ឯកឧត្តម នួន ផារ័ត្ន ជួបសំណេះសំណាលជាមួយមន្ត្រីមន្ទីរអប់រំ យុវជន និងកីឡាខេត្តកំពង់ធំ
(ខេត្តកំពង់ធំ)៖ នារសៀលថ្ងៃទី១៩ ខែកញ្ញា ឆ្នាំ២០២៤ ឯកឧត្តម នួន ផារ័ត្ន អភិបាល នៃគណៈអភិបាលខេត្តកំពង់ធំ អញ្ជើញជួបសំណេះសំណាលជាមួយ ថ្នាក់ដឹកនាំ និងមន្ត្រីរាជការ នៃមន្ទីរអប់រំ យុវជន និងកីឡាខេត្តកំពង់ធំ ដេីម្បីសួរសុខទុក្ខ និងផ្តាំផ្ញេីរនូវការងារមួយចំនួន ដេីម្បីឱ្យវិស័យអប់រំនៅក្នុងខេត្តកំពង់ធំ កាន់តែរីកចម្រេីន។
លោក តាន់ ប៊ុន ហុង ប្រធានមន្ទីរអប់រំ យុវជន និងកីឡា អាននូវរបាយការណ៍ស្វាគមន៍ និងនិងលើកឡើងអំពីវឌ្ឍនភាពការងាររបស់មន្ទីរអប់រំ ក្នុងការបង្កើតក្រុមប្រឹក្សាកុមារ និងយុវជន, យុវជនកាកបាទក្រហមកម្ពុជា, យុវជនកាយរិទ្ធជាតិកម្ពុជា ដើម្បីចូលរួមបម្រើដល់ការងារសង្គម ការសាងសង់ហេដ្ឋារចនាសម្ព័ន្ធ, សុខភាពអនាម័យ ការផ្សព្វផ្សាយ ការលើកកម្ពស់សុខភាព, សុវត្ថិភាពចំណីអាហារ និងការបង្ការជំងឺនានា នៅគ្រប់គ្រឹះស្ថានសិក្សា។
ឯកឧត្តម នួន ផារ័ត្ន ថ្លែងថា វិស័យអប់រំ គឺជាវិស័យគន្លឹះសំខាន់មួយដែលស្ថិតនៅក្នុងយុទ្ធសាស្រ្ត បញ្ចកោណ អាណត្តិទី៧ របស់រាជរដ្ឋាភិបាល ក្រោមការដឹកនាំ របស់សម្តេចបរវធិបតី ហ៊ុន ម៉ាណែត ជានាយករដ្ឋមន្រ្តី នៃព្រះរាជាណាចក្រកម្ពុជា ដែលធ្វើឱ្យប្រទេសកម្ពុជារក្សាបាននូវសន្តិភាព ស្ថេរភាពសង្គម និងសេដ្ឋកិច្ចជាតិ ព្រមទាំងការអភិវឌ្ឍន៍លើគ្រប់វិស័យ ជាពិសេសការពង្រឹងលេីវិស័យអប់រំឱ្យកាន់តែមានភាពរីកចម្រេីនឡេីង។ ការបណ្តុះបណ្តាលធនធានមនុស្សគឺជាការវិនិយោគសម្រាប់រយះពេលមធ្យម និងយូរអង្វែង ដែលដេីរតួយ៉ាងសំខាន់នៅក្នុងប្រទេសនីមួយៗ ដេីម្បីបណ្តុះបណ្តាលនូវធនធានមនុស្សជំនាន់ក្រោយឱ្យមានការយល់ដឹង និងអភិវឌ្ឍបន្ថែមលេីបច្ចេកវិជ្ជាដែលពិភពលោកកំពុងតែជឿនលឿនក្នុងពេលបច្ចុប្បន្ន។
ឯកឧត្តមបានបន្តទៀតថា សម្តេចមហាបវរធិបតី យកចិត្តទុកដាក់ផ្តល់នូវគុណតម្លៃ ក្នុងការប្រឹងប្រែងអភិវឌ្ឍន៍លេីវិស័យអប់រំយ៉ាងខ្លាំង ដេីម្បីឱ្យសង្គមជាតិ ទទួលបាន ធនធានមនុស្សក្នុងប្រទេសកាន់តែច្រេីនឡេីងបន្ថែមទៀត។ ដូចច្នេះ ឯកឧត្តម សង្ឃឹមថាលោកគ្រូ អ្នកគ្រូ និងមន្ត្រីរាជការ នៃមន្ទីរអប់រំ យុវជន និងកីឡាទាំងអស់ សហការគ្នា រួបរួមគ្នាដេីម្បីធ្វើឱ្យវិស័យអប់រំនៅក្នុងខេត្តកំពង់ធំយេីងកាន់តែរីកចម្រេីនបន្ថែមទៀត។
អត្ថបទដោយ លោកយីម ប៊ុនហ័រ
រូបភាពដោយលោក ថុង ពលរិទ្ធី-ពិនិត្យដោយអ៊ុមញឹប។
