លោកឡង គីសឹង ដឹកនាំក្រុមការងារចុះត្រួតពិនិត្យទីតាំងល្បែងសុីសង នៅតំបន់អូរកូត និងតំបន់ភ្នំក្រហម បន្ទាប់ពីការចុះផ្សាយ របស់បណ្តាញសារពត៍មាន គេហទំព័រ បន្ទាយស្រី
(កំពង់ធំ)÷នៅថ្ងៃទី២៣ខែសីហាឆ្នាំ២០២៤ ដោយទទួលបានបទបញ្ជាពីឯកឧត្តមនួន ផារ័ត្ន អភិបាលនៃគណៈអភិបាលខេត្តកំពង់ធំ លោកឡង គីសឹងអភិបាលនៃគណៈអភិបាលស្រុកសន្ទុកបានដឹកនាំកម្លាំងគណៈបញ្ជាការឯកភាពរដ្ឋបាលស្រុក និងការសហការពីកងកម្លាំងស្នងការដ្ឋាននគរបាលខេត្តកំពង់ធំ និងមន្ត្រីមន្ទីរព័ត៍មានខេត្ត ចុះទៅដល់គោលដៅ ទីតាំងដែលបានចុះផ្សាយ របស់បណ្តាញសារពត៍មាន គេហទំព័រ បន្ទាយស្រី ចុះផ្សាយថ្ងៃទី ២០ ខែ សីហា ឆ្នាំ២០២៤ អំពីការបើកល្បែងជល់មាន់ និងលេងអាប៉ោង ខុសច្បាប់ ស្ថិតនៅតំបន់អូរកូត និងតំបន់ភ្នំក្រហម ស្ថិតក្នុងឃុំបឹងល្វាស្រុកសន្ទុក ខេត្តកំពង់ធំ។
ក្រោយពីក្រុមការងារបានចុះពិនិត្យជាក់ស្ដែងជាលទ្ធផល ទីតាំង ២ កន្លែង គឺមានសភាពចាស់ ដែលបានបោះបង់ចោលជាយូរមកហើយ ពុំមានស្លាកស្នាមណាមូយ មានការបើកថ្មីនោះឡើយ ។
លោកឡង គីសឹងនិងក្រុមការងារបានចុះជួបសួរនាំព័ត៍មានពីប្រជាពលរដ្ឋនៅផ្សារភ្នំក្រហម ពួកគាត់បានលើកឡើងថា កន្លងមកមានការបើក លេង ប៉ន្តែបានបញ្ឈប់ជាច្រើនខែហើយ ចំពោះឈ្មោះ ហូរ ដែលរៀបរាប់ដោយសារព័ត៍មាន គឺមិនមានឈ្មោះហ្នឹងទេ ។
ក្រុមការងារបានបន្តលុកចូលតាមចំការចន្ទីរ និងចំការកៅស៊ូ និងបានបង្ហោះ ដ្រូន ចំនួន ២គ្រឿង ដើម្បី ពិនិត្យស្ថានភាពនៅតំបន់នោះ ពុំឃើញមានអ្វីគួរកត់សំគាល់ឡើយ ។
លោកឡង គីសិង និងក្រុមការងារបានចាត់ទុកថា ព័ត៍មានដែលបានចុះផ្សាយរបស់ គេហទំព័រ បន្ទាយស្រី គឺជាព័ត៍មានមិនពិត ហើយ ជារូបភាពចាស់ដែលក្រុមនោះមានចេតនាបំភ៏ន្តមតិសាធារណជន អោយមានការយល់ច្រលំពីអាជ្ញាធរ និងសមត្ថកិច្ចមិនយកចិត្តទុកដាក់លើការបង្ក្រាបល្បែងសុីសងនៅមូលដ្ឋាន ។(អត្ថបទដោយអ៊ុម ញឹប-រូបភាពដោយធូរកែវមុន្នី)
