កម្លាំងចម្រុះចុះបង្ក្រាបបទល្មើសនេសាទនៅបឹងទន្លេសាប ក្នុងភូមិសាស្ត្រខេត្តកំពង់ធំ

(កំពង់ធំ)÷ថ្ងៃទី០៥ ខែធ្នូ ឆ្នាំ២០២៥លោកវ៉ាចាន់កុសល់ ស្នងការរងនគរបាលខេត្តកំពង់ធំនិងលោកថនពុទ្ធាអភិបាលរងស្រុកកំពង់ស្វាយ បានដឹកនាំ
កម្លាំងចម្រុះនៅបឹងទន្លេសាបចុះបង្ក្រាបបទល្មើសនេសាទ ក្នុងភូមិសាស្ត្រខេត្តកំពង់ធំ ។

ចំណុចដែលកម្លាំងចុះបង្ក្រាបរួមមាន÷ កោះបឹងស្រែ ឃុំផាត់សណ្តាយ ស្រុកកំពង់ស្វាយ .
ចំណុចបាឡតតូច ឃុំ ពាមបាង ស្រុកស្ទោង. និងតាមបណ្តោយដងស្ទឹងសែន នៅចំណុចអូវ៉ាយសំបួរ  កោះតាហែម ពាមក្រែង ក្នុងភូមិសាស្ត្រ ឃុំក្តីដូង រហូតដល់អន្លង់ក្របៅស្រោង ស្ថិតក្នុងភូមិសាស្រ្តភូមិខ្សាច់ជីរស់ ឃុំកំពង់គោ ស្រុកកំពង់ស្វាយ ខេត្តកំពង់ធំ ។

ជាក់ស្ដែងជាលទ្ធផលកម្លាំងចម្រុះអនុវត្តបាន០១ករណី ដោយ រុះរើបំផ្លាញចោលឧបករណ៍នេសាទខុសច្បាប់នៅនឹងកន្លែងរួមមាន÷ របាំងសាច់អួនក្រឡាញឹកចំនួន២របាំង ប្រវែង ៥២៥ម៉ែត្រ ទ្បុកចំនួន០៦គ្រឿង លប/លូចំនួន៨មាត់បង្គោលចំនួន២៧៨ដើម ចាក់លែងត្រីចម្រុះទម្ងន់១០គីឡូក្រាមចូលទន្លេវិញ និងមធ្យោបាយសរុបចំនួន៩គ្រឿង និងប្រើប្រេងឥន្ធនៈអស់ចំនួន៣៧០លីត្រ។ អត្ថបទខណ្ឌរដ្ឋបាលជលផលកំពង់ធំ.ពិនិត្យនិងកែសម្រួលអ៊ុមញឹប។