មន្ទីរកិច្ចការនារីខេត្តកំពង់ធំ រៀបចំវេទិកាអប់រំផ្សព្វផ្សាយស្តីពី យេនឌ័រ និងសុខភាពភ្នែក ពិនិត្យព្យាបាលភ្នែកជូនប្រជាពលរដ្ឋក្នុងសហគមន៍ដោយឥតគិតថ្លៃ នៅស្រុកតំាងគោក
(កំពង់ធំ)÷ ថ្ងៃសុក្រ ០៣កើត ខែទុតិយាសាឍ ឆ្នំាមមី អដ្ឋស័ក ព-ស ២៥៧០ ត្រូវនិងថ្ងៃទី១៧ ខែកក្កដា ឆ្នំា២០២៦ មន្ទីរកិច្ចការនារីខេត្តកំពង់ធំ បានសហការជាមួយនាយកដ្ឋានស្រ្តីនិងសុខភាព នៃក្រសួងកិច្ចការនារី មន្ទីរសុខាភិបាលខេត្ត អជ្ញាធរមូលដ្ឋានស្រុក/ឃុំ ភូមិ មណ្ឌលសុខភាព ក្រោមការឧបត្ថម្ភគំាទ្រពីអង្គការមូលនិធិហ្វ្រេដហូឡូ បានរៀបចំវេទិការអប់រំផ្សព្វផ្សាយស្តីពី យេនឌ័រនិងសុខភាពភ្នែក ការពិនិត្យនិងព្យាបាលភ្នែក
ជូនប្រជាពលរដ្ឋដោយឥតគិតថ្លៃក្នុងសហគមន៍ ស្ថិតនៅវត្តសុមនារាមហៅវត្តអណ្តូងពោធិ៍ ឃុំអណ្តូងពោធិ៍ ស្រុកតំាងគោក ខេត្តកំពង់ធំ។
កម្មវិធីនេះប្រព្រឹត្តទៅក្រោមអធិបតីភាពលោក យ៉ង់ វិសាល អភិបាលរងនៃគណអភិបាលស្រុកតំាងគោក ,លោកស្រី សំាងលំា ប្រធានការិល័យស្រី្ត និងសុខភាព នៃមន្ទីរកិច្ចការនារីខេត្តកំពង់ធំ ក្រុមការងារមកពីនាយកដ្ឋានស្រី្ត និងសុខភាពនៃក្រសួងកិច្ចការនារីនិងមន្ត្រីពាក់ព័ន្ធសរុប២៤២នាក់ ស្រី១៥៤នាក់ ។
គោលបំណងនៃការផ្តល់ចំណេះដឹង ស្តីពី យេនឌ័រនិងសុខភាពភ្នែក ដល់ប្រជាពលរដ្ឋនៅសហគមន៍ក្នុងឱកាសនេះដែរលោក យ៉ង់ វិសាល បានលើកឡើងពីផ្នត់គំនិតយេនឌ័រ និងតួនាទីបុរស និងស្រ្តី នៅក្នុងសង្គមបច្ចុប្បន្ន ក៍មានស្រី្ត មានតួនាទីនៅក្នុងជួររដ្ឋាភិបាលដែរតំាងពីថ្នាក់ក្រោមជាតិ រហូតដល់ថ្នាក់ជាតិ ដូចនៅទីនេះស្រាប់។ លោកបន្តទៀតថា ការពិនិត្យភ្នែកមានសារះសំខាន់ណាស់ ដើម្បីអោយយើងដឹងពីបញ្ហាជំងឺបាយភ្នែក ជំងឺកន្ទុយថ្លែននិងជំងឺភែ្នកក្រហម ជំងឺកំហុសកំណុំ ជំងឺទឹកដក់ក្នុងភ្នែក និងជំងឺរលាកផ្សេងទៀត ដែលបង្ករមកពីមេរោគ យើងបានពិនិត្យនិងព្យាបាលឱ្យទាន់ពេលវេលាយើងត្រូវយកចិត្តទុកដាក់ថែទំាសុខភាពភ្នែក បើមានបញ្ហាត្រូវទៅជួបគ្រូពេទ្យដែលមានជំនាញថែទំាភ្នែក។
អត្ថបទ មន្ទីរកិច្ចការនារីខេត្តកំពង់ធំ
