ប្រជាពលរដ្ឋនៅស្រុកកំពង់ស្វាយ ដែលមានសត្វគោ ក្របី និងពពែបានទទួលការចាក់វ៉ាក់សាំងការពារជំងឺសារទឹក ពីមន្ត្រីជំនាញ ការិយាល័យផលិតកម្ម និងបសុព្យាបាលខេត្តកំពង់ធំ

(កំពង់ធំ)÷ ក្រុមការងាររបស់ការិយាល័យផលិតកម្ម និងបសុព្យាបាលខេត្ត ដឹកនាំដោយ លោក ចាន់ បញ្ញាវ័ន្ដ ប្រធានការិយាល័យផលិតកម្ម និងបសុព្យាបាល រួមទាំងមន្ត្រី  ភ្នាក់ងារសុខសត្វភូមិ សហការជាមួយ រដ្ឋបាលបាលស្រុកកំពង់ស្វាយ ដោយមានការចូលរួមពីលោកប្រធានការិយាល័យកសិកម្ម ធនធានធម្មជាតិ និងបរិស្ថានស្រុក អាជ្ញាធរភូមិ ឃុំបានចុះយុទ្ធនាការចាក់វ៉ាក់សាំង ការពារជំងឺសាទឹកគោក្របី នៅភូមិល្វាជោម ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ នៅថ្ងៃទី១៣ ខែកុម្ភៈ ឆ្នាំ២០២៥។

លោកប្រធានការិយាល័យផលិតកម្មនិងបក្សសុព្យាបាលខេត្តបានលើកឡើង ថាដោយសារមានអាកាសធាតុប្រែប្រួលពីមួយឆ្នាំទៅមួយឆ្នាំ ធ្វើឱ្យសត្វមួយចំនួនមានការឆ្លងជំងឺ ពីសត្វមួយទៅសត្វមួយផ្សេងទៀត ដោយសារអាកាសធាតុដូច្នេះប្រសិនបើឃើញមានសត្វណាមួយមានជំងឺ សូមរាយការណ៍មកអាជ្ញាធរមូលដ្ឋាន និងភ្នាក់ងារសុខភាពសត្វភូមិ ដើម្បីចុះទៅចាក់ថ្នាំការពារទប់ស្កាត់កុំឱ្យជំងឺរីករាលដៅទឹកសត្វដទៃទៀតនៅក្នុងសហគមន៍។

លោក ចាន់ បញ្ញាវ័ន្ដ ប្រធានការិយាល័យផលិតកម្ម និងបសុព្យាបាល រួមទាំងមន្ត្រីជំនាញ បានចុះយុទ្ធនាការចាក់វ៉ាក់សាំង ការពារជំងឺសាទឹកគោក្របីជាលទ្ធផល ក្រុមការងារសម្រេចចាក់បានសត្វគោ ក្របី និងពពែសរុប៣២០ក្បាល ក្នុងនោះគោ៩៥ក្បាល ពពែ៨០ក្បាល និងក្របី១៥០ក្បាល និងបានផ្តល់ជូនថ្នាំព្យាបាល និងវ៉ាក់សាំងសាទឹក២.០០០កំរិត  ដល់មន្ត្រីបសុព្យាបាលស្រុក ភ្នាក់ងារសុខភាពសត្វភូមិ សម្រាប់ចុះចាក់ និងព្យាបាលសត្វក្នុងមូលដ្ឋានរបស់គាត់ផងដែរ។ អត្ថបទការិយាល័យផលិតកម្ម និងបសុជាព្យាបាលខេត្ត..ពិនិត្យដោយអ៊ុមញឹប។