ឧត្តមសេនីយ៍ត្រី មាស យ៉ត បានដឹកនាំសហការី អញ្ជើញចុះសួរសុខទុក្ខ លោកពលបាលទោ ហួត គឹមឈី ជាវរៈកងទ័ពឈរជើងនៅតំបន់ថ្មដូន ប្រាសាទតាក្របី ដែលបានជួបគ្រោះថ្នាក់ចរាចរណ៍ (រងរបួស) ពេលត្រឡប់មកពីសមរភូមិ ទៅលេងគ្រួសារ ស្ថិតនៅឃុំស្រើង

(កំពង់ធំ)៖ នៅថ្ងៃទី០៤ ខែធ្នូ ឆ្នាំ២០២៥ លោកឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្តកំពង់ធំ បានដឹកនាំសហការី បានអញ្ជើញចុះសួរសុខទុក្ខលោកពលបាលទោ ហួត គឹមឈី ជាវរៈកងទ័ពឈរជើងនៅតំបន់ថ្មដូន ប្រាសាទតាក្របី ដែលបានជួបគ្រោះថ្នាក់ចរាចរណ៍ (រងរបួស) ពេលត្រឡប់មកពីសមរភូមិ ទៅលេងគ្រួសារ ស្ថិតនៅភូមិទំនប់ ឃុំស្រើង ស្រុកប្រាសាទសំបូរ ខេត្តកំពង់ធំ។

ក្នុងឱកាសលោក ឧត្តមសេនីយ៍ត្រី មេបញ្ជាការ បានជូនពរដល់ លោកពលបាលទោ ហួត គឹមឈី ជាវរៈកងទ័ពឈរជើងនៅតំបន់ថ្មដូន ប្រាសាទតាក្របី ឆាប់ជាសះស្បើយ និងជូនពរសូមឱ្យមានសុខភាពល្អកម្លាំងខ្លាំងខ្លារ ដើម្បីការពារមាតុភូមិ ប្រទេសជាតិរបស់យើង។ លោកក៏បានតស៊ូជាច្រើនឆ្នាំមកហើយក្នុងការការពារប្រទេសជាតិ ការពារទឹកដីកុំឱ្យចោរសៀមមកឈ្លានពាន និងធ្វើបាបវីរៈកងទ័ពយើងបន្តទៀត ហើយវីរៈកងទ័ពយើងបានលះបង់ពេលវេលា កម្លាំងកាយចិត្តដើម្បីជួយទាំងយប់ទាំងថ្ងៃដើម្បីបម្រើជាតិមាតុភូមិឲ្យបានគង្វរនិងស្ថិតស្ថេរជារៀងរហូត។

ក្នុងនោះលោកឧត្តមសេនីយ៍ត្រីមេបញ្ជាការ បាននាំយកគ្រឿងឧបភោគបរិភោគឧបត្ថម្ភ រួមមាន÷ អង្ករ២បាវទឹកស៊ីអ៊ីវ១យួ ទឹកត្រី១យួ មី២កេស ទឹកបរិសុទ្ធវីតាល់ ២កេ និងថវិកា៥០០.០០០រៀលផងដែរ។ អត្ថបទកងរាជអាវុធហត្ថខេត្តកំពង់ធំ  ពិនិត្យដោយលោក ធូ កែវមុន្នី