រឹក្សាសង្កាត់អាចារ្យលាក់-ពិនិត្យនិងកែសម្រួលដោយអ៊ុមញឹប។