Create Sticky Header/Footer on a Web Page using HTML CSS and JavaScript
ទទកធ-KNTV គេហទំព័រ https://kampongthominfo.com នៃមន្ទីរព័ត៌មាន ខេត្តកំពង់ធំ (សូមអរគុណសន្តិភាព! មានសន្តិភាព ទើបមានថ្ងៃនេះ!) បញ្ឈប់ការប្រើប្រាស់គ្រឿងញៀន ជាជម្រើសដ៏ឆ្លាតវៃ គ្រឿងញៀនមិនមែនជាឱសថលើកកម្លាំងនោះឡើយ។ សូមប្រាប់មនុស្សជាទីស្រឡាញ់ ពីគ្រោះថ្នាក់នៃគ្រឿងញៀន ប្រើគ្រឿងញៀនគឺបំផ្លាញខ្លួនឯង ក្រុមគ្រួសារ និងសង្គមជាតិ។ កុំយកអនាគតដ៏ស្រស់ថ្លារបស់អ្នក ទៅជាប់ជំពាក់នឹងគ្រឿងញៀន ស្វែងរកវិជ្ជា កិត្តិយសមាន សេពគ្រឿងញៀន នាំមហន្តរាយ។ គោរពច្បាប់ចរាចរណ៍បើកបរដោយការយោគយល់ គោរពច្បាប់ចរាចរណ៍បើកបរសូមពាក់មួកសុវត្ថិភាពជានិច្ច។

មេបញ្ជាការតំបន់ប្រតិបត្តិការសឹករងកំពង់ធំ និង​ភរិយា​ដឹកនាំសហការី អញ្ជើញ​ចូលរួមជាអធិតីភាពក្នុងពិធីអភិសេករូបសំណាក​ សម្ដេច​ព្រះ​សង្ឃរាជ​ជួន​ណាត​ ព្រះ​បាទ​ជ័យវរ្ម័ន​ទី​៧​ និង​អ្នក​ភិរម្យ​ភាសា​អ៊ូ​  ហៅ​ង៉ុយ​ ក្នុងវត្តក្រសាំងមានជ័យ ឃុំសាន់គរ ស្រុកកំពង់ស្វាយ ខេត្តកំពង់ធំ

មេបញ្ជាការតំបន់ប្រតិបត្តិការសឹករងកំពង់ធំ និង​ភរិយា​ដឹកនាំសហការី អញ្ជើញ​ចូលរួមជាអធិតីភាពក្នុងពិធីអភិសេករូបសំណាក​ សម្ដេច​ព្រះ​សង្ឃរាជ​ជួន​ណាត​ ព្រះ​បាទ​ជ័យវរ្ម័ន​ទី​៧​ និង​អ្នក​ភិរម្យ​ភាសា​អ៊ូ​  ហៅ​ង៉ុយ​ ក្នុងវត្តក្រសាំងមានជ័យ ឃុំសាន់គរ ស្រុកកំពង់ស្វាយ ខេត្តកំពង់ធំ

​ ខេត្តកំពង់ធំ៖ នៅរសៀលថ្ងៃទី៣១ ខែមីនា ឆ្នាំ២០២៥ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និង​ភរិយា​ បានដឹកនាំសហការី និង​ក្រុមគ្រួសារ​ ទៅចូលរួមជាអធិបតីភាពក្នុងពិធីអភិសេករូបសំណាក់សម្ដេចព្រះសង្ឃរាជ ជួន ណាត រូបសំណាក់ព្រះបាទជ័យវរ្ម័នទី ៧ និងរូបសំណាក់អ្នកភិរម្យភាសាអ៊ូ (ហៅង៉ុយ) ដើម្បីតម្កល់ទុកជាទីសក្ការៈជូន​ប្រជាពុទ្ឋបរិ​ស័ទគោរព​បូជា​នៅវត្តក្រសាំងមានជ័យ ស្ថិតនៅក្នុងឃុំសាន់គរ ស្រុកកំពុងស្វាយ ខេត្តកំពង់ធំ ។

ឧត្តមសេនីយ៍ទោ សោម ស៊ុន បានមានប្រសាសន៍ថា ដើម្បីចូលរួមចំណែកក្នុងការកសាងសមិទ្ធផលនានាក្នុងវិស័យព្រះពុទ្ធសាសនា ដែលជាសាសនារបស់រដ្ឋ  ។  កន្លង​ទៅ​នេះ​ ថ្នាក់​ដឹក​នាំ​នៃបញ្ជាការដ្ឋានតំបន់ប្រតិបត្តិការសឹករងកំពង់ធំ​ និង​ក្រុម​គ្រួសារ​ បាន​ចូល​រួម​បច្ច័យ​ និង​សម្ភារៈ​សំណង់​ មួយ​ចំនួន​ ចូល​រួម​ចំណែក​ក្នុង​ការ​កសាង​សមិទ្ធផល​នានា​​រួច​មកហើយ​នៅ​ក្នុងទី​អារ៉ាមនេះ​  ។  ហើយ​ឧត្ដមសេនីយ៍​ទោ សោម​ ស៊ុន​ ក៏បាន​គូស​បញ្ជាក់​បន្ថែម​ទៀត​ថា​ បច្ចុប្បន្ននេះវិស័យព្រះពុទ្ធសាសនាមានការរីកចម្រើនគួរជាទីមោទន:​ ក្រោមដំបូលសុខសន្តិភាព និងការឯកភាពជាតិពេញលេញ ក្រោមការដឹកនាំប្រកបដោយគតិបណ្ឌិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ហេីយ​មកដល់ពេលនេះមានព្រះសង្ឃគង់នៅជាង៧ម៉ឺនអង្គ និងមានវត្តអារាមជាង៥ពាន់ វត្ត នៅទូទាំងប្រទេស ។

ឧត្តមសេនីយ៍ទោ សោម ស៊ុន បានកោតសរសើរ និងថ្លែងអំណរគុណដល់ព្រះគ្រូចៅអធិការ និងគណៈកម្មការអាចារ្យវត្ត ដែលបានកសាងរូបសំណាក់សម្ដេចព្រះសង្ឃរាជ ជួន ណាត រូបសំណាក់ព្រះបាទជ័យវរ្ម័នទី ៧ និងរូបសំណាក់អ្នកភិរម្យភាសាអ៊ូ (ហៅង៉ុយ) ដេីម្បី​តម្កល់ទុកជាទីសក្ការៈ​  សម្រាប់កូនខ្មែរគ្រប់ៗរូប បានស្គាល់ និងដឹងគុណនូវស្នាដៃរបស់បុព្វបុរសខ្មែរយើង។

នៅ​ក្នុង​ឱកាស​នេះ​ឧត្តម​សេនីយ៍​ទោ​ សោម​  ស៊ុន​ និងភរិយា​ ព្រម​ទាំង​សហការី​ និង​ក្រុម​គ្រួសារ​ បាន​នាំ​យក​អំណោយ​មនុស្សធម៌​របស់​សម្តេច​មហា​បវរ​ធិបតី​ហ៊ុន​ ម៉ាណែត​ និង​លោក​ជំទាវ​បណ្ឌិត​ ពេជ​ ចន្ទមុន្នី​ ប្រគេន​ព្រះសង្ឃ​ និងប្រគល់​ជូន​គណកម្មការ​អាចារ្យ​វត្ត​ រួម​មាន​អង្ករ​ចំនួន២៥០គីឡូក្រាម និងថវិកាមួយចំនួន​របស់​ថ្នាក់​ដឹកនាំ​​នៃបញ្ជាការដ្ឋានតំបន់ប្រតិបត្តិការសឹករងកំពង់ធំ​ និង​ក្រុម​គ្រួសារ​  ដេីម្បី​ចាត់ចែង​ផ្គត់ផ្គង់​ចង្ហាន់​ព្រះសង្ឃ​ និង​បន្ត​រួម​ចំណែក​កសាង​សមិទ្ធផល​នានា​នៅ​ក្នុង​ទី​អារាម​នេះ​ បន្ថែម​ទៀត​ផងដែរ​  ។

ព្រះតេជគណ បូ សារីម ព្រះគ្រូចៅអធិការវត្តក្រសាំងមានជ័យ បានថ្លែងអំណរគុណដ៏ជ្រាលជ្រៅជាទីបំផុតចំពោះឧត្តមសេនីយ៍ទោ សោម ស៊ុន និងលោកជំទាវ ព្រមទាំងសហការីទាំងអស់នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលតែងតែបានជួយដោះស្រាយនូវរាល់ការលំបាកផ្សេងៗ នាពេលកន្លងទៅ និងបានចូលរួមចំណែកក្នុងការកសាងសមិទ្ធផលនានាជាច្រើន នៅក្នុងទីអារាមវត្តក្រសាំងមានជ័យ ឃុំសាន់គរ ស្រុកកំពង់ស្វាយ ខេត្តកំពង់ធំនេះ និងសូមជូនពរឯកឧត្តម លោកជំទាវ លោកលោកស្រីទាំងអស់ នៃបញ្ជាការដ្ឋានតំបន់ប្រវត្តិការសឹករងកំពង់ធំ សូមទទួលបាននូវពុទ្ធពរទាំង៤ ប្រការ កុំបីឃ្លៀងឃ្លាតឡើយ។ពិនិត្យដោយអ៊ុមញឹប។

Loading

Subscribe ទទកធ-KNTV

Leave a Reply

Your email address will not be published. Required fields are marked *

© 2025 ទទកធ-KNTV - Web Design by Phoeun
Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains