អាជ្ញាធរខេត្តកំពង់ធំ ត្រៀមខ្លួន ការឆ្លើយតបចំពោះស្ថានភាពអាកាសធាតុចាប់ពីថ្ងៃទី ១៦ ដល់ថ្ងៃទី ១៨ កញ្ញាឆ្នាំ ២០២៤
🔺 ការត្រៀមខ្លួន
ទី១-ធ្វើសេចក្តីជូនដំណឹងជូនដល់ប្រជាពលរដ្ឋ ដែលរស់នៅតាមដងស្ទឹងសែន តំបន់វាលទំនាបស្ទឹងសែន តំបន់ប្រជាកសិករនេសាទ និងប្រជាពលរដ្ឋដែលរស់នៅជិតប្រភពទឹក។
ទី២-អាជ្ញាធរខេត្តបានសហការជាមួយក្រសួងធនធាន និងឧតុនិយម, មន្ទីរធនធានទឹក និងឧតុនិយម ជាសេនាធិការ និងលេខាធិការដ្ឋានគ្រប់គ្រងគ្រោះមហន្តរាយយ៉ាងជិតស្និត ដើម្បីតាមដានព័ត៌មានស្តីពីអាកាសធាតុឱ្យបានទាន់ពេលវេលា។
ទី៣-ផ្សព្វផ្សាយព័ត៌មានតាមវិទ្យុរបស់ខេត្ត និងនៅតាមទីសាធារណៈនានា ដើម្បីអនុញ្ញាតឱ្យបងប្អូនប្រជាពលរដ្ឋទទួលបានដំណឹងបានទាន់ពេលវេលា។
🔺 ការឆ្លើយតប៖
-បានរៀបចំទីទួលសុវត្ថិភាព ត្រៀមបង្កាតាមតំបន់នីមួយៗ នៅតាមគ្រប់ស្រុកគោលដៅ សំដៅធានាសុខសុវត្ថិភាពជូនបងប្អូនប្រជាពលរដ្ឋ និងបានត្រៀមសម្ភារៈ និងឧបករណ៍ចាំបាច់ ដើម្បីត្រៀមជម្លៀសបងប្អូនប្រជាពលរដ្ឋ។
នេះបើយោងតាមការបញ្ជាក់ពីអ្នកជំនាញអាកាសធាតុ នៅថ្ងៃទី១៦ ខែកញ្ញា ឆ្នាំ២០២៤នេះ ព្យុះប៊ីប៊ិនកាមិនផ្តល់ប៉ះពាល់ធ្ងន់ធ្ងរដល់ក្រុង-ស្រុក ក្នុងខេត្តកំពង់ធំនោះទេ។ ជាមួយគ្នានេះ អាជ្ញាធរខេត្តកំពង់ធំបានប្រមូលព័ត៌បន្ថែម ដោយសហការជាមួយក្រសួងធនធានទឹក មន្ទីធនធានទឹក និងលេខាធិការដ្ឋានគ្រប់គ្រងគ្រោះមហន្តរាយយ៉ាងជិតស្និត ដើម្បីបន្តតាមដានគ្រាប់ការវិវឌ្ឍរបស់ព្យុះ។ ដោយឡែក នៅថ្ងៃទី១៦ ខែកញ្ញា ឆ្នាំ២០២៤នេះ ខេត្តកំពង់ធំបានទទួលឥទ្ធិពលពីសម្ពាធទាបតែប៉ុណ្ណោះ និងមិនមានស្ថានភាពធ្ងន់ធ្ងរនោះទេ។
