Create Sticky Header/Footer on a Web Page using HTML CSS and JavaScript
ទទកធ-KNTV គេហទំព័រ https://kampongthominfo.com នៃមន្ទីរព័ត៌មាន ខេត្តកំពង់ធំ (សូមអរគុណសន្តិភាព! មានសន្តិភាព ទើបមានថ្ងៃនេះ!) បញ្ឈប់ការប្រើប្រាស់គ្រឿងញៀន ជាជម្រើសដ៏ឆ្លាតវៃ គ្រឿងញៀនមិនមែនជាឱសថលើកកម្លាំងនោះឡើយ។ សូមប្រាប់មនុស្សជាទីស្រឡាញ់ ពីគ្រោះថ្នាក់នៃគ្រឿងញៀន ប្រើគ្រឿងញៀនគឺបំផ្លាញខ្លួនឯង ក្រុមគ្រួសារ និងសង្គមជាតិ។ កុំយកអនាគតដ៏ស្រស់ថ្លារបស់អ្នក ទៅជាប់ជំពាក់នឹងគ្រឿងញៀន ស្វែងរកវិជ្ជា កិត្តិយសមាន សេពគ្រឿងញៀន នាំមហន្តរាយ។ គោរពច្បាប់ចរាចរណ៍បើកបរដោយការយោគយល់ គោរពច្បាប់ចរាចរណ៍បើកបរសូមពាក់មួកសុវត្ថិភាពជានិច្ច។

អភិបាលខេត្តកំពង់ធំ និងលោកជំទាវ អញ្ជើញចូលរួមក្នុងពិធីរុក្ខទិវាថ្នាក់ខេត្ត នៅតំបន់គីឡូម៉ែត្រ៤៤ ក្នុងភូមិសាស្ត្រឃុំក្រយា ស្រុកសន្ទុក

អភិបាលខេត្តកំពង់ធំ និងលោកជំទាវ អញ្ជើញចូលរួមក្នុងពិធីរុក្ខទិវាថ្នាក់ខេត្ត នៅតំបន់គីឡូម៉ែត្រ៤៤ ក្នុងភូមិសាស្ត្រឃុំក្រយា ស្រុកសន្ទុក

(រដ្ឋបាលខេត្តកំពង់ធំ): ឯកឧត្តម នួន ផារ័ត្ន អភិបាលខេត្តកំពង់ធំ និងលោកជំទាវ អញ្ជើញចូលរួមក្នុងពិធីរុក្ខទិវាថ្នាក់ខេត្ត នៅតំបន់គីឡូម៉ែត្រ៤៤ ក្នុងភូមិសាស្ត្រឃុំក្រយា ស្រុកសន្ទុក នាព្រឹកថ្ងៃទី ២៩ ខែសីហា ឆ្នាំ ២០២៥។ 

ជាមួយគ្នានោះដែរ ឯកឧត្តម នួន ផារ័ត្ន ថ្លែងថា ការដាំដើមឈើនាពេលនេះ គឺជាការបន្តនូវវប្បធម៌ ប្រពៃណីដ៏ល្អ ដែលមានតាំងពីយូរលង់មកហើយ ដើម្បីអភិវឌ្ឍន៍ និងថែរក្សាព្រៃឈើ ដែលជាសម្បត្តិធម្មជាតិដ៏ មានតម្លៃរបស់ជាតិ និងមនុស្សជាតិទូទៅ ។ ម្យ៉ាងវិញទៀត ព្រៃឈើជាសរសៃឈាមក្នុងវិស័យកសិកម្ម ជាអាយុជីវិតរបស់ប្រជាកសិករ និងជាប្រភពនៃកំណើនសេដ្ឋកិច្ចជាតិ ដូច្នេះយើងត្រូវតែរួមគ្នាថែរក្សា ការពារព្រៃឈើ-សត្វព្រៃ និង ដាំដើមឈើអោយបានគ្រប់ៗគ្នា”។ 

លើសពីនេះទៀត ឯកឧត្តម នួន ផារ័ត្ន បានបំផុសស្មារតីដល់ប្រជាពលរដ្ឋ មន្ត្រីរាជការ កងកម្លាំង ប្រដាប់អាវុធគ្រប់ប្រភេទ និងអាជ្ញាធរដែនដីគ្រប់លំដាប់ថ្នាក់ ចូលរួមដាំដើមឈើគ្រប់ប្រភេទ អោយបានច្រើនជាអតិបរិមា នៅតាមវត្តអារាម តាមភូមិ ដ្ឋាន តាមទីសាធារណៈ តាមប្រព័ន្ធទំនប់ប្រឡាយ តាមដងផ្លូវនានា ហើយខិតខំថែរក្សារុក្ខជាតិទាំងអស់នេះ អោយដុះ លូតលាស់ឡើង ជាផលប្រយោជន៍ដល់ខ្លួនឯងផ្ទាល់ ក៏ដូចមនុស្សជាតិ លើពិភពលោក រាប់ជំនាន់ក្រោយៗទៀត។ ម្យ៉ាងវិញទៀតដើម្បីរួមចំណែកបង្កើនគម្របព្រៃឈើ បានជាអេកូទេសចរណ៍ ដែលបង្កើតការងារ និងជាប្រភពចំណូលដ៏សំខាន់របស់សហគមន៍មូលដ្ឋាន តាមរយៈការទាក់ទាញភ្ញៀវទេសចរណ៍ជាតិ និងអន្តរជាតិ។ ព្រៃឈើក៏បានដើរតួនាទីក្នុងការថែរក្សានូវមរតវប្បធម៌ សិល្បៈ ជំនឿ សាសនា និងចំណេះ ដឹងអន្តោគ្រាមន៍របស់ជនជាតិដើមពីជំនាន់មួយទៅជំនាន់មួយ មានដូចជា ការផលិតឱសថបូរាណ ព្រៃអារក្ស អ្នកតា ជាដើម។

យោងតាមរបាយការណ៍របស់លោក ប៉ែន វណ្ណរិទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទ បានឱ្យដឹងថា ថ្ងៃនេះយើងដាំប្រភេទឈើរយៈពេលវែង មានចំនួន ៦ប្រភេទ ក្នុងនោះរួមមាន កូនឈើ ធ្នង់ គ្រញូង នាងនួន ម៉ៃសាក់ ឈើទាល ស្លៀក ជាដើម សរុបចំនួន ៣ ០០០ដើម លើផ្ទៃដីសរុបទំហំ ៦ ហិកតា។ អត្ថបទដោយ រដ្ឋបាលខេត្តកំពង់ធំ

Loading

Subscribe ទទកធ-KNTV

Leave a Reply

Your email address will not be published. Required fields are marked *

© 2025 ទទកធ-KNTV - Web Design by Phoeun
Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains