ឧត្តមសេនីយ៍ទោ ហេង សុផល នាំយកថវិកា និងសម្ភារៈមួយចំនួនឧបត្ថម្ភ ជូនគ្រួសារសពលោក ស៊ឹង សៅ មេភូមិភ្លង កំពង់ស្វាយ

(កំពង់ធំ)៖ លោកឧត្តមសេនីយ៍ទោ ហេង សុផល ស្នងការនគរបាលខេត្ត បានអញ្ជើញចូលរួមរំលែកទុក្ខជាមួយក្រុមគ្រួសារសព
លោក ស៊ឹង សៅ មេភូមិភ្លង ឃុំត្បែង  ស្រុក កំពង់ស្វាយ ខេត្តកំពង់ធំ  រសៀលថ្ងៃទី ២៥ ខែ វិច្ឆិកា ឆ្នាំ២០២៥។

ឧត្តមសេនីយ៍ទោ ហេង សុផល  បានពាំនាំនូវប្រសាសន៍ ផ្ដាំផ្ញើចូលរួមរំលែកទុក្ខពីសំណាក់នាយឧត្តមសេនីយ៍ ស ថេត អគ្គស្នងការនគរបាលជាតិ លោក នួន ផារ័ត្ន អភិបាលខេត្ត ជូនចំពោះក្រុមគ្រួសារសព និងសម្ដែងនូវការសោកស្តាយយ៉ាងក្រៃលែងបំផុត ចំពោះការបាត់បង់ មេគ្រួសារ ស្វាមី ឪពុក ប្រកបដោយព្រហ្មវិហាធម៌ ដែលអ្នកផងទាំងពួង គោរពស្រឡាញ់ ។

ឆ្លៀតក្នុងឱកាសដ៏សែនក្តុកក្តួលក្រៀមក្រំនោះបំផុតនោះដែរលោកស្នងការបានលើកឡើងអំពីស្នាដៃ គុណបំណាច់ ចំពោះការងារសង្គម និងប្រជាពលរដ្ឋ
របស់លោក ស៊ឹង សៅ នាពេលកន្លងមក  លោកបានចូលរួមចំណែកយ៉ាងសកម្ម ប្រកបដោយស្មារតីទទួលខុសត្រូវខ្ពស់ លើតួនាទី ភារកិច្ច ដែលថ្នាក់លើប្រគល់ជូន អនុវត្តរហូតទទួលបានលទ្ធផល យ៉ាងត្រចះត្រចង់ ជាបន្តបន្ទាប់ ។

ស្ថិតក្នុងវេលាដ៏សោកសង្រេងនេះ  
លោកស្នងការបានគោរពវិញ្ញាណក្ខន្ធ ព្រមទាំងឧទ្ទិសបួងសួង ដល់គុណបុណ្យព្រះរតនត្រ័យ វត្ថុសាកសិទ្ធក្នុងលោក សូមជួយដឹកនាំដួងវិញ្ញាណក្ខន្ធរបស់លោក ស៊ឹង សៅ បានទៅកាន់សុគតិភព កុំបីឃ្លៀងឃ្លាតឡើយ ។

គួរបញ្ជាក់ថាលោក ស៊ឹង សៅ បានទទួលមរណភាព កាលពីវេលាម៉ោង ០៣ និង ៣០នាទី នាថ្ងៃទី ២៤ ខែ វិច្ឆិកា ឆ្នាំ២០២៥ ក្នុងជន្មាយុ ៦១  ឆ្នាំ ដោយសាររោគាពាធ ។

លោកស្នងការ បានឧបត្ថម្ភ : ១-ថវិកាចំនួន ១,០០០,០០០រៀល ២-អង្ករ ៥០ គីឡូក្រាម,៤-ភេសជ្ជៈទឹកបរិសុទ្ធ ទឹកស៊ីអ៊ីវ ទឹកត្រី មួយចំនួនទៀត ជូនក្រុមគ្រួសារសព ដើម្បីចូលរួមសម្រាលការចំណាយដោះស្រាយក្នុងពិធីបុណ្យ ។អត្ថបទឆ្លងការដ្ឋាននគរបាលខេត្តកំពង់ធំ-ពិនិត្យដោយអ៊ុមញឹប។