Create Sticky Header/Footer on a Web Page using HTML CSS and JavaScript
ទទកធ-KNTV គេហទំព័រ https://kampongthominfo.com នៃមន្ទីរព័ត៌មាន ខេត្តកំពង់ធំ (សូមអរគុណសន្តិភាព! មានសន្តិភាព ទើបមានថ្ងៃនេះ!) បញ្ឈប់ការប្រើប្រាស់គ្រឿងញៀន ជាជម្រើសដ៏ឆ្លាតវៃ គ្រឿងញៀនមិនមែនជាឱសថលើកកម្លាំងនោះឡើយ។ សូមប្រាប់មនុស្សជាទីស្រឡាញ់ ពីគ្រោះថ្នាក់នៃគ្រឿងញៀន ប្រើគ្រឿងញៀនគឺបំផ្លាញខ្លួនឯង ក្រុមគ្រួសារ និងសង្គមជាតិ។ កុំយកអនាគតដ៏ស្រស់ថ្លារបស់អ្នក ទៅជាប់ជំពាក់នឹងគ្រឿងញៀន ស្វែងរកវិជ្ជា កិត្តិយសមាន សេពគ្រឿងញៀន នាំមហន្តរាយ។ គោរពច្បាប់ចរាចរណ៍បើកបរដោយការយោគយល់ គោរពច្បាប់ចរាចរណ៍បើកបរសូមពាក់មួកសុវត្ថិភាពជានិច្ច។

ពិធីប្រគល់ទទួលអគារមត្តេយ្យសិក្សា១ខ្នងបន្ទប់ទឹកនិងកន្លែងលាងដៃ នៅឃុំព្រៃគុយ ស្រុកកំពង់ស្វាយ គាំទ្រដោយមជ្ឈមណ្ឌលចលនាភូមិថ្មីក្រុងសេអ៊ូលនៃសាធារណរដ្ឋកូរ៉េ

ពិធីប្រគល់ទទួលអគារមត្តេយ្យសិក្សា១ខ្នងបន្ទប់ទឹកនិងកន្លែងលាងដៃ នៅឃុំព្រៃគុយ ស្រុកកំពង់ស្វាយ គាំទ្រដោយមជ្ឈមណ្ឌលចលនាភូមិថ្មីក្រុងសេអ៊ូលនៃសាធារណរដ្ឋកូរ៉េ

(កំពង់ធំ)៖ លោកជំទាវ លឹម ស្រីនិត ប្រធានក្រុមការងារចុះមូលដ្ឋាន ឃុំព្រៃគុយ ស្រុកកំពង់ស្វាយ លោក យស ថានារី សមាជិករដ្ឋសភា  និងលោក យ៉ុន ចុងហ៊ឺ តំណាងមជ្ឈមណ្ឌលចលនាភូមិប៊ីយ៉ុងដុងហ្គូនកូរ៉េ បានអញ្ជើញប្រគល់-ទទួលអគារមត្តេយ្យសហគមន៍ភូមិកំពង់ក្របី ឃុំព្រៃគុយ ស្រុកកំពង់ស្វាយ ខេត្តកំពង់ធំ ថ្ងៃទី ២៧ ខែ មីនា ឆ្នាំ ២០២៥ ។

លោកជំទាវ លឹម ស្រីនិត បានបញ្ជាក់ថាពិធីប្រគល់ទទួលអគារនាពេលនេះពិតជាបានចូលរួមចំណែកយ៉ាងធំធេងក្នុងការកសាង និងអភិវឌ្ឍន៍ធនធានមនុស្សតាមរយៈការសម្ដែងចេញកាយវិការមនុស្សធម៌ដ៏ល្អ ប្រពៃដើម្បីជួយដល់ក្មួយៗសិស្សានុសិស្ស ដែលបានរស់នៅតំបន់ជនបទក្នុងការទទួលបាននូវសាលារៀនថ្មីរួមទាំងសម្ភារសិក្សាជាច្រើនទៀត ដែលបានធ្វើឱ្យក្មួយៗមានការសប្បាយរីករាយប្រកបដោយក្តីសង្ឃឹមនៅក្នុងជីវិត។

លោកជំទាវបានសម្ដែងនូវការអបអរសាទរកោតសរសើរ និងវាយតម្លៃខ្ពស់ចំពោះម្ចាស់ជំនួយដែលបានជួយឧបត្ថម្ភក្នុងការសាងសង់អគារសិក្សា និងផ្ដល់ជូននូវសម្ភារសិក្សាផ្សេងៗជាច្រើនទៀតជូនដល់សហគមន៍ និងបានថ្លែងអំណរគុណយ៉ាងជ្រាលជ្រៅជូនចំពោះម្ចាស់ជំនួយដែលបានជួយដល់ឃុំ ព្រៃគុយស្រុកកំពង់ស្វាយក៏ដូចជាខេត្តកំពង់ធំ។

លោកជំទាវបន្ថែមថា វិស័យអប់រំគឺជាវិស័យមួយដ៏មានសារសំខាន់ត្រូវបានរាជរដ្ឋាភិបាលកម្ពុជាយកចិត្តទុកដាក់ខ្ពស់ ក្នុងការពង្រឹង និងជំរុញយ៉ាងខ្លាំងដែលធ្វើឱ្យមានការរីកចម្រើនឈានឡើងនូវវិស័យអប់រំ និងមានការរីកដុះដាលសាលារៀនជាច្រើននៅក្នុងប្រទេសកម្ពុជានាពេលបច្ចុប្បន្ន។

លោក ជឿន ឃុន មេឃុំព្រៃគុយតំណាងប្រជាពលរដ្ឋបានថ្លែងអំណរគុណយ៉ាងជ្រាលជ្រៅបំផុតចំពោះមជ្ឈមណ្ឌលចលនាភូមិថ្មីក្រុងសេអ៊ូលនៃសាធារណរដ្ឋកូរ៉េដែលបានជួយឧបត្ថម្ភអគារមេត្តយ្យសិក្សាមួយខ្នងមួយបន្ទប់បន្ទប់ទឹកពីបន្ទប់និងកន្លែងលាងសម្អាតដៃដើម្បីប្រយោជន៍ដល់ប្រយោជន៍ប្រជាពលរដ្ឋក្នុងសហគមន៍ ។

លោកបន្ថែមថាអគារសហគមន៍មានបណ្ដោយ ៨ ម៉ែត្រ x៦ ម៉ែត្រ កម្ពស់ ៤ ម៉ែត្រ
ចាក់សាប ប្រក់ស័ង្កសី  ដោយសាងសង់ពីថ្ងៃទី ២៤ ខែ កុម្ភៈ បញ្ចប់ថ្ងៃទី ២៧ ខែមីនា
ចំណាយថវិកាអស់ ៦ពាន់ដុល្លារអាមេរិក ។

Loading

Subscribe ទទកធ-KNTV

Leave a Reply

Your email address will not be published. Required fields are marked *

© 2025 ទទកធ-KNTV - Web Design by Phoeun
Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains