អភិបាលស្រុកស្ទោងអំពាវនាវពលរដ្ឋក្នុងមូលដ្ឋានត្រូវចងចាំឱ្យច្បាស់នូវការឈ្លានពានតជំនាន់របស់ចោរសៀម មកលើទឹកដីសុវណ្ណភូមិនៃយើង:
(កំពង់ធំ) : អភិបាលស្រុកស្ទោងអំពាវនាវពលរដ្ឋក្នុងមូលដ្ឋានត្រូវចងចាំឱ្យច្បាស់នូវការឈ្លានពានតជំនាន់របស់ចោរសៀម មកលើទឹកដីសុវណ្ណភូមិនៃយើង: លោក សាយ គឹមឡម បានអំពាវនាវដូច្នេះ ក្នុងឱកាសដែលលោកនិងសហការី អញ្ជើញជាអធិបតីភាពក្នុងពិធីសំណេះសំណាលសួរសុខទុក្ខចែកអំណោយជូនគ្រួសារវីរៈកងទ័ព និងជនភៀសសឹកនៅក្នុងឃុំកំពង់ចិនត្បូងកាលពីរសៀលថ្ងៃទី ២៣ ខែធ្នូ ឆ្នាំ២០២៥ ។
លោកសង្កត់ធ្ងន់ថា ម្ដងហើយម្ដងទៀត ដដែលៗចោរសៀមតែងបង្កអរិភាពឥតឈប់ឈរមកលើព្រះរាជាណាចក្រកម្ពុជាទាំងការរំលោភបំពានលើសន្ធិសញ្ញាក អនុសញ្ញា បារាំងសៀមឆ្នាំ១៩០៤ ឆ្នាំ១៩០៧ស្ដីពីបញ្ហាប្រាសាទព្រះវិហារនិងព្រំដែន ជាពិសេសសន្ធិសញ្ញាទីក្រុងសឺណែវ ថ្ងៃទី ១៥ ខែមិថុនា ឆ្នាំ ១៩៦២ ដែលសាលក្រុមបានកាត់និងប្រគល់ប្រាសាទព្រះវិហារនិង តំបន់ជុំវិញមកជូនព្រះរាជាណាចក្រកម្ពុជាជាម្ចាស់ដើមវិញ ក្រោមព្រះរាជបូជនីយកិច្ចដ៏ថ្លៃថ្លាបំផុតរបស់សម្ដេចព្រះបរមរតនកោដ្ឋ។
ទន្ទឹមនឹងនេះ លោកបានណែនាំដល់ អាជ្ញាធរភូមិ ឃុំ ត្រូវធ្វើបច្ចុប្បន្នភាពជនភៀសសឹកឬគ្រួសារវីរៈកងទ័ពដែលបានមកដល់មូលដ្ឋានរបស់ខ្លួនឱ្យបានទៀងទាត់ជាប្រចាំដើម្បីងាយស្រួលក្នុងការជួយសង្គ្រោះផ្សេងៗ ហើយបងប្អូនជនភៀសសឹកនិងគ្រួសារវីរៈកងទ័ពអង់អាចក្លាហាននៃយើងសូមថែសុខរក្សាសុខភាពឱ្យបានល្អប្រសើរ ប្រសិនបើមានបញ្ហាសុខភាពមិនប្រក្រតីណាមួយសូមរាយការណ៍ជូនអាជ្ញាធរមូលដ្ឋាន និងទៅមន្ទីរពេទ្យបង្អែកស្ទោងព្រោះនៅទីនោះក្រុមគ្រូពេទ្យទទួលនិងព្យាបាលជំងឺជូនដោយឥតគិតថ្លៃឡើយ។
លើសពីនេះលោក សាយ គឹមឡម បានគោរពថ្លែងអំណរគុណយ៉ាងជ្រាលជ្រៅបំផុត ដល់ឯកឧត្តម ថោ ជេដ្ឋា ប្រធានក្រុមការងារចុះមូលដ្ឋានស្រុកស្ទោងនិងឯកឧត្តមប៉ុញ សច្ចៈ ប្រធានក្រុមការងារចុះមូលដ្ឋានឃុំកំពង់ចិនត្បូង ដែលបានគិតគូរយកចិត្តទុកដាក់ខ្ពស់ដល់សុខទុក្ខសុខុមារភាពពលរដ្ឋក្នុងមូលដ្ឋាន ជាពិសេសជនភៀសសឹកនិងគ្រួសារវីរៈកងទ័ពដែលបានភៀសខ្លួនមកដល់មូលដ្ឋានស្រុកស្ទោងក្នុងកាលៈទេសៈដែលប្រទេសជាតិយើងរងការឈ្លាន ឈ្លានពានពីចោលសៀមដោយមិនដឹងថាថ្ងៃណាត្រូវបានបិទបញ្ចប់ មានសន្តិភាពពេញលេញនិងត្រឡប់ទៅកាន់គេហដ្ឋានវិញឡើយ។
សូមបញ្ជាក់ថា គ្រឿងឧបភោគបរិភោគដែលចែកជូននៅក្នុងឱកាសនេះ ជាអំណោយដ៏ថ្លៃថ្លារបស់ឯកឧត្តម ប៉ុញ សច្ចៈប្រធានក្រុមការងារចុះមូលដ្ឋានឃុំកំពង់ចិនត្បូងនិងសប្បុរសជនជិតឆ្ងាយ ហើយគ្រួសារទាំង៦៣ខាងលើក្នុងមួយគ្រួសារៗទទួលបាននូវអង្ករ១បេ មី១កេស ទឹកត្រី១យួរ និងទឹកស៊ីអ៊ីវ១យួរផងដែរ។អត្ថបទរដ្ឋបាលស្រុកស្ទោង-ពិនិត្យដោយអ៊ុមញឹប។
