លោកស្រី ង៉ែត ណារីន បានដឹកនាំប្រជុំប្រចាំខែមេសា និងលើកទិសដៅសម្រាប់ខែបន្ត របស់មន្ទីរព័ត៌មានខេត្តកំពង់ធំឆ្នាំ២០២៥

(កំពង់ធំ)÷ លោកស្រី ង៉ែត ណារីន ប្រធានមន្ទីរព័ត៌មានខេត្តកំពង់ធំ ដឹកនាំកិច្ចប្រជុំប្រចាំខែមេសា និងលើកទិសដៅសម្រាប់ខែបន្ត របស់មន្ទីរព័ត៌មានខេត្តកំពង់ធំ ដោយបានលើកយករបៀបវារៈប្រជុំចំនួន៤ ដើម្បីឱ្យមន្រ្តីទាំងអស់ទទួលបាននាទីនិងភារកិច្ចរបស់ខ្លួន នារសៀលថ្ងៃទី៣០ ខែមេសា ឆ្នាំ២០២៥ នៅសាសប្រជុំមន្ទីរព័ត៌មានខេត្តកំពង់ធំ។
លោកស្រី ង៉ែត ណារីន បានលើករបៀបវារៈប្រជុំចំនួន៤មានដូចតទៅ÷១. វិន័យការងារគឺការងារកន្លងមកមើលឃើញថាមន្រ្តីមានការខិតខំប្រឹងប្រែងណាស់រហូតបានការលើកសរសើរ និងលើកទឹកចិត្តពីថ្នាក់ដឹកនាំ ទទឹមនិងភាពវិជ្ជមាន តែងតែមានភាពវិជ្ជមាន ត្រូវពង្រឹងការងារ និងគោរពវិន័យគារងារនិងបទបញ្ជាក់ផ្ទៃក្នុងឱ្យបានត្រឹមត្រូវ។ ២.របាយការណ៍ប្រចាំខែ សុំឱ្យការិយាល័យនីមួយធ្វើរបាយការណ៍ឱ្យបានជាក់លាក់និងស៊ីគ្នា ការបង្ហោះផេក ជាពិសេសទីភ្នាក់ងារសារព័ត៌មាន ត្រូវតែព័ត៌មានរាយការណ៍ដូចគ្នា។ ៣.ទិសដៅបន្ត ក្រុមសាធារណៈមតិសូមផលិតវីដេអូធ្វើបច្ចុប្បន្នភាពរយៈពេលមួយឆ្នាំ ពីសមិទ្ធផលនៃការរីកចម្រើនខេត្តកំពង់ធំ ចុះផលិតវីដេអូ និងធ្វើបទយកការណ៍ឱ្យបានច្រើនទាក់ទងនឹងសក្តានុពលក្នុងខេត្ត/ស្រុក/ឃុំក្នុងមូលដ្ឋាន។ ៤.បញ្ហាផ្សេងៗ

បន្ទាប់ពីអង្គប្រជុំស្ដាប់ការលើកឡើងជុំវិញបញ្ហាប្រឈម សំណូមពរ និង ដំណោះស្រាយ ដើម្បីឱ្យមានប្រសិទ្ធភាពក្នុងការងាររបស់ខ្លួន ឲ្យដំណើរការការងាររលូនបន្តទៅទៀតរួចមក លោកស្រី ង៉ែត ណារីន ប្រធានមន្ទីរព័ត៌មានខេត្តកំពង់ធំ បានបន្ថែមទៀតថា មន្រ្តីទាំងអស់ត្រូវតែពង្រឹងពីតួនាទី/ភារកិច្ចរបស់ខ្លួន និងមានការទទួលខុសត្រូវពីរបាយការណ៍និងផែនការមួយចំនួន ដែលអនុវត្តកន្លងមក ដើម្បីឱ្យមានភាពត្រឹមត្រូវនៅក្នុងការិយាល័យនីមួយៗ។ សម្រាប់ការងារអនុវត្តខែបន្ទាប់ទៀតត្រូវ÷ ធ្វើរបាយការណ៍ប្រចាំខែរបស់ការិយាល័យនីមួយៗឱ្យបានទាន់ពេលវេលា។ ចុះផលិតវីដេអូខ្លីៗនិងបទយកការនៅតាមមូលដ្ឋានឱ្យបានច្រើន។ បង្កើនភាពទំនាក់ទំនងជាមួយមន្ទីរអង្គភាពក្រុង/ស្រុកដែលមានព័ត៌មានចាំបាច់។ ក្នុងគោលបំណងតាមដាននិងក្តាប់ព័ត៌មាននៅមូលដ្ឋាន ដើម្បីផ្សព្វផ្សាយតាមប្រព័ន្ធផ្សព្វផ្សាយរបស់មន្ទីរព័ត៌មានខេត្តកំពង់ធំ. ក្រុមការងារសាធារណៈមតិ ត្រូវធ្វើការ វាយបកនៅរាល់ព័ត៌មានក្លែងក្លាយ បន្សាបព័ត៌មានមិនពិតក្នុងបណ្ដាញសង្គម និងបង្ហោះសេចក្តីបំភ្លឺព័ត៌មាន តាមបណ្ដាញសង្គមនានា ដើម្បីធ្វើឲ្យមន្ទីរព័ត៌មានខេត្តកំពង់ធំសម្រេចបាននូវសមិទ្ធិផលជាច្រើនឆ្លើយតបនិងស្ថានភាពជាក់ស្ដែងដើម្បីអភិវឌ្ឍន៍វិស័យព័ត៌មានឱ្យកាន់តែមានភាពរីកចម្រើនបន្ថែមទៀត ឆ្ពោះទៅវឌ្ឍនភាពនៃបច្ចេកវិទ្យាប្រព័ន្ធផ្សព្វផ្សាយឌីជីថលនៅក្នុងយុគ្គសម័យថ្មីនេះ។(អត្ថបទធូ កែវមុន្នី.ពិនិត្យដោយអ៊ុមញឹប)។