លោកឧត្តមសេនីយ៍ទោ ហេង សុផល និងក្រុមការងារ បានប្ដេជ្ញាចិត្តការពារ រក្សាសន្តិសុខ សុវត្ថិភាពសណ្តាប់ធ្នាប់ ជូនសង្គមជាតិ និងប្រជាពលរដ្ឋ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ នាពេលខាងមុខនេះ

(កំពង់ធំ)÷ នៅរសៀលថ្ងៃទី២៩ ខែមីនា ឆ្នាំ២០២៥ លោកឧត្តមសេនីយ៍ទោ ហេង សុផល ស្នងការនគរបាលខេត្តខេត្តកំពង់ធំ បានដឹកនាំកិច្ចប្រជុំដើម្បីធានាថែរក្សាសន្ដិសុខ សុវត្ថិភាព សណ្ដាប់ធ្នាប់ ជូនសង្គមជាតិ និងប្រជាពលរដ្ឋ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរនាពេលខាងមុខនេះ។

លោកឧត្តមសេនីយ៍ទោ ហេង សុផល ក៏មានប្រសាសន៍ សង្កត់ធ្ងន់លើការងារចាំបាច់មួយចំនួនដូចខាងក្រោម÷ ១.ក្តាប់សភាពការមុខសញ្ញាសន្តិសុខ។  ២.ពង្រឹងការគ្រប់គ្រងមុខសញ្ញាព្រហ្មទ័ណ្ឌ។ ៣.ការងារគ្រប់គ្រងមុខ សញ្ញាក្មេងទំនើង ហើយដាក់ចេញនូវវិធានការ សរុបសំដៅ បង្ការ ទប់ស្កាត់ បង្ក្រាបបទល្មើសគ្រប់ប្រភេទ ទាន់ពេលវេលា និងមានប្រសិទ្ធភាពខ្ពស់។ ៤.ពង្រឹងការអនុវត្តច្បាប់ចរាចរណ៍ផ្លូវគោក បង្កើនការផ្សព្វផ្សាយ តាមគោលដៅងាយរងគ្រោះ ដើម្បីថែរក្សាអោយបាន នូវអាយុជីវិត ទ្រព្យសម្បត្តិ មនុស្ស សត្វ។ ៥.ការងារគ្រោះអគ្គិភ័យ
ត្រូវបន្តការចុះផ្សព្វផ្សាយ អប់រំ បញ្ហាអគ្គិភ័យ និងចែកលេខទូរស័ព្ទ ទំនាក់ទំនង សម្រាប់កិច្ចអន្តរាគមន៍ ដល់ប្រជាពលរដ្ឋ ។

 លោកឧត្តមសេនីយ៍ស្នងការ បានគូសបញ្ជាក់ផងដែរថា ដើម្បីបង្ករបរិយាកាស ប្រកបដោយភាពសុខដុមរមនា ដល់ប្រជាពលរដ្ឋ អង្គភាព បានបញ្ចុះកម្លាំងតាមគោលដៅទីប្រជុំជន វត្តអារាម រមណីយដ្ឋាន ទីកម្សាន្តសប្បាយភាព ដើម្បីជួយសម្រួលចរាចរណ៍ បញ្ជៀសការកកស្ទះ របស់អ្នកធ្វើដំណើរ ដោយឥរិយាបថ សុភាពរៀបសារ ទន់ភ្លន់ រួសរាយរាក់ទាក់  ក្នុងការប្រាស្រ័យទាក់ទងជាមួយមហាជន ។

លោកស្នងការ បានណែនាំ ដល់លោកអធិការនគរបាលទាំង០៩ក្រុង-ស្រុក ដើម្បីចូលរួមចំណែក អបអរសាទរបុណ្យចូលឆ្នាំថ្មីប្រពៃណីជាតិ នាពេលខាងមុខនេះ តាមអង្គភាពនីមួយៗ ត្រូវរៀបចំតុបតែងលម្អ គ្រឿងរណ្តាប់ ផ្កាភ្ញីសែនព្រេនទទួលទេវតាឆ្នាំថ្មី តាមទំនៀមទម្លាប់របស់ប្រជាជនខ្មែរយើងតាំងពីបូរាណកាលមក រហូតដល់បច្ចុប្បន្ន ព្រមទាំងប្រសិទ្ធិពរជ័យ ដល់កងកម្លាំងក្នុងឱកាស ពិធីបុណ្យចូលឆ្នាំថ្មីប្រពៃណីជាតិ សូមប្រកបជួបប្រទះ តែពុទ្ធពរជ័យទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕ អត្ថបទស្នងការនគរបាលខេត្តកំពង់ធំ-ពិនិត្យហើយអ៊ុមញឹប។