មន្ត្រីមន្ទីរកិច្ចការនារីខេត្ត បានសហការជាមួយគម្រោងQSA បើកវគ្គអប់រំផ្សព្វផ្សាយស្ដីពីការទប់ស្កាត់ការរំលោភបំពានផ្លូវភេទលើស្ត្រី និងក្មេងស្រី នៅឃុំសណ្ដាន់ និងឈើទាល ស្រុកសណ្តាន់

(ខេត្តកំពង់ធំ)÷ មន្ទីរកិច្ចការនារីខេត្ត សហការជាមួយគម្រោងQSA បានរៀបចំបេីកវគ្គអប់រំផ្សព្វផ្សាយ ស្តីពីការទប់ស្កាត់ ការំលោភបំពានផ្លូវភេទលើស្រ្តី និងក្មេងស្រី ព្រឹកនៅក្នុងឃុំសណ្ដាន់ និងរសៀលឃុំឈើទាល ស្រុកសណ្ដាន់ ខេត្តកំពង់ធំ ក្រោមអធិបតីភាព លោកស្រី ស៊ិន ស៉ីផានប្រធានមន្ទីរខេត្ត អញ្ជេីញចូលរួមក្នុងឱកាសនោះផងដែររួមមាន លោកស្រី ឡាក់ សៅចាន់ អភិបាលរងស្រុក មន្រ្តីមន្ទីរកិច្ចការនារីខេត្ត លោកមេឃុំ សមាជិកក្រុមប្រឹក្សាឃុំ មេភូមិ និង ប្រជាពលរដ្ឋនៅឃុំសណ្ដាន់ចំនួន១០០នាក់ ស្រី៧៨នាក់  និងឃុំឈើទាលចំនួន១០០នាក់  ស្រី៦៦នាក់ នៅថ្ងៃទី១៨ ខែកុម្ភៈ ឆ្នាំ២០២៥។
   
លោកស្រី ឡាក់ សៅចាន់ អភិបាលរងស្រុក ឡើងមានប្រសាន៍ថា ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការទប់ស្កាត់កាលលោកបំពានទៅលើស្ត្រី និងក្មេងស្រី ជាការងាររបស់រដ្ឋបាលស្រុកសណ្ដាន់ និងភូមិ/ឃុំ ឱ្យមានសុវត្ថិភាពនៅក្នុងមូលដ្ឋាន និងចូលរួមផ្សព្វផ្សាយបន្ថែមនៅក្នុងសហគមន៍។

លោកស្រីប្រធានកិច្ចការនារីខេត្ត បានមានមតិសំណោះសំណាលថ្លែងអំណរគុណដល់អ្នកចូលរួមទាំងអស់និងបន្តសំណេះសំណាលប្រកបដោយខ្លឹមសារសំខាន់ៗ កម្មវិធីថ្ងៃនេះពិតជាមានសារៈសំខាន់ដេីម្បីបង្កេីនការយល់ដឹងដល់បងប្អូនប្រជាពលរដ្ឋក្នុងគ្រួសារ និងសហគមន៍អំពីការរំលោភបំពានផ្លូវភេទលើស្ត្រីនិងក្មេងស្រីនិងបញ្រ្ជាបការទប់ស្កាត់គ្រឿងញៀនទៅលើស្រ្តីនិងកុមារ។ ចំណុចដែលរសើបនិងមានអាទិភាពខ្ពស់ ការរាំងស្ទះដល់ការអភិវឌ្ឋសេដ្ឋកិច្ច ពង្រឹងសមត្ថភាព និងការពង្រឹងសិទ្ធិអំណាចរបស់ស្ត្រី សិទ្ធិកុមារ ក៍ដូចជាកិច្ចអភិឌ្ឍជាតិ  ឱ្យមានស្ថេរភាព សន្តិសុខកាន់តែប្រសើឡើង។
 
លោកស្រី ស៊ិន ស៉ីផាន ប្រធានមន្ទីរខេត្ត បានបញ្ជាក់ថា នាពេលបច្ចុប្បន្ននេះរាជរដ្ឋាភិបាលបានយកចិត្តទុកដាក់លើកកម្ពស់ស្រ្តី និងក្មេងស្រីឱ្យទទួលបាននូវឱ្យកាសស្មេីគ្នា និងជួយជនរងគ្រោះដោយការរំរំលោកភបំពាននានា ក្នុងនោះ បានផ្លល់មេធាវីសម្រាប់ជនរងគ្រោៈក្រីក្រដោយមិនគិតថវិកាផងដែរជួយស្រ្តីគឺជួយខ្លួនឯង។ បើសិនមានករណីអ្វីមួយដែលប៉ះពាល់ទៅលើស្ត្រី និងក្មេងស្រីនៅក្នងសហគមន៍ សូមរាយការណ៍ជាបន្ទាន់ដល់អាជ្ញាធរមូលថា ដើម្បីក្រុមការងារចុះទប់ស្កាត់ និងការពារឱ្យបានទាន់ពេលវេលា។ អត្ថបទមន្ទីរកិច្ចការនារីខេត្តកំពង់ធំ-ពិនិត្យដោយអ៊ុមញឹប។