លោកឧត្តមសេនីយ៍ត្រី ខេន ឈុនគ័រ បានដឹកនាំកងកម្លាំងចូលរួមរំលែកទុក្ខជាមួយក្រុមគ្រួសារអតីតយុទ្ធជន

(កំពង់ធំ)÷ រសៀលថ្ងៃទី១៣ ខែ មិថុនា ឆ្នាំ២០២៥ លោកឧត្តមសេនីយ៍ត្រី ខេន ឈុនគ័រ ស្នងការរងនគរបាលខេត្ត តំណាងលោកឧត្តមសេនីយ៍ទោ ហេង សុផល ស្នងការនគរបាលខេត្តកំពង់ធំ បានអញ្ជើញចូលរួមរំលែកទុក្ខជាមួយក្រុមគ្រួសារសពឧបាសិកា ទី ហោ ត្រូវជាម្តាយបង្កើតលោកវរសេនីយ៍ឯក សេង វណ្ណគីម នាយការិយាល័យបណ្តុះបណ្តាល( មន្ត្រីចូលនិវត្តន៍) ស្ថិតនៅគេហដ្ឋានសព ក្នុងភូមិ ព្រែកស្បូវ សង្កាត់អូរគន្ធរ ក្រុងស្ទឹងសែន ខេត្តកំពង់ធំ ។

ថ្លែងក្នុងពិធីនោះ លោកឧត្តមសេនីយ៍ត្រី ខេន ឈុនគ័រ  បានពាំនាំប្រសាសន៍ផ្ដាំផ្ញើ របស់លោកឧត្តមសេនីយ៍ទោ ហេង សុផល ស្នងការនគរបាលខេត្ត ចូលរួមរំលែកទុក្ខជាមួយក្រុមគ្រួសារសព ចំពោះមរណភាពឧបាសក ទី ហោ គឺជាការបាត់បង់ម្ដាយបង្កើត ម្ដាយក្មេក ជីដូន និងជាមនុស្សដែលធ្លាប់ផ្ដល់ភាពកក់ក្ដៅក្នុងក្រុមគ្រួសារ បន្សល់ទុកនូវបុរសពោះម៉ាយ កូនកំព្រា និងជាមនុស្សដែលធ្វើឱ្យអ្នកផងទាំងពួង គោរពស្រឡាញ់ ។

លោកឧត្តមសេនីយ៍ត្រីស្នងការរងនគរបាលខេត្តកំពង់ធំ បន្តថាទោះបីជាស្ថិតនៅ កាលៈទេសៈ ការងារមមាញឹកយ៉ាង លោកឧត្តមសេនីយ៍ទោ ហេង សុផល ស្នងការនគរបាលខេត្ត តែងតែគិតគូរយកចិត្តទុក្ខដាក់ចាត់តំណាងនាំយកថវិកាចូលរួមរំលែកទុក្ខជាមួយក្រុមគ្រួសារសពអតីតយុទ្ធជន មិនបោះបង់ចោលបងប្អូននាគ្រាជួបទុក្ខលំបាក។

លោកស្នងការរង បានប្រគល់ថវិកា ដែលជាការឧបត្ថម្ភ របស់លោកឧត្តមសេនីយ៍ស្នងការ ជូនក្រុមគ្រួសារសព និងបួងសួង ដល់គុណបុណ្យព្រះរតនត្រ័យ វត្ថុសាកសិទ្ធក្នុងលោក សូមជួយដឹកនាំដួងវិញ្ញាណក្ខន្ធរបស់ឧបាសក ទី ហោ បានទៅកាន់សុគតិភព កុំបីឃ្លៀងឃ្លាតឡើយ ៕ អត្ថបទស្នងការនគរបាលខេត្តកំពង់ធំ