ក្រុមផលិតស្រូវដំណើប អុី អ ៤៦.២៥( IR4625) និង ដេ តេ ៨ (DT8 )នៅក្នុងតំបន់ស្រុកតាំងគោក ដែលបានប្រើប្រាស់ជី និងថ្នាំរបស់ក្រុមហ៊ុននីលីដា ធ្វើឱ្យស្រូវប្រាំងមានទិន្នផលខ្ពស់ លក់ក្នុងតម្លៃសមរម្យ
(កំពង់ធំ)÷ លោក នី សារិទ្ឋ តំណាងផ្នែកជី និងថ្នាំក្រុមហ៊ុននីលីដាលើដំណាំស្រូវប្រចាំប្រទេសកម្ពុជា និងក្រុមការងារ លោក ម៉ា គា ម្ចាស់ដេប៉ូ តំណាងក្រុមកសិករឃុំស្រឡៅ និងបងប្អូនប្រជាកសិករជាច្រើននាក់ បានអញ្ជើញចូលរួមចុះពិនិត្យក្រុមផលិតស្រូវដំណើប IR4625 និងDT8 នៅក្នុងតំបន់ស្រុកតាំងគោក ខេត្ត
កំពង់ធំ ដែលបានប្រើប្រាស់ និងថ្នាំរបស់ក្រុមហ៊ុននីលីដា ធ្វើឱ្យស្រូវប្រាំងមានទិន្នផលខ្ពស់ លក់ក្នុងតម្លៃសមរម្យ
នារសៀលថ្ងៃទី២២ ខែកុម្ភៈ ឆ្នាំ២០២៦។
លោក ម៉ា គា ម្ចាស់ដេប៉ូក្រុមហ៊ុននីលីដា បានលើកឡើងថា ប្រជាកសិករនៅក្នុងក្រុមផលិតស្រូវប្រាំងមានសរុប១២៧គ្រួសារ ដែលប្រើប្រាស់ដីសម្រាប់ធ្វើស្រែប្រាំងចំនួន៧០០ហិចតា ចំពោះផ្ទៃដីដែលធ្វើស្រូវដំណើប មាន៤០០ហិចតា និងស្រូវDT8 មាន៣០០ហិចតា។ចំពោះការធ្វើស្រែប្រាំងនេះមានរយៈពេល៣ខែ ពេលប្រមូលផលស្រូវទាំងអស់នេះត្រូវលក់ក្នុងតម្លៃក្នុង១គីឡូក្រាម មានតម្លៃ៩០០រៀល ប្រភេទស្រូវដំណើប ចំពោះស្រូវDT8 មានតម្លៃលើសទីផ្សារ OM5451 ៥០រៀលក្នុងមួយគីឡូក្រាម។
លោក ម៉ា គា ម្ចាស់ដេប៉ូ និងជាតំណាងក្រុមកសិករឃុំស្រឡៅ បានបន្តទៀតថាក្រុមផលិតស្រូវដំណើប IR4625 និងDT8 នៅក្នុងតំបន់ស្រុកតាំងគោក ខេត្តកំពង់ធំ មានគម្រោងបន្តពង្រីកបន្ថែមដោយសហការប្រើប្រាស់ជី និងថ្នាំក្រុមហ៊ុននីលីដា និងជ្រើសរើសពូជស្រូវណាដែលផ្តល់ទិន្នផលខ្ពស់ និងតម្លៃទីផ្សារល្អ សម្រាប់ប្រជាកសិករធ្វើស្រែក្នុងតំបន់នេះ។ សូមឱ្យប្រជាកសិករចូលរួមជាមួយក្នុងការផលិតដំណាំស្រូវប្រាំងទៅតាមគោលការណ៍ និងបច្ចេកទេសរបស់ការប្រើប្រាស់ជី និងថ្នាំក្រុមហ៊ុនលើដំណាំស្រូវគ្រប់ប្រភេទ។ សូមថ្លែងអំណរគុណដល់កសិករដែលប្រើប្រាស់ជី និងថ្នាំក្រុមហ៊ុននីលីដាលើដំណាំស្រូវខាងលើ និងរោងម៉ាស៊ីនKTS ដែលបានសហការ ក្នុងការទទួលទិញក្នុងតម្លៃកុងត្រាសមរម្យដែលយើងខ្ញុំទាំងអស់គ្នាទទួលយកបាន។
ជាមួយគ្នានេះផងដែរលោក នី សារិទ្ឋ បានគូបញ្ជាក់ថា ប្រទេសកម្ពុជាជាប្រទេសមួយដែលកំពុងតែរីកចម្រើនទៅលើវិស័យកសិកម្ម ដោយមានការយកចិត្តទុកដាក់ពីសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដើម្បីឲ្យកសិកម្មនៅតាមមូលដ្ឋានមានលក្ខណៈល្អប្រសើរ។ ក្នុងនាមជាតំណាងឲ្យក្រុមហ៊ុននីលីដា សូមលើកទឹកចិត្តដល់ប្រជាកសិករទាំងអស់ដែលបានគាំទ្រប្រើប្រាស់នៅជីកសិកម្ម និងថ្នាំកសិកម្មគ្រប់ប្រភេទ ក្នុងការយកទៅបម្រើឱ្យវិស័យកសិកម្មពិសេសគឺដំណាំស្រូវប្រាំង។
លោក នី សាររិទ្ឋ តំណាងការប្រើប្រាស់ជី និងថ្នាំក្រុមហ៊ុននីលីដាលើដំណាំស្រូវ ប្រចាំប្រទេសកម្ពុជា បានបង្ហាញពីគោលបំណងរបស់ក្រុមហ៊ុននីលីដា គឺជាក្រុមហ៊ុនអាជីវកម្មមួយនៅ ប្រទេសកម្ពុជាសំខាន់នៅក្នុងវិស័យកសិកម្ម ជាក្រុមហ៊ុនពាណិជ្ជកម្មផលិតផលកសិកម្មដែលមានបេសកកម្មក្នុងការជួយកសិករ និងគ្រួសារកសិកររស់នៅប្រសើរឡើង។សកម្មភាពសំខាន់ៗរបស់ក្រុមហ៊ុន៖ ចែកចាយ ផលិតផលសម្រាប់កសិកម្ម មានគុណភាពខ្ពស់ (ដូចជា ជីបំប៉ន, ឱសថកសិកម្ម, ជីសម្រួលសរីរៈរុក្ខជាតិ និងគ្រាប់ពូជ)។ ផ្តល់ជំនួយបច្ចេកទេសផ្សេងៗដល់កសិករ តាមរយៈអ្នកជំនាញ ដើម្បីធានាថា កសិករអាចប្រើប្រាស់ផលិតផលត្រឹមត្រូវ ហើយមានផលល្អ និងសុវត្ថិភាព។ ក្រុមហ៊ុននីលីដា មានគម្រោងសហការជាមួយក្រុមហ៊ុននៅប្រទេសក្រៅ ក្នុងការនាំចូលផលិតផល និងដំណោះស្រាយកសិកម្មធម្មជាតិ ដើម្បីជួយកសិករខ្មែរ ទទួលបានដំណោះស្រាយបច្ចេកទេសល្អ និងកសាងផលិតភាពកសិកម្មខែ្មរកាន់តែប្រសើរ។ អត្ថបទលោក ធូ កែវមុន្នី.ពិនិត្យអ៊ុម ញឹប។
