លោកឧត្តមសេនីយ៍ត្រី ខេន ឈុនគ័រ ស្នងការរង ដាក់ទិសដៅ ០៥ ចំណុច ដល់មន្ត្រីនគរបាលចំណុះឲ្យផែន យកទៅអនុវត្តបន្ត ឲ្យទទួលប្រសិទ្ធភាពខ្ពស់

នៅព្រឹកថ្ងៃទី ០៨ ខែ មករា ឆ្នាំ២០២៥ លោកឧត្តមសេនីយ៍ត្រី ខេន ឈុនគ័រ ស្នងការរងផែនការងារសេនាធិការ និងលោកឧត្តមសេនីយ៍ត្រី ឯក វរ: ស្នងការរង ដឹកនាំការិ. បើកកិច្ចប្រជុំបូកសរុបលទ្ធផលការងារ របស់ផែនការងារសេនាធិការ នៅសាលប្រជុំស្នងការដ្ឋាននគរបាលខេត្តកំពង់ធំ ។

បន្ទាប់ពីលោកវ-ឯក ហួត សារ៉ាវុធ នាយការិ
យាល័យសរុបផែនការ បានអានរបាយការណ៍ បូកសរុបលទ្ធផលការងារ និងការចូលបទអន្តរាគមន៍ចប់ លោក ឧត្តមសេនីយ៍ត្រី ខេន ឈុនគ័រ ស្នងការរងផែនការងារសេនាធិការ មានមតិសំណេះ
សំណាល ដោយថ្លែងថា ដោយអនុវត្តតាមគោលការណ៍
ដឹកនាំរបស់លោកឧត្តមសេនីយ៍ទោ ហេង សុផល ស្នងការនគរបាលខេត្ត លោកឧត្តមសេនីយ៍ត្រី បានដឹកនាំបងប្អូនកិច្ចប្រជុំ បូកសរុបលទ្ធផលនេះ គឺដើម្បីត្រួតពិនិត្យលើភារកិច្ច ដែលបានអនុវត្តនាពេលកន្លងមក ក្នុងដកបទពិសោធន៍ សម្រាប់អនុវត្តបន្ត ឈានទៅសម្រេចបានទទួលជោគជ័យ បន្ថែមទៀត ។

ក្នុងនោះលោកឧត្តមសេនីយ៍ត្រី ខេន ឈុនគ័រ ស្នងការរងបានដាក់ទិសដៅការងារ ដល់ថ្នាក់ដឹកនាំការិយាល័យជំនាញ និងអធិការរងក្រុង-ស្រុកទាំង ០៩ អោយកទៅអនុវត្ត ដើម្បីសម្រេចបានផ្លែផ្កា ស្នាដៃបន្ថែមទៀត:

១-ត្រូវពង្រឹងបទវិន័យលេខ ៨៧៣ របស់កងកម្លាំងនគរបាលជាតិ,
– អំពីសីលធម៌ សំដីសំដៅទន់ភ្លន់ សុភាពរាបសា និងទំនាក់ទំនងល្អរវាងគ្នា និងគ្នា ក្នុងអង្គភាព និងក្រៅអង្គភាព
– ត្រូវរៀបចំខ្លួន ក្នុងនាមជាកងកម្លាំង មានគ្រងឯកសណ្ឋានត្រូវ ក្នុងម៉ោងធ្វើការ សាកសមជាមន្ត្រីនគរបាលជាតិ
– ត្រូវពិនិត្យមើលវត្តមាន និងម៉ោងធ្វើការកម្លាំង អោយបានត្រឹមត្រូវក្នុងការឈប់សម្រាក និងតាមកាលកំណត់
– ត្រូវចេះថែទាំសុខភាព និងអនាម័យអោយបានត្រឹមត្រូវ

២-ត្រូវពង្រឹងការងារជំនាញ ដោយ រួមគ្នាគិត រួមគ្នាធ្វើ រួមគ្នាដោះស្រាយ ប្រកបដោយស្មារតី ទទួលខុសត្រូវខ្ពស់ និងប្រសិទ្ធភាព

៣-យកចិត្តទុកដាក់របៀបរបបការងាររដ្ឋបាល : .ព្រមទាំពង្រឹងសមត្ថភាពជំនាញ តាមរយៈការសិក្សា រយៈវែង និងខ្លី រួមផ្សំស្រាវជ្រាវតាមបណ្ដាញសង្គមឌីជីថល.។
.ពង្រឹងការទំនាក់ទំនង កិច្ចសហការល្អ ជាមួយមន្ត្រីរាជការ និងមហាជនជុំវិញខេត្ត ។

៤-ធ្វើការគ្រប់គ្រងឯកសារ និងរូបភាព ជាប្រចាំ ក្នុអង្គភាព
ពិសេសចងក្រង អំពីសមិទ្ធផល ស្នាដៃ ដែលថ្នាក់ដឹកនាំ កងកម្លាំង ក្នុងអង្គភាព សម្រេចបាននាពេលកន្លងមក ។

៥- ត្រូវចេះសាមគ្គីភាព ឯកភាពផ្ទៃក្នុង ឲ្យបានល្អប្រសើរ ជួយគ្នា ទៅវិញ ទៅមក ក្នុងគ្រាជួបទុក្ខលំបាក ៕អត្ថបទស្នងការដ្ឋាននគរបាលខេត្តកំពង់ធំ-ពិនិត្យដោយអ៊ុមញឹប។