Create Sticky Header/Footer on a Web Page using HTML CSS and JavaScript
ទទកធ-KNTV គេហទំព័រ https://kampongthominfo.com នៃមន្ទីរព័ត៌មាន ខេត្តកំពង់ធំ (សូមអរគុណសន្តិភាព! មានសន្តិភាព ទើបមានថ្ងៃនេះ!) បញ្ឈប់ការប្រើប្រាស់គ្រឿងញៀន ជាជម្រើសដ៏ឆ្លាតវៃ គ្រឿងញៀនមិនមែនជាឱសថលើកកម្លាំងនោះឡើយ។ សូមប្រាប់មនុស្សជាទីស្រឡាញ់ ពីគ្រោះថ្នាក់នៃគ្រឿងញៀន ប្រើគ្រឿងញៀនគឺបំផ្លាញខ្លួនឯង ក្រុមគ្រួសារ និងសង្គមជាតិ។ កុំយកអនាគតដ៏ស្រស់ថ្លារបស់អ្នក ទៅជាប់ជំពាក់នឹងគ្រឿងញៀន ស្វែងរកវិជ្ជា កិត្តិយសមាន សេពគ្រឿងញៀន នាំមហន្តរាយ។ គោរពច្បាប់ចរាចរណ៍បើកបរដោយការយោគយល់ គោរពច្បាប់ចរាចរណ៍បើកបរសូមពាក់មួកសុវត្ថិភាពជានិច្ច។

លោក សាយ គឹមឡម អញ្ជើញជួបសំណេះសំណាលលើកទឹកចិត្តបេក្ខជនដែលមានពិការភាពត្រៀមប្រឡងបាក់ឌុប

លោក សាយ គឹមឡម អញ្ជើញជួបសំណេះសំណាលលើកទឹកចិត្តបេក្ខជនដែលមានពិការភាពត្រៀមប្រឡងបាក់ឌុប

(កំពង់ធំ) ៖ នៅរសៀលថ្ងៃទី២៧ ខែសីហា ឆ្នាំ២០២៥ លោក សាយ គឹមឡម បានអញ្ជើញជួបសំណេះសំណាលើកទឹកចិត្តដោយផ្ទាល់ដល់បេក្ខជន បេក្ខនារីចំនួន ២៣នាក់ ក្នុងនោះមានបេក្ខជនពិការជើងម្នាក់ ដែលត្រៀមខ្លួនចូលរួមការប្រឡងសញ្ញាបត្រមធ្យមសិក្សាទុតិយភូមិ ដែលនឹងប្រព្រឹត្តទៅនៅថ្ងៃទី២៨ ខែសីហា ឆ្នាំ២០២៥។

នៅក្នុងជំនួបសំណេះសំណាលដែលប្រព្រឹត្តទៅក្នុងស្និទ្ធស្នាល លោក សាយ គឹមឡម បានសម្តែងនូវការកោតសរសើរចំពោះការខិតខំប្រឹងប្រែងរៀនសូត្ររបស់បេក្ខជនទាំងអស់ ជាពិសេសបេក្ខជនដែលមានពិការភាព ដែលបានជម្នះរាល់ឧបសគ្គដើម្បីមកដល់ដំណាក់កាលដ៏សំខាន់នេះហើយលោកបានមានប្រសាសន៍ផ្តាំផ្ញើឱ្យបេក្ខជនទាំងអស់ថែរក្សាសុខភាពឱ្យបានល្អ រក្សាស្មារតីឱ្យបាននឹងនរ កុំមានការតក់ស្លុត និងត្រូវអនុវត្តតាមបទប្បញ្ញត្តិរបស់ក្រសួងអប់រំ យុវជន និងកីឡាឱ្យបានខ្ជាប់ខ្ជួន ដើម្បីទទួលបានលទ្ធផលល្អក្នុងការប្រឡង។

ដើម្បីជាការលើកទឹកចិត្ត និងជួយសម្រួលដល់ការចំណាយមួយចំនួន លោក សាយ គឹមឡម ក៏បានឧបត្ថម្ភថវិកាផ្ទាល់ខ្លួន ដោយបានផ្តល់ជូនបេក្ខជនដែលមានពិការភាពជើងមកពីស្រុកស្ទោងនូវថវិកាចំនួន ១៥០,០០០ (ដប់ប្រាំម៉ឺន) រៀល និងបេក្ខជនចំនួន ២២នាក់ផ្សេងទៀត ក្នុងម្នាក់ៗទទួលបានថវិកា ៣០,០០០ (បីម៉ឺន) រៀលផងដែរ។

ជាមួយគ្នានេះ បេក្ខជនទាំងអស់បង្ហាញនូវទឹកមុខរីករាយ ថ្លែងអំណគុណដល់លោកអភិបាលស្រុកនិងបានប្តេជ្ញាចិត្តខិតខំឱ្យអស់ពីសមត្ថភាពដើម្បី ប្រលងឱ្យជាប់និងទទួលបាននិទ្ទេសល្អគ្រប់ៗគ្នា និងនាំមកនូវមោទនភាពសម្រាប់ខ្លួនឯង គ្រួសារ និងសង្គមជាតិ។ អត្ថបទរដ្ឋបាលស្រុកស្ទោង-ពិនិត្យដោយអ៊ុមញឹប។

Loading

Subscribe ទទកធ-KNTV

Leave a Reply

Your email address will not be published. Required fields are marked *

© 2025 ទទកធ-KNTV - Web Design by Phoeun
Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains