មន្ទីរផែនការខេត្តកំពង់ធំ រៀបចំកិច្ចប្រជុំណែនាំ និងរំលឹកឡើងវិញពីការរៀបចំក្របខ័ណ្ឌវិនិយោគរយៈពេល៥ឆ្នាំ និងដំណើរការកម្មវិធីវិនិយោគបីឆ្នាំរំកិលខេត្ត ២០២៦-២០២៨

(កំពង់ធំ)៖ មន្ទីរផែនការខេត្តកំពង់ធំ បានរៀបចំកិច្ចប្រជុំណែនាំ និងរំលឹកឡើងវិញពីការរៀបចំក្របខ័ណ្ឌវិនិយោគរយៈពេល៥ឆ្នាំ និងដំណើរការកម្មវិធីវិនិយោគបីឆ្នាំរំកិលខេត្ត ២០២៦-២០២៨ និងមានការចូលរួមពីសំណាក លោកលោកស្រីប្រធាន-អនុប្រធានមន្ទីរ និងមន្ត្រីរាជការ មន្ទីរអង្គភាពក្នុងខេត្ត នាព្រឹកថ្ងៃទី២០ ខែមីនា ឆ្នាំ២០២៥ នៅសាលប្រជុំមន្ទីរផែនការខេត្តកំពង់ធំ ។

ដំណើរការរៀបចំកម្មវិធីវិនិយោគបីឆ្នាំរំកិលមាន ៣ជំហានគឺ ជំហានទី១ ការប្រមូលព័ត៌មានស្តីពីតម្រូវការរបស់មូលដ្ឋាន សម្រាប់ កម្មវិធីវិនិយោគ, ជំហានទី២ ការរៀបចំសេចក្តីព្រាងសៀវភៅកម្មវិធីវិនិយោគ, ជំហានទី៣ ការពិនិត្យ អនុម័ត និងផ្សព្វផ្សាយ សៀវភៅកម្មវិធីវិនិយោគ ។

លោក ចាន់ សារឿន អនុប្រធានមន្ទីរផែនការ បានលើកឡើងនូវចក្ខុវិស័យ ប្រជាពលរដ្ឋគ្រប់គ្រួសារចាកផុតពីបន្ទាត់ភាពក្រីក្រ រស់នៅក្នុងជីវភាពសមរម្យ មានសុខភាពល្អ ក្នុងបរិយាកាសសង្គមមួយដែលមានសន្តិភាព ស្ថិរភាព ភាពស្មើគ្នា សមធម៌ និងបរិយាប័ន្ន។

លោក អនុប្រធានមន្ទីរផែនការ បានកើនរំលឹកឡើងវិញពីការរៀបចំក្របខ័ណ្ឌវិនិយោគ និងបានបណ្តុះបណ្តាលពន្យល់ណែនាំដល់ មន្ត្រីមន្ទីរអង្គភាព ក្នុងខេត្តកំពង់ធំទាំងអស់ដើម្បីយល់ច្បាស់ពីការធ្វើផែនការក្នុងមន្ទីរស្ថាប័នរៀងខ្លួន និងបញ្ចូនរបាយការណ៍មកមន្ទីរផែនការ ដើម្បីមន្ទីររៀបចំបញ្ចូនទៅថ្នាក់ខេត្ត៕ អត្ថបទ រូបភាពដោយ-ចន្ថា បុណ្យឫទ្ធិ-ពិនិត្យដោយអ៊ុមញឹប។