ឧត្តមសេនីយ៍ទោសោមស៊ុន សំណេះសំណាលសាកសួរសុខទុក្ខជូនពរឆ្នាំថ្មី និងផ្សព្វផ្សាយបទបញ្ជាពិសេស ជូនកងកម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ក្នុងភារកិច្ចប្រចាំការបង្ក្រាបបទល្មើសនេសាទក្នុងឱកាសបុណ្យចូលឆ្នាំថ្មីប្រពៃណីជាតិខ្មែ
(កំពង់ធំ)÷ នៅព្រឹកថ្ងៃទី០៣ ខែមេសា ឆ្នាំ ២០២៥ ឧត្តមសេនីយ៍ទោសោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ សមាជិកគណៈបញ្ជាការឯកភាព ដឹកនាំបង្ក្រាបបទល្មើសនេសាទ ក្នុងតំបន់បឹងទន្លេសាប អមដំណើរដោយលោកវរសេនីយ៍ឯកសោម សុភាវុធ មេបញ្ជាការរង នាយសេនាធិការ បានទៅសំណេះសំណាលសាកសួរសុខទុក្ខ ជូនពរឆ្នាំថ្មីប្រពៃណីជាតិខ្មែរ និងផ្សព្វផ្សាយបទបញ្ជាពិសេស របស់គណៈបញ្ជាការឯកភាពដឹកនាំបង្ក្រាបបទល្មើសនេសាទខុសច្បាប់ក្នុងតំបន់បឹងទន្លេសាបនៃព្រះរាជាណាចក្រកម្ពុជា ជូនកងកម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ក្នុងភារកិច្ចប្រចាំការការពារ ២៤លើ ២៤ ម៉ោង នៅតំបន់ឡូអភិរក្សពូជត្រី មិនឱ្យមានការលួចនេសាទ ឬឆក់ត្រី និងបង្ក្រាបបទល្មើសេសាទ ខុសច្បាប់នៅក្នុងភូមិសាស្ត្របឹងទន្លេសាប ដែលកើតមានឡើងនៅក្នុងពិធីបុណ្យចូលឆ្នាំថ្មី ដោយមិនទុកឱកាសឲ្យជនខិលខូចលបលួចធ្វើសកម្មភាពបានទៀតឡើយ ។
ឧត្តមសេនីយ៍ទោសោមស៊ុន បានថ្លែងអំណរគុណ និងថ្លែងនូវការកោតសរសើរចំពោះកងកម្លាំងទាំងអស់ដែលបំពេញភារកិច្ចប្រកបដោយស្មារតីទទួលខុសត្រូវខ្ពស់ ក្នុងការបង្ក្រាបបទល្មើសនេសាទខុសច្បាប់នាពេលកន្លងទៅ និងបានប្រគល់ភារកិច្ចបន្តដោយ ត្រូវសហការជាមួយអាជ្ញាធរដែនដី និងសមត្ថកិច្ចជំនាញ ខិតខំស្រាវជ្រាវស្វែងរកមុខសញ្ញាជនខឹលខូច ឆ្លៀតឱកាសធ្វើសកម្មភាពនេសាទខុសច្បាប់ នៅក្នុងឱកាសថ្ងៃឈប់សម្រាកនៃបុណ្យចូលឆ្នាំថ្មីនេះ ដើម្បីចាប់ឃាត់ខ្លួនរួមជាមួយវត្ថុតាងបទល្មើសជាក់ស្ដែង បញ្ជូនទៅស្ថាប័នជំនាញកសាងសំណុំរឿងបញ្ជូនទៅកាន់តុលាការផ្តន្ទាទោសាមផ្លូវច្បាប់ ដោយគ្មានការលើកលែងឡើយ។ ជាមួយនេះដែរ ក្នុងពិធីបុណ្យចូលឆ្នាំថ្មីប្រពៃណីជាតិខ្មែរនេះ ត្រូវយកចិត្តទុកដាក់សហការជាមួយកម្លាំងប្រដាប់អាវុធដែលមានការពាក់ព័ន្ធក្នុងការការពារភ្ញៀវទេសចរណ៍ជាតិ និងអន្តរជាតិ មកទស្សនាតំបន់បឹងទន្លេសាបក្នុងភូមិសាស្ត្រទទួលខុសត្រូវឲ្យទទួលបានសន្តិសុខ និងសុវត្ថិភាពល្អ ។
នៅក្នុងឱកាសនេះ ឧត្តមសេនីយ៍ទោសោមស៊ុន បានបានដឹកនាំសហការី ទៅត្រួតពិនិត្យភូមិសាស្ត្រនៅក្នុងតំបន់ឡូអភិរក្សពូជត្រីមួយចំនួននៅក្នុងឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ នឹងបានប្រគល់ជូនស្បៀងអាហារ គ្រឿងឧបភោគបរិភោគ ភេសជ្ជៈ និងប្រេងឥន្ធនៈ ដែលជាអំណោយដ៏ថ្លៃថ្លារបស់សម្ដេចមហាបបរោធិបតីហ៊ុនម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិតពេជចន្ទមុន្នី តាមរយៈឯកឧត្តមនាយឧត្តមសេនីយ៍ម៉ៅសុផាន់ អគ្គមេបញ្ជាការរងនៃកងយុទ្ធពលខេមរភូមិន្ទ មេបញ្ជាការកងទ័ពជើងគោក ជូនដល់កងកម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដើម្បីបម្រើសកម្មភាពប្រចាំថ្ងៃ ដោយមិនត្រូវគិតពីថ្ងៃឈប់សម្រាកឡើយ ដើម្បីបុព្វហេតុជាតិនិងប្រជាជនកម្ពុជា។ អត្ថបទតំបន់សឹករងកំពង់ធំ-ពិនិត្យដោយអ៊ុមញឹប
