លោកឧត្តមសេនីយ៍ទោ ហេង សុផល ដឹកនាំកិច្ចប្រជុំ ផ្សព្វផ្សាយ សេចក្តីណែនាំ របស់អគ្គស្នងការនគរបាលជាតិ ស្តីពី ការងារសុវត្ថិភាពចរាចរណ៍ផ្លូវគោក ក្នុងឱកាសពិធីបុណ្យចូលឆ្នាំ ចិន – វៀតណាម ឆ្នាំ២០២៦
(កំពង់ធំ)÷លោកឧត្តមសេនីយ៍ទោ ហេង សុផល ស្នងការនគរបាលខេត្ត បានដឹកនាំកិច្ចប្រជុំ ផ្សព្វផ្សាយ សេចក្តីណែនាំ របស់អគ្គស្នងការនគរបាលជាតិ ស្តីពី ការងារសុវត្ថិភាពចរាចរណ៍ផ្លូវគោក ក្នុងឱកាសពិធីបុណ្យចូលឆ្នាំ ចិន – វៀតណាម ឆ្នាំ២០២៦ ដល់កងកម្លាំងនគរបាលចូលរួមប្រមាណ ៣៥ នាក់ នៅសាលប្រជុំស្នងការដ្ឋាននគរបាលខេត្ត កាលពីរសៀលថ្ងៃទី ១៥ ខែ កុម្ភៈ ឆ្នាំ២០២៦ ។
ថ្លែងក្នុងពិធីនោះ លោកឧត្តមសេនីយ៍ទោ ហេង សុផល ស្នងការនគរបាលខេត្ត បានលើកឡើងអំពីស្នាដៃ គុណបំណាច់ របស់កងកម្លាំងចំពោះជាតិមាតុភូមិ ក្នុងបេសកកម្ម ការពារ រក្សាសន្តិសុខ សណ្តាប់ធ្នាប់សាធារណៈ ធានាបានសុខសុវត្ថិភាពល្អ នាពេលកន្លងមក។
លោកឧត្តមសេនីយ៍ទោ ហេង សុផល បន្តថ្លែងក្រើនរំលឹក ដល់ថ្នាក់ដឹកនាំផែនការងារជំនាញ និងលោកអធិការនគរបាលត្រូវបន្តពង្រឹង÷ ១-វិន័យលេខ ៨៧៣ របស់កងកម្លាំងនគរបាលជាតិ,២-ពង្រឹងរបៀបរបបការងារជំនាញ,៣-ផែនព្រហ្មទណ្ឌ ប្រើប្រាស់ វិធានការច្បាប់ វិធានការជំនាញ វិធានការរដ្ឋបាល ការចងក្រង គ្រប់គ្រងមុខសញ្ញា និងមុខរបពិសេស,៤-ការងារអគ្គិភ័យ និងសង្គ្រោះ ត្រៀមលក្ខណៈសម្រាប់ កិច្ចអន្តរាគមន៍ ដល់ប្រជាពលរដ្ឋ,៥-ការងារចរាចរណ៍ផ្លូវគោក និងការងារសណ្តាប់ធ្នាប់សាធារណៈ ត្រូវបញ្ចុះកម្លាំងរៀបចំសណ្តាប់ធ្នាប់ ជួយសម្រួលចរាចរណ៍ តាមទីប្រជុំជនរមនីយដ្ឋាន ទីកម្សាន្តសប្បាយភាពនានា,៦-គ្រប់ពេល
វេលាការអនុវត្ត-តួនាទី ភារកិច្ចជំនាញ ជាប្រចាំ ត្រូវគ្រងឯកសណ្ឋាន បានសមរម្យសាកសមជាមន្ត្រីនគរបាលជាតិ,៧-បន្តការប្រមូលផ្ដុំកងកម្លាំងវេនប្រចាំការ បង្កើនការចុះល្បាត ត្រួតពិនិត្យភូមិសាស្រ្ត តាមគោលដៅសំខាន់ៗ ។
ឆ្លៀតក្នុងឱកាសនោះដែរ ដើម្បីធានាបានសន្តិសុខសណ្តាប់ធ្នាប់សង្គម ក្នុងឱកាសបុណ្យចូលឆ្នាំថ្មី
ប្រពៃណី ចិន-វៀតណាម ឆ្នាំ២០២៦នេះ លោកឧត្តមសេនីយ៍ទោ ហេង សុផល ណែនាំដល់កងកម្លាំង
ត្រូវបង្កើនការផ្សព្វផ្សាយគោលនយោបាយ
“ភូមិ-ឃុំ-សង្កាត់ មានសុវត្ថិភាព” ដល់ប្រជាពលរដ្ឋ ជាពិសេសលើបញ្ហា អគ្គិភ័យ គ្រោះថ្នាក់ចរាចរណ៍ផ្លូវគោក និងបញ្ហាសណ្តាប់ធ្នាប់សាធារណៈ ហាមដាច់ខាតការដុតគ្រឿងបំពងសម្លេង ផាវ កាំជ្រួច ដែល
បង្ករឲ្យមានជាសម្លេងផ្ទុះផ្សេងៗ ៕អត្ថបទស្នងការដ្ឋាននគរបាលខេត្ត.ពិនិត្យដោយអ៊ុមញឹប។
