Create Sticky Header/Footer on a Web Page using HTML CSS and JavaScript
ទទកធ-KNTV គេហទំព័រ https://kampongthominfo.com នៃមន្ទីរព័ត៌មាន ខេត្តកំពង់ធំ (សូមអរគុណសន្តិភាព! មានសន្តិភាព ទើបមានថ្ងៃនេះ!) បញ្ឈប់ការប្រើប្រាស់គ្រឿងញៀន ជាជម្រើសដ៏ឆ្លាតវៃ គ្រឿងញៀនមិនមែនជាឱសថលើកកម្លាំងនោះឡើយ។ សូមប្រាប់មនុស្សជាទីស្រឡាញ់ ពីគ្រោះថ្នាក់នៃគ្រឿងញៀន ប្រើគ្រឿងញៀនគឺបំផ្លាញខ្លួនឯង ក្រុមគ្រួសារ និងសង្គមជាតិ។ កុំយកអនាគតដ៏ស្រស់ថ្លារបស់អ្នក ទៅជាប់ជំពាក់នឹងគ្រឿងញៀន ស្វែងរកវិជ្ជា កិត្តិយសមាន សេពគ្រឿងញៀន នាំមហន្តរាយ។ គោរពច្បាប់ចរាចរណ៍បើកបរដោយការយោគយល់ គោរពច្បាប់ចរាចរណ៍បើកបរសូមពាក់មួកសុវត្ថិភាពជានិច្ច។

មេឃុំសាលាវិស័យ÷ លើកស្ទួយការចូលរួមរបស់យុវជនក្នុងការអភិរក្សធនធានធម្មជាតិ សម្រាប់មនុស្សជំនាន់ក្រោយ

មេឃុំសាលាវិស័យ÷ លើកស្ទួយការចូលរួមរបស់យុវជនក្នុងការអភិរក្សធនធានធម្មជាតិ សម្រាប់មនុស្សជំនាន់ក្រោយ

(កំពង់ធំ) — លោក ជិន ហុីន មេឃុំសាលាវិស័យ បានមានប្រសាសន៍ អំពាវនាវឱ្យយុវជនខ្មែរជំនាន់ថ្មី ចូលរួមការពារ និងថែរក្សាព្រៃឈើ សត្វព្រៃ និងធនធានធម្មជាតិ ដែលស្ថិតក្នុងដែនសហគមន៍នានា ឱ្យបានគង់វង្សដល់ជំនាន់ក្រោយ ដើម្បីបម្រើការអភិវឌ្ឍន៍ប្រទេសជាតិឱ្យមាននិរន្តភាព។

ការមានប្រសាសន៍ របស់ លោកមេឃុំរូបនេះ បានលើកឡើងក្នុងពិធីសំណេះសំណាលជាមួយក្រុមនិស្សិត ដែលចុះមកទស្សនកិច្ចសិក្សានៅតំបន់សហគមន៍ជាំម្រេច ភូមិតាឡែក ឃុំសាលាវិស័យ ស្រុកប្រាសាទបល្ល័ង្ក កាលពីថ្ងៃទី ២៦ ខែវិច្ឆិកា ឆ្នាំ ២០២៥។

លោកមេឃុំបានលើកឡើងទៀតថា ការចូលរួមរបស់យុវជនក្នុងការអភិរក្សធនធានធម្មជាតិ ជាកត្តាសំខាន់មួយ ឆ្លើយតបនឹងគោលនយោបាយរបស់រាជរដ្ឋាភិបាល ក្នុងការអភិវឌ្ឍបរិស្ថាន ការគ្រប់គ្រងធនធានធម្មជាតិ និងការកសាងធនធានមនុស្សឱ្យមានសមត្ថភាពខ្ពស់។

លោកបានបន្ថែមថា កម្មវិធីការពារធនធានធម្មជាតិ ដែលអង្គការដៃគូសហការជាមួយផ្នែករដ្ឋ បានរៀបចំ ធ្វើឱ្យយុវជនមានឱកាសសិក្សា ពង្រឹងចំណេះដឹង និងយល់ដឹងច្បាស់អំពីតម្លៃធនធានធម្មជាតិរបស់ប្រទេសកម្ពុជា។

លោកបានគូសបញ្ជាក់ថា គម្របព្រៃនៅតំបន់សហគមន៍ជាំម្រេច និងតំបន់ជាប់ខាងសាលាវិស័យ មានសក្តានុពលខ្លាំង ដោយព្រៃស្រោង និងព្រៃពាក់កណ្តាលស្រោង ជាឃ្លាំងផ្ទុកកាបូន និងទីជម្រកសត្វព្រៃកម្រ ដែលអាចជំរុញឱ្យវិស័យទេសចរណ៍ធម្មជាតិ ការលក់ឥណទានកាបូន និងវិស័យហ៊រដទៃទៀតក្នុងសេដ្ឋកិច្ចជាតិរីកចម្រើន។

ក្នុងឱកាសនេះ យុវជន និងនិស្សិតពីខេត្តនានា ក៏បានចែករំលែកទស្សនៈថា ការការពារសត្វព្រៃ និងព្រៃឈើ គឺជាបេសកកម្មរួមរវាងប្រជាពលរដ្ឋទាំងអស់ ព្រោះបើមិនចាប់ផ្តើមសហការពីថ្ងៃនេះ នោះជំនាន់ក្រោយនឹងខ្វះឱកាសស្គាល់ជីវជាតិសំខាន់ៗរបស់ជាតិខ្មែរ។ ពួកគេក៏បានលើកឡើងថា ទោះបីមិនអាចចូលរួមការងារផ្ទាល់ខ្លាំងក្លា ប៉ុន្តែការផ្សព្វផ្សាយ និងលើកមោទនភាពពីអត្ថប្រយោជន៍ធនធានធម្មជាតិ ក៏ជាចំណែកដ៏សំខាន់មួយផងដែរ។

នៅទីបញ្ចប់ លោក មេឃុំជិន ហុីន បានលើកទឹកចិត្តដល់យុវជនឱ្យបន្តសិក្សា ព្យាយាម ហ៊ានឈ្នះការលំបាក ដើម្បីក្លាយជាថាមពលបន្ទុកនៃប្រទេស ហើយរួមចំណែកថែរក្សា ទប់ស្កាត់ការបាត់បង់ព្រៃឈើ និងសត្វព្រៃ ដើម្បីឱ្យធនធានដ៏មានតម្លៃទាំងនេះ នៅស្ថិតជាយូរអង្វែងសម្រាប់កូនខ្មែរជំនាន់ក្រោយ។ អត្ថបទរដ្ឋបាលស្រុកប្រាសាទបល្ល័ង្ក ពិនិត្យដោយលោក ធូ កែវមុន្នី

Loading

Subscribe ទទកធ-KNTV

Leave a Reply

Your email address will not be published. Required fields are marked *

© 2025 ទទកធ-KNTV - WordPress Video Theme by WPEnjoy
Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains Cinque Terre Northern Lights Mountains
KNTV