ឯកឧត្តម ថោ ជេដ្ឋា ប្រគល់ម៉ូតូ១៣គ្រឿង ជូនឃុំទាំង១៣ ក្នុងស្រុកស្ទោង សម្រាប់ចាប់រង្វាន់អបអរសាទរសង្ក្រាន្តឆ្នាំថ្មី

(កំពង់ធំ)÷ លោក វង់ ឡូ ប្រធានមន្ទីរធនធានទឹកនិងឧតុនិយម ខេត្តកំពង់ធំ តំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម និងជាប្រធានក្រុមការងារចុះមូលដ្ឋានស្រុកស្ទោង និងលោក សាយ គឹមឡម អភិបាលស្រុកស្ទោង បានអញ្ជើញប្រគល់ម៉ូតូចំនួន១៣គ្រឿង ជូនដល់ឃុំទាំង១៣ក្នុងស្រុកស្ទោងសម្រាប់ចាប់រង្វាន់អបអរសាទរសង្ក្រាន្តឆ្នាំថ្មី ឆ្នាំម្សាញ់ដែលនឹងប្រព្រឹត្តទៅក្នុងពាក់កណ្ដាលខែមេសាខាងមុខនេះ នៅព្រឹកថ្ងៃទី០៩ ខែមេសា ឆ្នាំ២០២៥ នៅស្រុកស្ទោង។

ទន្ទឹមនឹងនេះលោកបានណែនាំដល់អាជ្ញាធរពាក់ព័ន្ធជាពិសេសតាមបណ្ដាវត្តអារាមត្រូវបង្កលក្ខណៈកម្សាន្តសប្បាយរីករាយ និងរក្សាសន្តិសុខសណ្ដាប់ធ្នាប់ឱ្យបានសុវត្ថិភាពខ្ពស់ជូនពុកម៉ែបងប្អូននៅក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។

ទាំងនេះសឱ្យឃើញពីការយកចិត្តទុកដាក់ខ្ពស់របស់ឯកឧត្តមប្រធានក្រុមការងារ ក្នុងការបង្កលក្ខណៈកម្សាន្តសប្បាយអបអរសាទរឆ្នាំថ្មីសង្ក្រាន្តឆ្នាំថ្មីជូនពុកម៉ែបងប្អូនប្រជាពលរដ្ឋក្នុងមូលដ្ឋានជាពិសេសបានកម្សាន្តសប្បាយរួមគ្នារវាងប្រជាពលរដ្ឋនិងក្រុមការងារយ៉ាងសប្បាយរីរាយនិងស្និទ្ធស្នាលបំផុត ក្រោមម្លប់សុខសិន្តិភាពនិងការអភិវឌ្ឍប្រទេសជាតិ អោមការដឹកនាំដ៏ឈ្លាសវៃបំផុតរបស់សម្ដេចមហាបវរធិបតីហ៊ុនម៉ា ណែត នាយករដ្ឋមន្ត្រីនៃព្រះរាជាណាចក្រកម្ពុជា។

សូមបញ្ជាក់ថា ក្នុងឃុំទាំង១៣ក្នុងស្រុកស្ទោងគឺក្នុងមួយឃុំ ក្រុមការងារបានរៀបចំវត្តមួយសម្រាប់ធ្វើសង្ក្រាន្តឆ្នាំថ្មីឆ្នាំនេះដែលក្នុងនោះទទួលបានម៉ូតូ១គ្រឿង និង
សម្ភារឧបករណ៍ផ្សេងៗជាច្រើនទៀតសម្រាប់ចាប់រង្វាន់ដែលកាន់តែបង្កលក្ខណៈកំសាន្តសប្បាយសង្ក្រាន្តឆ្នាំថ្មីឱ្យកាន់តែអធិកអធមថែមទៀត។ អត្ថបទរដ្ឋបាលស្រុកស្ទោង-ពិនិត្យដោយអ៊ុមញឹប។