លោក ចាន់ បញ្ញាវ័ន្ត និងមន្ត្រីជំនាញចុះអនុវត្តវិធានការលើជីវសុវត្ថិភាព(បាញ់ថ្នាំសម្លាប់មេរោគ)លើមធ្យោបាយដឹកជញ្ជូនសត្វគ្រប់ប្រភេទ(រថយន្តដឹកសត្វរស់) និងតាមសត្តឃាដ្ឋាន(កុងស៉ី) ក្នុងឱកាសពិធីបុណ្យចិន-វៀតណាម ខាងមុខនេះ

(កំពង់ធំ)÷ ដោយមានការយកចិត្តទុកដាក់ខ្ពស់ពីលោក ប៉ែន វណ្ណរិទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ បានឱ្យលោក ចាន់ បញ្ញាវ័ន្ត ប្រធានការិយាល័យផលិតកម្ម និងបសុព្យាបាលខេត្ត ដឹកនាំមន្ត្រីជំនាញចុះអនុវត្តវិធានជីវសុវត្ថិភាព (បាញ់ថ្នាំសម្លាប់មេរោគ) លើមធ្យោបាយដឹកជញ្ជូនសត្វគ្រប់ប្រភេទ(រថយន្តដឹកសត្វរស់) និងតាមសត្តឃាដ្ឋាន(កុងស៊ី) ដែលជាឱកាស នៃពិធីបុណ្យបុណ្យចូលឆ្នាំចិន-វៀតណាម ហើយក៏ជាពេលដែលមានតម្រូវការសាច់សត្វច្រើន រីឯមធ្យោបាយដឹកជញ្ជូនសត្វក៏មានភាពមមាញឹកណាស់ដែរ នាព្រឹកថ្ងៃទី១៤ ខែកុម្ភៈ ឆ្នាំ២០២៦។

លោក ចាន់ បញ្ញាវ័ន្ត បានលើកឡើងថាការដឹកសត្វចេញពីកសិដ្ឋាន រឺពីកន្លែងមួយ ទៅកន្លែងមួយក្នុងខេត្ត និងចេញក្រៅខេត្ត ដូច្នេះដើម្បីបង្ការ ការពារ ទប់ស្កាត់ការឆ្លងរាលដាលជំងឺឆ្លងសត្វគ្រប់ប្រភេទ ជាពិសេសលើសុខភាពសាធារណៈទូទៅ។ ជាលទ្ធផលក្រុមការងារបានធ្វើជីវសុវត្ថិភាពលើមធ្យោបាយដឹកជញ្ជូនសត្វបានចំនួនសរុប៣០គ្រឿង ក្នុងនោះរថយន្តដឹកជ្រូក១០គ្រឿង រថយន្តដឹកមាន់២០គ្រឿង រួចមកក្រុមការងារ ចុះធ្វើជីវសុវត្ថិភាពនៅសត្តឃាតដ្ឋានសត្តឃាតដ្ឋានក្រុងស្ទឹងសែន សត្តឃាតដ្ឋានស្រុកតាំងគោក និងបន្តចុះធ្វើជីវសុវត្ថិភាព នៅតាមបណ្ដាសត្តឃាតដ្ឋាន និងមធ្យោបាយដឹកជញ្ជូនសត្វ ជាបន្តបន្ទាប់ទៀត ដើម្បីការពារកុំឱ្យមានជំងឺឆ្លងទៅសត្វដទៃទៀត។

លោកប្រធានការិយាល័យផលិតកម្ម និងបសុព្យាបាលខេត្តកំពង់ធំ បានជំរុញឱ្យម្ចាស់ឡានដែលដឹកសត្វរស់គ្រប់ប្រភេទ ដែលឆ្លងកាត់ខេត្តកំពង់ធំ សូមអញ្ជើញមកបាញ់ថ្នាំសម្លាប់មេរោគនៅការិយាល័យផលិតកម្ម និងបសុសុព្យាបាលឱ្យបានគ្រប់ឡាន ដើម្បីការពារកុំឱ្យជំមានជំងឺឆ្លងទៅសត្វដទៃទៀត នាឱកាសបុណ្យចូលឆ្នាំចិន-វៀតណាមខាងមុខនេះ។

ជាចុងក្រោយលោក ចាន់ បញ្ញាវ័ន្ត ប្រធានការិយាល័យផលិតកម្ម និងបសុព្យាបាលខេត្តកំពង់ធំ បានសំណូមពរដល់បងប្អូនប្រជាកសិករដែលចិញ្ចឹមសត្វគោ ក្របី សូមអញ្ជើញចូលរួមចាក់វ៉ាក់សាំងការពារជំងឺដល់សត្វគោ ក្របី កុំឱ្យឆ្លងឆ្លងទៅសត្វដទៃទៀតនៅក្នុងមូលដ្ឋានរបស់ខ្លួន។ ប្រសិនឃើញសត្វមានបញ្ហាទៅលើសុខភាព សូមរាយការណ៍ជាបន្ទាន់ដល់ភ្នាក់ងារសុខភាពសត្វភូមិ និងអាជ្ញាធរមូលដ្ឋាន ដើម្បីឱ្យក្រុមការងារជំនាញចុះទៅចាក់ថ្នាំការពារឱ្យបានទាន់ពេលវេលា។ អត្ថបទ ការិយាល័យផលិតកម្ម និងបសុព្យាបាលខេត្តកំពង់ធំ.ពិនិត្យអ៊ុមញឹប។