ពិធីសំណេះសំណាលផ្តាំផ្ញើសួរសុខទុក្ខ ជាមួយបេក្ខជនសិស្សានុសិស្សដែលត្រូវប្រឡងមធ្យមសិស្សាទុតិយភូមិឆ្នាំ ២០២៤

(កំពង់ធំ)៖ ថ្ងៃទី០៧ ខែតុលា ឆ្នាំ២០២៤ ពិធីសំណេះសំណាល និងផ្តាំផ្ញើសួរសុខទុក្ខ ជាមួយបេក្ខជនសិស្សានុសិស្សដែលត្រូវប្រឡងមធ្យមសិស្សាទុតិយភូមិឆ្នាំ ២០២៤ ចំនួន២៣៦នាក់ ត្រូវបានរៀបចំឡើងក្នុងគោលបំណងសាកសួរសុខទុក ដើម្បីស្វែងយល់ពីចំណាប់អារម្មណ៍របស់សិស្សានុសិស្សថ្នាក់ទី១២ ដែលជាបេក្ខជនត្រៀមប្រឡងសញ្ញាបត្រមធ្យមសិក្សាទុតិយភូមិនាថ្ងៃទី០៨ ខែតុលា ឆ្នាំ២០២៤នេះ។

ពិធីសំណេះសំណាលនេះត្រូវបានរៀបចំឡើងក្រោម អធិបតីភាព ឯកឧត្តម ហេង សំណាង តំណាងដ៏ខ្ពង់ខ្ពស់ លោកអ្នកឧកញ៉ា បណ្ឌិត ទ្រី ភាព និងលោកជំទាវអ្នកឧកញ៉ា​, ឯកឧត្តម ជា វ៉ាន់ចាន់ អភិបាលរងខេត្តកំពង់ធំ, លោក វណ្ណៈ សោភានិត គណៈអភិបាលស្រុក​ប្រាសាទបល្ល័ង្គ​ រួមទាំងឯកឧត្ដម លោកជំទាវ លោក លោកស្រី មកពីអង្គភាពពាក់ព័ន្ធ លោកគ្រូ អ្នកគ្រូ សិស្សានុសិស្សយ៉ាងច្រើនចូលរួមផងដែរ។

គួរបញ្ជាក់ផងដែរថា​ ឱកាសសំណេះសំណាលផ្តាំផ្ញើសួរសុខទុក្ខ ជាមួយបេក្ខជនសិស្សានុសិស្សដែលត្រូវប្រឡងមធ្យមសិស្សាទុតិយភូមិ ក៏មានប្រាក់លេីកទឹកចិត្តដល់បេក្ខជនដែលក្នុងម្នាក់ៗ ទទួលបានថវិកា100,000៛ , លោកគ្រូអ្នកគ្រូ និងក្រុមការងារស្រុកដែលមកចូលរួមម្នាក់ៗ បានថវិកា 50,000៛ សរុបចំណាយក្នុងកម្មវិធី 30,000,000៛ ដែលជាអំណោយដ៏ថ្លៃថ្លារបស់ លោកអ្នកឧកញ៉ាបណ្ឌិត ទ្រី ភាព និងលោកជំទាវអ្នកឧកញ៉ា គៀន ស្រីនាង ។

អត្ថបទ រដ្ឋបាលស្រុកប្រាសាទបល្ល័ង្គ -ពិនិត្យដោយអ៊ុមញឹប។