ស្ពានបេតុងប្រវែង ១៨  ម៉ែត្រ ទទឹង ៥ម៉ែត្រ និងផ្លូវប្រវែង ៥០ ម៉ែត្រ ត្រូវបានបើកការដ្ឋានសាងសង់នៅ ឃុំឈូក ស្រុកប្រាសាទសំបូរ

(កំពង់ធំ)៖លោក ស វុទ្ធថា អ្នកសម្របសម្រួលគម្រោងជំនួយមនស្សធម៌របស់ប្រជាជនជប៉ុនតាមរយះស្ថានទូតជប៉ុនប្រចាំកម្ពុជាបានអញ្ចើញបើកការដ្ឋានសាងសង់ស្ពានបេតុងប្រវែង ១៨  ម៉ែត្រ ទទឹង ៥ម៉ែត្រ នៅភូមិអន្សក្រហាយ ឃុំឈូក ស្រុកប្រាសាទសំបូរ ខេត្តកំពង់ធំ ថ្ងៃទី៨ ខែកុម្ភៈ ឆ្នាំ ២០២៥ ។ មានការអញ្ជើញចូលរួមពីលោក ជូ កុល្លា
ប្រធានមន្ទីរសារធារណៈការនឹងដឹកជញ្ជូនខេត្ត និងប្រជាពលរដ្ឋជាច្រើននាក់ ។

លោក ស វុទ្ធថា ថ្លែងថាគម្រោងសាងសង់ស្ពានបេតុងអាមេស្ពាននេះនឹងជួយសម្រួលទុក្ខលំបាករបស់បងប្អូនប្រជាពលរដ្ឋផ្សេងទៀតឆ្លងកាត់ ដែលកន្លងមក មានការលំបាកខ្លាំង ក្នុងការធ្វើដំណើរឆ្លងកាត់ និងដឹកជញ្ជូន កសិផល យកទៅលក់នៅទីផ្សាដើម្បីដោះស្រាយជីវភាពប្រចាំថ្ងៃ។

លោក ជូ កុល្លា បញ្ជាក់ថាការសាងសង់ស្ពាននេះបន្ទាប់ពីមានការចង្អុលបង្ហាញពីសំណាក់លោក នួន ផារ័ត្ន អភិបាលខេត្តដែលលោកបានគិតគូយកចិត្តទុក្ខដាក់ចំពោះបងប្អូនប្រជាពលរដ្ឋហើយការសាងសង់ស្ពាននេះក៏ផ្នែកមួយនៃការខិតខំប្រឹងប្រែងរបស់ថ្នាក់នាំខេត្តក្នុងការកែលម្អហេដ្ឋារចនាសម្ព័ន្ធស្ពាន ផ្លូវថ្នល់ និងជំរុញការអភិវឌ្ឍន៍សេដ្ឋកិច្ច-សង្គមក្នុងតំបន់ផងដែរ ព្រោះថាទីតាំងនេះកាលពីមុនមានស្ពានតូចមួយធ្វើទឹកហូរច្រោះបានបាក់កាលពីឆ្នាំ២០២៣ ទើបពេលនេះមន្ទីរសារធារណៈការនឹងដឹកជញ្ជូនខេត្តបានទំនាក់ទំនងទៅស្ថានទូតជប៉ុនប្រចាំប្រទេសកម្ពុជាបានសាងសង់ស្ពានថ្មីនាពេលនេះ។

លោកបញ្ជាក់ថាពិធីបើកការដ្ឋានសាងសង់ស្ពានបេតុងប្រវែង១៨ ម៉ែត្រ ទទឹង ៥ ម៉ែត្រ និងធ្វើផ្លូវសងខាងក្បាលស្ពានដោយរៀបថ្មប្រវែង ៥០ ម៉ែត្រ ជាជំនួយមនស្សធម៌របស់ប្រជាជនជប៉ុនតាមរយះស្ថានទូតជប៉ុនប្រចាំកម្ពុជាដូច្នេះសូមឲ្យបងប្អូនប្រចាពលរដ្ឋចូលរួមថែរក្សាទ្រព្យសម្បត្តិនេះទាំងអស់គ្នា។

ប្រជាពលរដ្ឋនៅក្នុងភូមិអន្សក្រហាយបានសម្តែងការរីករាយចំពោះការសាងសង់ស្ពាននេះដោយជឿថាការធ្វើដំណើរកាន់តែងាយស្រួល និងសុវត្ថិភាពជាងមុន។ ហើយការសាងសង់ស្ពាននេះគឺជាសក្ខីកម្មមួយនៃការខិតខំប្រឹងប្រែង
ថ្នាក់ដឹកនាំខេត្តកំពង់ធំពិសេសលោក នួន ផារ័ត្ន ក្នុងការកែលម្អជីវភាពរស់នៅរបស់ប្រជាពលរដ្ឋនិងជំរុញការអភិវឌ្ឍន៍សេដ្ឋកិច្ចនៅក្នុងតំបន់ឲ្យប្រសើរឡើង ។