លោកជំទាវ លឹម មួយស្រៀន នួនផារ័ត្ន បានអញ្ជើញចុះជួបសំណេះសំណាងសួរសុខទុក្ខ និងចែកអំណោយមនុស្សធម៌ ដល់ស្ត្រីសម្រាលកូនតូច ស្ត្រីមានផ្ទៃពោះ៥០រូប នៅមន្ទីរពេទ្យបង្អែកបារាយណ៍-សន្ទុក ខេត្តកំពង់ធំ

(កំពង់ធំ)÷ក្រុមការងារឥស្សរជនឆ្នើមថ្នាក់សាខាកាកបាទក្រហមកម្ពុជាខេត្តកំពង់ធំ ដែលមានលោកជំទាវ លឹម មួយស្រៀន នួនផារ័ត្ន អនុប្រធានកិត្តិយសសាខាកាកបាទក្រហមកម្ពុជា ខេត្តកំពង់ធំអមដំណើរដោយលោកជំទាវ លំ គន្ធារី អនុប្រធានអចិន្ត្រៃយ៍គណៈកម្មាធិការសាខា លោក លោកស្រីមន្ត្រីក្រុមប្រតិបត្តិសាខា លោក លោកស្រីមន្ត្រីអនុសាខា បានអញ្ជើញចុះជួបសំណេះសំណាងសួរសុខទុក្ខ និងចែកអំណោយមនុស្សធម៌ព្រមទាំងកញ្ចប់ឃីតស្ត្រីទៅដល់ស្ត្រីសម្រាលកូនតូច ព្រមទាំងស្ត្រីមានផ្ទៃពោះចំនួន៥០រូប នៅមន្ទីរពេទ្យបង្អែកបារាយ
ណ៍-សន្ទុក ស្រុកបារាយណ៍ ខេត្តកំពង់ធំ នារសៀលថ្ងៃទី០៨ ខែមេសា ឆ្នាំ២០២៦។

ជាមួយគ្នានេះផងដែរលោកជំទាវ លំ គន្ធារី អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្តកំពង់ធំ បានអានសារលិខិតរបស់សម្ដេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដើម្បីស្ត្រីសម្រាលកូនតូច ស្ត្រីមានផ្ទៃពោះចេះរក្សាសុខភាពអនាម័យដល់កូនចៅ មានសុខភាពល្អនិងបញ្ញាវាងវៃ។

ពិធីសំណេះសំណាលក្នុងឱកាសនេះផងដែរ
លោកជំទាវ លឹម មួយស្រៀន នួនផារ័ត្ន បានមានប្រសាសន៍សំណេះសំណាល និងអប់រំផ្សព្វផ្សាយអំពីការថែទាំសុខភាព ពិសេសស្ត្រីមានផ្ទៃពោះទាំងអស់ទៅទទួលការពិនិត្យផ្ទៃពោះឱ្យបានយ៉ាងតិច៤ដងតាមពេលវេលាកំណត់មុននឹងសម្រាលស្របតាម ប្រធានបទ «រួមគ្នាលើកកម្ពស់គុណភាព សុវត្ថិភាព ប្រសិទ្ធភាព នៃការថែទាំផ្ទៃពោះមុនសម្រាល ព្រមទាំងក្នុងបរិបទមានគ្រោះអាសន្ន ឬគ្រោះមហន្តរាយ ដើម្បីធានាថា ទាំងម្ដាយ និងទារកមានសុខភាពល្អ» ។

សូមបញ្ជាក់ផងដែរថា កញ្ចប់សំណេះសំណាលនេះរួមមាន អង្ករចំនួន២៥គីឡូក្រាម មី១កេស ត្រីខ១យួរ ទឹកត្រី១យួរ ទឹកស៊ីអ៊ីវ១យួរ កន្សែងពោះគោ១ សារុង១ ម្សៅលាបខ្លួនកូនក្មេង១កំប៉ុង សាប៊ូកក់សក់កូនក្មេង១ ដប ឈុតមួកស្រោមដៃស្រោមជើងមួយកំប្លែនិងថវិកាមួយចំនួនផងដែរ។ អត្ថបទ សាខាកាកបាទក្រហមកម្ពុជាខេត្តកំពង់ធំ-ពិនិត្យដោយអ៊ុមញឹប។