សេចក្តីប្រកាសព័ត៌មានរបស់ កងរាជអាវុធហត្ថលើផ្ទៃប្រទេស
រឿងរត់ការចូលក្របខ័ណ្ឌ! ប្រជាពលរដ្ឋ សំណូមពរដល់បញ្ជាការកងរាជអាវុធហត្ថលើផ្ទៃប្រទេស ជួយអន្តរាគមន៍ មកប៉េអឹមខេត្តកំពង់ធំ ឈ្មោះ រស់ តឿ សង់លុយមកឲ្យគ្រួសារគាត់វិញ
ខេត្តកំពង់ធំ៖ជុំវិញការរត់ការចូលក្របខ័ណ្ឌ ប្រជាពលរដ្ឋមួយគ្រួសាររស់នៅក្នុងភូមិក្រពើ ឃុំទួលគ្រើងស្រុកប្រាសាទបល្ល័ង្គ ខេត្តកំពង់ធំ កំពុងដង្ហើយរកយុត្តិធម៌ និងការអន្តរាគមន៍ពីថ្នាក់ដឹកនាំកងរាជអាវុធហត្ថលើផ្ទៃប្រទេស មេត្តាជួយអន្តរាគមន៍ មកឈ្មោះ រស់ តឿ មានតួនាទីប្រធានមន្ទីរទំនាក់ទំនងកិច្ចការសាធារណៈ នៃបញ្ជាការកងរាជអាវុធហត្ថខេត្តកំពង់ធំ សង់លុយចំនួន14.000$ មកឲ្យគ្រួសារគាត់វិញ ខណៈឈ្មោះ រស់ តឿ ប៉េអឹមរូបនោះធានាអះអាងនិងបានយកលុយជាថ្នូរទៅនឹងការរត់ការកូនប្រុសរបស់គាត់ចូលក្របខ័ណ្ឌក្រសួងការពារជាតិ។
ជុំវិញការលើកឡើងរបស់ប្រជាពលរដ្ឋចោទ ឈ្មោះ រស់ តឿ ប្រធានមន្ទីរទំនាក់ទំនងកិច្ចការសាធារណៈថាបានយកលុយចំនួន14.000$ ពីពលរដ្ឋជាថ្នូរនិងការរត់ការចូលក្របខ័ណ្ឌបែបនេះ ទីភ្នាក់ងារសារព័ត៌មានសៀមរាប ប៉ុស្តិ៍ មិនទាន់ទទួលបានការបំភ្លឺបកស្រាយពី ឈ្មោះ រស់ តឿ បាននៅឡើយទេដោយមិនមានលេខទំនាក់ទំនង៕SRP
