ស្តង់ថតរូបស្រុកស្ទោងបេះដូងខ្ញុំ កំពុងតែរៀបចំជាធ្នាក់ទាក់ចិត្តអ្នកទេសចរណ៍ ក្នុងថ្ងៃសង្រ្កាន្តកំពង់ធំខាងមុខនេះ(Video inside)
(កំពង់ធំ)៖ នៅសល់តែដប់ប្រាំពីរថ្ងៃទៀតទេ ប្រជាពលរដ្ឋខ្មែរទូទាំងប្រទេស និងប្រារព្ធពិធីបុណ្យចូលឆ្នាំថ្មីប្រពៃណីជាតិខ្មែរ នឹងចាប់ផ្តើមពីថ្ងៃទី១៤ ដល់ថ្ងៃទី១៦ ខែមេសា ដែលមានរយៈពេលបីថ្ងៃ ដើម្បីអបអរសាទរ ទទួលទេវតាឆ្នាំថ្មីដែលនឹងឈានចូលមកដល់។
ហើយឆ្នាំនេះខេត្តកំពង់ធំពិតជាប្លែក ក្រោមការដឹកនាំរបស់ឯកឧត្តម នួន ផារ័ត្ន អភិបាលខេត្តកំពង់ធំ បានរៀបចំនូវសង្រ្កាន្តកំពង់ធំ ដែលមានភាពទាក់ទាញ់ និងរស់រវើក ដោយបង្កើតជារចនាបទប្លែកៗដើម្បីធ្វើជាអន្ទាក់ និងរៀបចំជាធ្នាក់ទាក់ចិត្តអ្នកទេសចរណ៍ ចូលមកលេងកំសាន្ត។ ហើយជាពិសេសបានបង្កើតនូវគំនិតអោយបណ្តា ក្រុង/ស្រុកទាំង៩ ក្នុងខេត្តកំពង់ធំ របៀបចំជាស្តង់ថតរូបទុជាអនុស្សាវរីយ៍ផងដែរ។
ដោយទទួលបាននូវឱកាស និងគំនិតផ្តួចផ្តើមនេះហើយ ទើបណ្តាក្រុង/ស្រុកទាំង៩ បានរៀបចំតុបតែជាស្តង់បង្កើតផ្លង់ថត និងប្រធានបទប្លែកៗ កំពុងតែអង្រួនដូងចិត្តអ្នកមកទស្សនា មកលេងកំសាន្តតាមបណ្តោយដង ស្ទឹងសែន។ ក្នុងចំណោមស្តង់ថតរូបទាំងអស់យើងក៏ឃើញមានប្រធានបទខ្លីមួយបានលើកឡើងថា ស្រុកស្ទោងបេះដូងខ្ញុំ ដែលជាការរៀបចំឡើងដោយរដ្ឋបាលស្រុកស្ទោង និងមានការសហការគ្នាយ៉ាងស្រស្រាក់ស្រស្រាំ រវាងប្រជាពលរដ្ឋ និងមន្ត្រីរាជការក្នុងស្រុក ក្នុងការរៀបចំអោយចេញជាស្តង់ថតរូបដ៏ស្រស់ស្អាត និងមានភាពទាក់ទាញនេះឡើង។
ក្នុងនោះផងដែលលោក សួគ៌ ប៊ុនធង អភិបាលរងស្រុកស្ទោង ជាអ្នកដឹកនាំ និងរៀបចំប្លង់ថតរូប បានពន្យល់ពីរអន័យនៃប្រធានបទខ្លី ក្នុងកិច្ចសម្ភាសន៍នៅថ្ងៃទី២៦ ខែមីនា ឆ្នាំ២០២៥នេះថា ស្ទោងបេះដូងខ្ញុំ ជាតំណាងពីការបង្ហាញពីទឹកចិត្តសហការណ៍គ្នាដោយទឹកចិត្ត ដោយបេះដូងទាំងមន្ត្រី ទាំងប្រជាពលរដ្ឋទាំងយុវជន និងបានអំពាវនាវដល់បងប្អូនប្រជាពលរដ្ឋឲ្យមកចូលរួមលេងសង្ក្រាន្តឆ្នាំថ្មីនិងថតរូបទុកជាអនុស្សាវរីយ៍តាមទីកន្លែងដែលបានរៀបចំ។
ជាមួយគ្នានេះយុវជនដែលបានចូលរួមនៅក្នុងការរៀបចំទីកន្លែងថតរូបទុកជាអនុស្សាវរីយ៍បានលើកឡើងថាការរៀបចំរបស់រដ្ឋបាលខេត្តនិងស្រុកបានមើលឃើញពីរភាពស្រស់ស្អាត ប្លែកភ្នែក និងមានភាពទាក់ទាញយ៉ាងរស់រវើក ព្រមទាំងបង្កនូវបរិយាកាសដ៍សប្បាយរីករាយនេះឡើង ប្រជាពលរដ្ឋរស់នៅក្នុងខេត្តកំពង់ធំ និងប្អូនមកលេងកំសាន្តបានកោតសរសើរ នូវគំនិតផ្តួចផ្តើមរបស់អភិបាលខេត្ត និងការខិតខំប្រឹងប្រែកបង្កើតនូវស្តង់ថតរូបដែលមានភាពទាក់ទាញរបស់រដ្ឋបាលក្រុង/ស្រុកទាំងអស់ ជាពិសេសស្រុកស្ទោងតែម្តង។ ព្រមទាំងអំពាវនាវអោយបងប្អូនចូលមកលេងកំសាន្ត និងថតរូបទុកជាអនុស្សាវរីយ៍ផងដែរ។
