អនុប្រធានកាកកបាទក្រហមខេត្ត នាំយកអំណោយមនុស្សធម៌របស់សាខាខេត្តកំពង់ធំ ទៅប្រគល់ជូនគ្រួសារសពដែលរងគ្រោះដោយរន្ទះបាញ់ នៅឃុំសាគ្រាម
(កំពង់ធំ)÷ លោកជំទាវ លំ គន្ធារី អភិបាលរងខេត្ត និងជាអនុប្រធានកាកកបាទក្រហមខេត្តកំពង់ធំ និងក្រុមការងារ អមដំណើរដោយរដ្ឋបាលឃុំ មណ្ឌលសុខភាព បាននាំយកអំណោយចែកជូនគ្រួសារសព ដែលរងគ្រោះឈ្មោះលោកស្រី ហ៊ុំ ផល្លិះ អាយុ២៩ឆ្នាំ គ្រោះថ្នាក់ដោយរន្ទះបាញ់ បណ្ដាលឱ្យស្លាប់នៅនឹងកន្លែង នៅវេលាម៉ោង២និង១៥នាទីរសៀល ថ្ងៃទី១០ ខែមេសា ឆ្នាំ២០២៥ នៅចំការស្វាយចន្ទីរនៅតំបន់អូក្រចូញ ភូមិសាគ្រាមត្បូង ឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ នៅព្រឹកថ្ងៃទៅ១១ ខែមេសា ឆ្នាំ២០២៥។
លោក ច័ន្ទ សុផល មេឃុំសាគ្រាមបានបញ្ជាក់ថា ជនរងគ្រោះមានសមាជិកសរុប០៣នាក់ ស្រី០២នាក់
១.លោក អឿង ណាង ភេទប្រុស អាយុ ២៨ឆ្នាំ (ប្ដី)
២.កុមារី ណាង កន្និកា ភេទស្រី អាយុ១៨ខែ
គ្រួសារសពរស់នៅភូមិសាគ្រាមជើង ឃុំសាគ្រាម ស្រុកប្រសាទបល្ល័ង្ក ខេត្តកំពង់ធំ។
លោកជំទាវ លំ គន្ធារី បានថ្លែងនូវការសោកស្ដាយ និងសូមចូលរួមមរណៈទុក្ខយ៉ាងក្រៀមក្រំជាទីបំផុត ជាមួយគ្រួសារនៃសព ដែលមរណភាពដោយរន្ទះបាញ់ គ្រួសារសពត្រូវតែតាំងចិត្តឱ្យបានរឹងមាំ ដើម្បីចិញ្ចឹមកូនដែលនៅតូចៗ ឱ្យពួកគាត់បានចូលរៀនដូចកុមារដទៃដែរ។សូមបួងសួង សូមឱ្យដួងវិញ្ញាណក្ខន្ធ លោកស្រី ហ៊ុំ ផល្លិះ បានទៅកាន់សុគតិភព កុំបីឃ្លៀងឃ្លាតឡើយ ។
សូមបញ្ជាក់ផងដែរថា អំណោយមនុស្សធម៌របស់សាខាកាកបាទល្រហមកម្ពុជាខេត្តកំពង់ធំ បានប្រគល់ជូនគ្រួសារសពរួមមាន÷ អង្ករ៥០គីឡូក្រាម មី១កេស ត្រីខ០១កេស ទឹកត្រី០១យួរ ទឹកស៊ីអ៊ីវ០១យួរ និងថវិកា១.០០០.០០០រៀលផងដែរ។ អត្ថបទលោក ធូ កែវមុន្នី-ពិនិត្យដោយអ៊ុមញឹប។
